廚十三老壇酸菜魚 (太子集團中心) (已結業)

好耐無食酸菜魚啦，偶爾都想練食辣，所以朋友簡咗依間出名嘅酸菜魚餐廳一齊挑戰！因為有四個人，本來打算叫土豪份，好彩到最後改變主意叫大份。點解？因為隻碟大到佔咗成張枱80%位置，好誇張！老壇酸菜魚 大份($478)　加寬粉通常食酸菜魚都喺「碟大量少」，但佢地魚肉份量都適中，魚肉嫩滑，又麻又辣，好食！寬粉吸收曬精華，非常惹味，雖然好辣但又停唔到口！不過個人覺得可以再加多少少酸菜，增加酸味。見佢地啲小菜名好有趣，所以都試左幾款。刀拍前男友($58)其實只係拍青瓜，不過不失，辣度仲可以接受。冷吃豆乾($50)豆乾吸曬醬汁嘅辣味，越食越辣，好惹味。碧綠脆荀($78)終於有唔辣嘅小菜啦！荀好爽脆，可以用嚟中和口腔辣味啊～最後試埋甜品兩露均沾($48)好似炸麻糬嘅質感！蘸黑糖醬好好食啊！雖然外皮係脆口，但無油膩感，值得一試！如果心癮起想食酸菜魚，依間餐廳會係一個唔錯嘅選擇！

呢個星期涼左少少當然想食返啲熱辣辣嘅嘢，除咗火鍋之外我就諗到食酸菜魚約埋幾個都有興趣嘅好朋友去尖沙咀呢間分店食，見佢新開張就心郁郁想試吓！ 雖然冇訂位但係好快就被安排入座，裝修都幾靚而且啲位都幾闊落，仲有可愛嘅插畫係牆上～菜單都清楚易明，你都當然要叫主菜酸菜魚，我地因為都好肚餓所以叫左個土豪份量，仲加咗配菜：青荀片、蓮藕片同腐竹，辣度方面叫咗小辣～當然食酸菜魚唔少得白飯啦🍚仔細睇個菜單啲菜名都好盞鬼，當然齋睇個菜名唔知係咩，所以都有啲圖畫睇吓，研究咗一陣都叫咗兩個小食試吓！好快第一個前菜已經嚟咗，就喺刀拍前男友，即係手拍青瓜，青瓜都好爽脆，麻油味好香，做開胃菜啱啱好緊接着夫妻肺片就到左，雖然睇落啲辣椒油好勁，但食落唔太辣，而且份量都幾足！除咗牛舌仲有牛柏葉，最後仲有啲青瓜絲墊底，送飯一流之後重頭戲酸菜魚終於上場啦！一想枱份量已經好驚人，可能因為我哋叫做四人份量一上枱就聞到好香嘅麻辣味，而且眼見已經有好多鱸魚片，影完相我哋就急不及待試食啦鱸魚食落好滑，飲埋啖湯仲正，連埋啲粉絲食仲正，又麻又辣😍腐竹較清淡，可以去除湯裡面既麻辣味，對於唔食得太辣嘅我啱啱好！蓮藕片又爽又脆，好味😋食到最後我哋