平昌 Premium (已結業)

相信大家都知道如果一要出去食韓燒的話，往往兩個人埋單都要過千蚊。今日朋友就帶左我去位於佐敦站上面既平昌 Premium 去食約二百蚊左右價位既任食放題了。今次我地要左基本既大君御膳，一個價位全包連飲品，入去無幾耐就set好晒位連前菜給我們。肉類方面有不同部位既牛肉，新鮮香口，有口感，讚。另外豬五花腩都不錯的，有韓式風味。海鮮類方面估不到有較高成本的原隻帆立貝同生蠔，鮮味十足既貝類放在爐上鮮味出晒來，讚好推介。熱食類方面好多人去吃放題都忽略了熱食，我地就試左海鮮湯，石鍋麵豉湯同韓式拉麵。特別推介韓式拉麵，同係首爾食既一樣咁有風味。飲品類方面另外佢有各類汽水同罐裝茶可以係飲品櫃任拎的，不錯。

好耐無食韓燒，就同Oppa去搵Oppa。平昌位於佐敦莊士倫敦廣場，地鐵一出就到，絶對方便。而且任食時間有2個鐘，足夠我們輕輕鬆鬆由前菜食到甜品。店內環境充滿韓式燒烤氣氛，枱與枱之間闊落，就算一次點好多食物，也夠位擺放。我們叫了最平的放題--大君御膳，種類都唔少有豬肉類、牛肉類、雞肉類、海鮮類、蔬菜類和不同的料理，各式其式，而飲品和甜品則是採用自助形式。燒烤盤外圍會放上蛋汁和迷你小蕃薯。蛋烤一陣就食到脆皮香濃的蛋，而迷你小蕃薯更是超級香甜。我們款款也叫一些，豬肉類、牛肉類和雞肉類味道不錯，尤其肉味香濃的牛肋肉和爽口美味的牛脷。海鮮類新鮮，烤過的鰻魚配上鰻魚汁美味，帆立貝及生蠔新鮮，烤過仍然Juicy。海鮮純豆腐辣湯鮮甜美味，石鍋麵豉湯有香濃的牛肉味，辣泡菜湯湯頭濃厚酸酸辣辣。所有石鍋都熱辣辣，令人非常醒胃。最後來一碗韓式拉麵，拉麵爽滑，好韓式，正。

平昌Premium前身是平昌by BBQ 7080，記得BBQ 7080在香港剛剛興起時，都有跟星仔來食，我們都對其高質素和親民的價錢留下深刻印象。最近天氣凍突然想食韓國烤肉，就去了較就腳的佐敦分店。＊＊＊＊＊＊＊＊＊＊＊＊＊平昌Premium座落莊士倫敦廣場出名多食店，所以黃昏後樓下都會站滿派傳單的姨姨，電梯大堂亦會有長長的人龍排隊等電梯，幸好電梯都快，不用等太久已經可以。平昌佔了廣場整層樓面，店面極廣，可容納過百食客之餘而不覺侷促。前菜八小碟前菜在韓國雖然普遍，但在香港就算少有，全部都可以免費refill。八款前菜味道都不錯，我特別喜歡醃青瓜和泡菜。左: 韓國甜米露($15)每次到韓國旅行去汗蒸幕一定會飲甜米露，但罐裝甜米露都是第一次見，所以就點來試試。飲落甜甜地，會飲到一粒粒米粒，都幾好飲。右: 韓國青提子汁($15)青提子汁味道像真，甜度適中，還有提子肉。平昌主打食韓國烤肉，每個座位上例牌有一碟三款調味醬。除了八小碟前菜，蛋和番薯仔都是無限追加。出面大部份韓國烤肉店的蛋都沒有免貴追加，平昌竟然可以免費無限追加，真心抵。番薯仔是驚喜位，因為很少有烤肉店有供應，初時看外表以為是栗子

又黎到一星期之中最可怕嘅blue Monday,決定要狂食黎發泄一下！朋友想食韓燒，而我就想食韓國料理，見到呢間平昌premium，$198就可以任食正宗韓燒同韓國料理，我地兩個想食嘅野都有齊！就試你啦！一坐低就有4小碟前菜、芝麻醬沙律同一盤生菜比你包肉食第一round就叫左咁多野：由上至下，由左至右：汁燒鰻魚、烤蝦、加錢$98 4條烤大蝦（大蝦條條都手掌咁大！最貼心係外邊清左腸之餘，仲要夾埋牛油，燒落香好多呀）牛舌、薄切豬腩肉、豬腩肉（呢個豬腩肉不得了！夠厚肉，油脂分佈平均，我之後再點多幾次！）牛仔骨、LA牛排骨（呢個牛魔王必食！牛肉好嫩滑呀！）當然仲有我想食嘅韓國料理：海鮮蔥餅、海帶湯（麻油味好香呀！韓燒咁熱氣飲呢個又好岩！我飲左兩碗！）、韓式什錦飯（全蔬菜，我自己燒左LA牛排肉再撈落去食）海鮮仲叫左帶子同扇貝仲有汽水任飲、雪條任食！呢個價錢食到咁高質嘅韓燒真係超值！侍應都好細心！我地一路燒，佢地都自動波幫我地換烤盤！

今天要介紹兩位朋友互相認識。就在佐敦公司附近找吃，朋友硬要拉着我吃韓燒。我最怕燒烤了, 但她嚷着由她來燒給我吃。致電好友韓國通,那找了一間韓燒 前身為7080，相信質數達標吧。店內地方寬裳, 相信可容納80-100個食客。枱與枱相隔一段距離,坐得很舒適 。前菜有5款和沙律, 吃完可以再點。 我點了多次 kimchi, 辣味適中, 很合香港人的口味 。可點的主食有五花腩、梅頭肉、豬頸肉、牛脷、生蠔、雞翼、等等, 我們差不多什麼都點了來一試!五花腩、梅頭肉 首推, 油份充足燒完甘香, 我吃了各5 片。牛肉和雞質數達標。只是個人認為海鲜質數一般,所以把肚子留給豬牛雞吧湯有4款加上大約10款熟食。如果太餓點一些也不錯。試了辣泡菜湯和煎海鲜餅, 绝對是水準之作。這裡$198 兩小時任點任食,十分抵食, 我在其他店吃同等質數的食物要大約350-400元一位 。

120分鐘放題，價錢成人收費$198/位+10%服務費，放題任食黎講都幾抵食，仲有海鮮食。環境唔會太油，幾企理，座位好闊落，坐得幾舒服。「前菜」有泡菜、芽菜、野菌菇、白菜、粉葛條、蔥等。必點：海鮮：「烤生蠔、烤帆立貝、烤蝦」烤蝦都好新鮮大隻，烤帆立貝雖然要等10分鐘左右慢慢烤，但係好多汁，仲好新鮮，有機燒既感覺！點左烤鰻魚，超長又肥厚，已經配好晒汁，只要烤熱就可食。必點肉類：烤牛肉(光陽調味)，烤五花腩，烤牛脷，烤調味豬肉。注意：有d調左味既肉係spicy的，食唔到太spicy既要小心d啊!烤五花腩食一片都已經好滿足...牛脷豬頸肉「飲品」任飲自取，以韓式飲品為主。