煎餅廚房

营业中

休息中

香港好少地方有煎餅食🤤北京烤鴨坦白講味道一般，大部分味都係來自啲醬，蛋、鴨、麵漿本身都係無乜味。如果麵漿落多少少鹽，鴨煎返香同多啲鴨油會更好加左薄脆之後口感的確豐富左好多，同大份左好多🤣如果試都會建議加👍比較麻煩係一定要takeaway，而附近其實無乜地方可以坐低食😕

紅磡而家開咗好多小吃店, 之前睇過食評對呢個煎餅有啲興趣, 難得未到飯點就肚餓, 終於有機會試下喇。。。店舖位於蕪湖街轉角位不難找, 星期日下午5點幾黎無乜人, 叫咗個北京烤鴨煎餅, 店員問需唔需要加薄脆, 加咗會口感好啲, 咁推介當然加埋試試啦～店舖無堂食位, 點餐俾錢完錢就出門口等, 店舖採用玻璃廚房式, 等待時間可以清楚見到店員整餅情況。 現場只有2-3人等, 大約5分鐘就有得攞喇~份量比我想像中大件, 本身有點肚餓既我諗住買其他小食, 最後見到咁大件就放棄咗呢個念頭了。煎餅裡面算係好足料滿滿既鴨肉同青瓜, 加咗薄脆我覺得成件事係加咗分, 薄脆其實係似平時食蛇羹時會加嘅脆脆, 我諗咁大件如果無加薄脆同青瓜會覺得有點太多肉。 個人覺得多少少甜麵醬同青瓜爽口啲會更加好。 女仔黎講, 食完係會飽既, 加埋飲品應該可以當一餐了。