禪八日本料理

营业中

休息中

早前到禪八食火鍋, 本來冇乜寄望, 但水準比想像中好好多~! 兩個人, 點了一個牛肉火鍋, 加一碟刺身拼盘. 拼盤內的刺身選擇比一般坊間的算多, 而且質素不俗, 每片刺身都大大塊, 好有口感! 最緊要係賣相很精緻, 淨係睇住碟野食, 都覺得好開心!! 火鍋的鍋則用紙做, 我和朋友都覺得好神奇, 個紙鍋直接放在爐上面, 但張紙又唔爛唔溶, 一路食, 一路研究, 好過癮~! 而且火鍋的食材全由日本入口, 正宗日本風味, 牛肉超大塊, 一啖放入口, 勁滿足, 雖然我地將牛肉淥至全熟, 但完全唔鞋口, 相反, 仲好juicy! 通常食日本和牛, 一兩舊已經好漏, 但呢次的牛肉, 脂肪分佈平均, 唔肥唔瘦岩岩好, 所以不自覺地一片又一片放入口, 仲想叫多碟添!! 再望望其他客人, 有幾枱都係日本人, 果然連日本人都鍾意食!! 價錢公道, 雖然唔算平, 但質素同價錢成正比, 下次都會再試~!