影片
更多
2018-02-05
842 浏览
卡卡小姐一月生日喎，仲要連埋羅賓漢同倩女呢個組口咁耐無見，緊係要出黎聚一聚慶祝下喇。羅賓漢本身提議打邊爐，但卡卡小姐怕熱氣，緊係壽星女話事喇，所以轉食日本菜喇。熊妹其實都幾鐘意居酒屋架，因為鐘意食串燒小食鍋物同埋係居酒屋把酒言歡的氣氛。八吉都幾有日本居酒屋的味道，門口掛有印有“八吉”字樣的門簾，入面有幾張坐tatami的枱，需要除鞋的，不過都有客人，熊妹同卡卡小姐先到，被安排到一張四人枱坐下。店員會好窩心的隨即呈上熱毛巾同熱茶，讓風塵僕僕到來的食客可以先清潔雙手，保持進食前的衛生，真係好有日本服務的味道。然後先奉上前菜小吃兩小碟，係豉油漬茄子同田螺，茄子有2，3小粒，上面拌有木魚絲，都幾特別; 田螺，熊妹就唔係幾好，所以俾左卡卡小姐食喇。羅賓漢同倩女都陸續放工趕到喇，開始點餐喇。日本飲食文化係偏好先點飲品，再來食物。來到居酒屋，當然要叫支sake來把酒談天喇。 先奉上酒杯盤揀揀自己的sake戰鬥杯，熊妹覺得咁樣的服務係幾特別喎，估下熊妹揀邊款?又俾熊妹發現有牛油果菜式，熊妹又點會放過呢?吞拿魚牛油果沙律，牛油果份量有6，7粒，係7，8成熟到，吞拿魚刺身伴埋啲沙律醬，係幾好味，第一次試牛
羅賓漢本身提議打邊爐，但卡卡小姐怕熱氣，緊係壽星女話事喇，所以轉食日本菜喇。
熊妹其實都幾鐘意居酒屋架，因為鐘意食串燒小食鍋物同埋係居酒屋把酒言歡的氣氛。
八吉都幾有日本居酒屋的味道，門口掛有印有“八吉”字樣的門簾，入面有幾張坐tatami的枱，需要除鞋的，不過都有客人，熊妹同卡卡小姐先到，被安排到一張四人枱坐下。
店員會好窩心的隨即呈上熱毛巾同熱茶，讓風塵僕僕到來的食客可以先清潔雙手，保持進食前的衛生，真係好有日本服務的味道。然後先奉上前菜小吃兩小碟，係豉油漬茄子同田螺，茄子有2，3小粒，上面拌有木魚絲，都幾特別; 田螺，熊妹就唔係幾好，所以俾左卡卡小姐食喇。
羅賓漢同倩女都陸續放工趕到喇，開始點餐喇。日本飲食文化係偏好先點飲品，再來食物。來到居酒屋，當然要叫支sake來把酒談天喇。 先奉上酒杯盤揀揀自己的sake戰鬥杯，熊妹覺得咁樣的服務係幾特別喎，估下熊妹揀邊款?
吞拿魚牛油果沙律
$88
16 浏览
1 赞好
0 留言
又俾熊妹發現有牛油果菜式，熊妹又點會放過呢?吞拿魚牛油果沙律，牛油果份量有6，7粒，係7，8成熟到，吞拿魚刺身伴埋啲沙律醬，係幾好味，第一次試牛油果伴刺身的沙律，唔錯，倩女同卡卡小姐都幾欣賞，不過羅賓漢就唔係幾好牛油果就無咩點試喇。
刺身拼盤
$490
25 浏览
1 赞好
0 留言
刺身係呢度的招牌菜喎，賣點係新鮮，咁就試下有幾新鮮喇。黎到都幾大盤，顏色好鮮艷，有多款魚類海產，熊妹記得的有吞拿魚，劍魚，生蝦，帶子，其他唔記得名嚕。份量幾多下，係真係幾新鮮喎，一啲都唔腥，肉質鮮味，啖啖新鮮魚肉口感，刺身加豉油同wasabi真係好夾，熊妹好怕食到啲好差好唔新鮮的刺身有根同有渣，呢度真係一分錢一分貨。
明太子雞翼
$48
21 浏览
1 赞好
0 留言
跟住黎左啲小食，先係明太子雞翼，明太子份量都唔輕手，塞得雞翼滿滿的，食落好豐富，又唔係好油，熊妹最怕油，熊妹最怕肥。
一口和牛串燒
$138
18 浏览
1 赞好
0 留言
再來的係一口和牛串燒，嘩，燒得剛剛好，肉質夠嫩，均勻的脂肪分怖，咬落去有啲油脂從牛肉中滲透出黎，感覺好肥美，一口一粒大小岩岩好，每人食兩粒係有啲唔夠喉，不過怕肥的熊妹都係唔敢食太多。
雪花肥牛
19 浏览
0 赞好
0 留言
牛肉壽喜燒
$498
33 浏览
0 赞好
0 留言
再點左個牛肉壽喜燒，啲雪花肥牛幾肥美，有專人先燒起啲配菜，有花菇，野菇，金菇，白菜，紅蘿蔔片，豆腐，芋絲，燒左一陣，就倒埋日本濃湯入鍋，壽喜燒就成形喇，自己再恰肥牛喇。呢個火煱燒味道就正常，無咩特別，份量唔係好多，但勝在材料新鮮。
八吉燒
$98
22 浏览
1 赞好
0 留言
好似無咩主食咁，所以叫左個八吉卷，有啲米飯落肚。都幾大一舊，材料都幾豐富，有三文魚，吞拿魚，上面鋪上沙律醬同魚釨，多重口感同味道，熊妹鐘意沙律醬，有沙律醬的食物就無得輸喇。
魔鬼魚乾
30 浏览
0 赞好
0 留言
食左咁多，其實都飽飽地，不過仲有啲酒，緊係叫樣拌酒菜喇。店員推介左個魔鬼魚乾，好似幾特別。嘩，果然好戲在後頭，燒得乾乾地，好香，好脆，有椒鹽味，送酒真係一流，食到停唔到口。大家都好概歎點解最後先發現這味小吃，其實一開頭可以叫兩碟再送酒談談天已經好夠。
埋單總共二千二百幾蚊，食物係新鮮係靚料既，環境係舒服既，氣氛係和諧既，服務係周全既，價錢係貴既，不過生日飯一年一次，最緊要，卡卡小姐，生日快樂！
张贴
