大都烤鴨

营业中

休息中

今日約左舊同學聚一聚，大家都話想食片皮鴨，最後就決定揀左呢間位於尖沙咀K11入面既大都烤鴨喇。環境方面，座位闊落，坐得舒服，唔會話逼住逼住咁，所以呢餐飯都食得好舒適。服務態度方面，等位黎講都算快，因為都比較多人等，但我地都係大約半個鐘就入到去。服務員既態度非常好，上菜速度好快，見枱面唔夠位會幫我地執走晒食完既碟。食物方面，咁我地一行4人就叫左4人晚市套餐，食物既賣相都好靚，當然味道都唔差。值得一讚既係呢餐飯既主角片皮鴨。鴨皮脆薄，鴨肉都好嫩滑，食落又唔會好油膩，係必食既一道菜。唯一美中不足既係份量有啲少，大家都食唔夠喉。價錢方面，晚市黎講呢間餐廳既價錢合理，咁既價錢食到咁高質素既中菜就真係無得頂。

今日終於到K11 大都烤鴨食個 late lunch ,2:00pm 入座，無訂位，都幾多人，幸好有張sofa位，職員招呼幾好，環境衛生，座位舒適，叫左個二人餐食，個set 都幾好，其他來這裡主要想食下啲鴨係咪真係咁正，款式都幾多選擇，味道不錯，個二人餐，都算幾多嘢食，份量剛剛好，其實都好飽，兩個女仔未必食得晒，我最鍾意就係鴨絲羹，味道幾特別，好似食緊碗仔翅，呢個二人餐298，連埋加一茶錢埋單價350左右，下次會試其他菜式

今晚同舊同事敍舊食飯在K11，其實呢一間以前好似來過但係沒有留下深刻印象。唔緊要，俾多次機會佢！前菜係水果，好點奇怪。。不過車厘子唔太新鮮，有苦味當然要食招牌烤鴨啦，第一道上，味道很好，夠熱即片，無乜脂肪，立刻有點期待。。可惜無惗到全晚既高潮就已經完結了。。  黑松露同素鵝本身好鍾意食，不過呢碟好油好肥，宜且完全無松露味  生煎包麻麻雲吞清雞湯雖然變成湯麵，不過算數啦。對我來說係甘露，正好清一清剛才食咗好油既素鵝菜無咩特別，但勝在夠清，呢一刻我需要！其實從來未試過呢味，見幾得意就試下。好柔軟，不太甜，味道ok啦

此行目的是將優惠卷用了, 所以一行5人來試多一些菜式,今次唔知點解, 前菜會有網紋瓜片同士多啤梨兩小碟,幾有新鮮感喎, 中菜餐廳的開胃前菜是生菓,烤鴨跟上次一樣叫半隻, 因為叫一隻驚吃不完浪費了食材,味道依舊高質素,鴨肝則是頂級邪惡的菜式, 外父大人當然相當喜好此品, 由於是整個做的內裡沒有什麼混入, 一入口那種甘潤口感,實在難以抵抗,吃完一片再一片,盡情地在享受”偷”那種滋味,鴨腎就同餐牌照片的相差甚遠, 不過爽口彈牙味道亦不差,水晶鴨舌瑩凝剔透, 同餐牌照片的比較影印出來的一樣, 最值得讚的是鴨舌內連那條骨斬起了, 見微之處欖菜肉碎炒四季荳, 味道無問題但荳荳的纖維較多即係”有渣”鴨鬆生菜包, 份量都幾足, 炒得熱熱的, 夠新鮮喎蔥油餅 饀料充足, 雖然油膩少少咗鴨肉荷葉飯兩個 荷香撲鼻味道適中,甜品- 碗豆糕味道淡淡的, 反而咖啡糕有驚喜, 個樣雖然啡白顏色未夠分明,不過咖啡味就好濃啊, 口感軟糯