影片
更多
2023-01-29
5353 浏览
食過幾次又想再嚟食，碗屋係無限時日本放題，食物高質，服務招待都很好，點菜都係店員埋嚟同你落單，而且仲會耐心介紹，唔會有吹你走嘅感覺，同朋友嚟食好盡情盡興。餐廳裝修係舊日式風格，多人嘅話都可以訂榻榻米房間。不過呢度好難book位，經常都full booking，我今次訂位都係得返bar枱位置，唔理咁多照食。#刺身拼盤一開始重頭戲有一大盤刺身，每人可以選一款頭盤，我哋揀咗龍蝦刺身，肉質新鮮。最鍾意連殼原隻赤貝，肉厚彈牙，唔係好多放題可以食到。三文魚、油金魚、吞拿魚厚切肥美。帆立貝、甜蝦鮮甜，仲有海螺及北寄貝，刺身有11款無限提供。#炸蠔外面脆漿鬆脆，咬開裡面蠔熱辣辣，肥美juicy。#鐵板厚燒牛柳厚切牛柳燒得剛好，唔會太熟，肉嫩有肉汁，牛味燶，配炸蒜片食更好味。#銀鱈魚西京燒銀鱈魚屬於重油分嘅魚，以西京漬醃魚肉，燒好後表面金黃，魚油好香，魚肉帶點淡淡的甘甜味，出面好少放題可以任食銀鱈魚。#炸軟殼蟹表面炸得酥香，裡面仍然保持蟹肉口感，蟹肉和外層軟殼在口中層次分明。#火炙左口魚鰭邊壽司左口魚本身魚油濃郁，上面配以生洋蔥絲及蘿蔔蓉，經火焰一下後令魚油香更加提升，飯唔大舊。#天婦羅蝦即叫即炸，天婦
餐廳裝修係舊日式風格，多人嘅話都可以訂榻榻米房間。不過呢度好難book位，經常都full booking，我今次訂位都係得返bar枱位置，唔理咁多照食。
刺身拼盤
198 浏览
0 赞好
0 留言
赤貝刺身、帆立貝刺身、吞拿魚刺身、油甘魚刺身
68 浏览
1 赞好
0 留言
一開始重頭戲有一大盤刺身，每人可以選一款頭盤，我哋揀咗龍蝦刺身，肉質新鮮。最鍾意連殼原隻赤貝，肉厚彈牙，唔係好多放題可以食到。三文魚、油金魚、吞拿魚厚切肥美。帆立貝、甜蝦鮮甜，仲有海螺及北寄貝，刺身有11款無限提供。
炸蠔
96 浏览
0 赞好
0 留言
外面脆漿鬆脆，咬開裡面蠔熱辣辣，肥美juicy。
鐵板厚燒牛柳
126 浏览
0 赞好
0 留言
厚切牛柳燒得剛好，唔會太熟，肉嫩有肉汁，牛味燶，配炸蒜片食更好味。
銀鱈魚西京燒、炸軟殼蟹
69 浏览
0 赞好
0 留言
銀鱈魚屬於重油分嘅魚，以西京漬醃魚肉，燒好後表面金黃，魚油好香，魚肉帶點淡淡的甘甜味，出面好少放題可以任食銀鱈魚。
#炸軟殼蟹
表面炸得酥香，裡面仍然保持蟹肉口感，蟹肉和外層軟殼在口中層次分明。
吞拿魚刺身、火焰左口魚鰭邊壽司
69 浏览
0 赞好
0 留言
左口魚本身魚油濃郁，上面配以生洋蔥絲及蘿蔔蓉，經火焰一下後令魚油香更加提升，飯唔大舊。
天婦羅蝦、海膽冷豆腐
50 浏览
0 赞好
0 留言
即叫即炸，天婦羅蝦表面一層薄薄脆漿，入口酥脆散開，包裹住爽口彈牙嘅蝦，配蘿蔔蓉天婦羅汁，最緊要趁熱食。
#海膽冷豆腐
前菜冷豆腐，浸住冷湯汁，配上鮮甜海膽同三文魚子，不多不少，可以一啖一口，三樣嘢在口中融為一體，味道清新。
蟹子沙律、鯛魚湯
66 浏览
0 赞好
0 留言
#蟹子沙律
蟹籽大粒脆卜卜份量多，青瓜絲新鮮乾身，撈埋蟹柳絲沙律醬，清新爽口，絕配，大啖大啖食，食完再叫。
#鯛魚湯
不能錯過嘅就係熱辣辣鮮味嘅鯛魚湯，完全飲緊魚嘅精華，唔係味精湯，應該用咁好多魚骨熬製。
鐵板鴨肝、厚燒咸牛脷
72 浏览
1 赞好
0 留言
#鐵板鴨肝
口感同鵝肝差別唔大，厚切鴨肝煎至入口即溶的幼滑質感，入口時甘香嘅味道慢慢在口中化開。
#厚燒咸牛脷
厚切粒狀，外層表面燒至微焦，口感係腍身嗰隻，夠咸香。
海膽小手卷、拖羅小手卷
50 浏览
0 赞好
0 留言
#海膽小手卷、拖羅小手卷
海膽鮮甜，拖羅新鮮，小手卷份量處理得很好，飯少細細舊，唔會一次過已經食飽，可以少少份量試吓先，再想食先至再encore。
豆腐雪糕、柚子雪糕、芒果雪米糍、荔枝雪米糍
50 浏览
0 赞好
0 留言
#甜品大放送
甜品都有多款選擇，都係任叫任食，雪糕有五款口味我都試晒，芝麻、綠茶、豆腐、芒果同柚子味，全部都好味，口感滑，味道濃郁唔太甜，過人就鍾意綠茶味，茶味夠濃。仲有大福、糯米糍、泡芙、雪米糍。
綠茶雪糕、赤背刺身、八爪魚刺身
43 浏览
0 赞好
0 留言
埋單為$595一位，食物高質，性價比高，我覺得抵食。最後刺身同甜品都食咗幾轉，非常滿足！想食要預早訂位。
#碗屋
地址：中環皇后大道中 139號 The L. Place 1樓
電話：25218807
张贴
