老Come煎餅

营业中

休息中

夜晚唔知食咩好，，屋企人去咗天后揾野食，呢間煎餅店都近地鐵站，行5-10分鐘左右就到。煎餅店嘅店面好貼地，唔係啲咩特別嘅豪裝。裏面有個好nice好好人嘅姨姨。煎餅係即叫即做嘅所以大家可能要等耐少少時間，今次我哋就揀咗北京烤鴨，芫荽蔥辣椒可以揀落或者唔落。煎餅入面有青瓜條，烤鴨醬，煎薄脆，烤鴨肉，雞蛋等等等等。第一啖咬落去真係有食緊北京烤鴨嘅味道，薄脆仲為煎餅帶來意想不到嘅口感，每一啖都『索索聲』。煎餅嘅size都

天后好多食店，這間吸引我目光是北京煎餅，我以前去北京好喜歡這個街頭小食，平、有風味、好食、飽肚，而這間天后小店的價錢非常合理，選擇多，有鹹和甜味，亦有京式 (如烤鴨) 和港式 (如叉燒)，店主兩人笑容好。我食了幾次都是烤鴨料，$38一件有烤鴨絲、蛋、青瓜絲、薄脆、烤鴨醬、辣醬、葱粒，都幾大份。味道很不錯，勝在有不同料捲起來感覺好豐富多料，加上價錢經濟，食量較大的可選大的size，價錢只係比普通size貴幾蚊。另有魚柳、叉燒、肉鬆等料可選，更有素菜選擇，讚😊😊 除煎餅外，亦有其他小食，如椒鹽豬扒、炸墨魚丸等。即使口痕想過口癮這間店也是好選擇。

聽人講過呢間，但經過親都未食過～今日遲收工，想搵簡單又快嘅野食就諗起佢～ 如之前其他人食評所講，9點鐘唔駛排隊！老闆娘好好笑容，問清楚你芫茜，蔥，辣醬有無野唔要～三兩下手勢，好快就整好份北京烤鴨煎餅！入面好多料，一聞好香，烤鴨醬剛剛好，辣醬其實一啲都唔辣，加埋好惹味！我覺得入面都有幾多肉，食到啖啖都有肉，加上有青瓜，芫茜蔥，所以食落唔覺膩！入面仲有塊脆脆，咬落好有層次，所以大家都要襯熱食，否則可能會林晒～對於一個女仔，我覺得$38已經好夠，食到好飽😋

大陸既傳統早餐好出名既煎餅果子，終於都系香港見到~其實未試過正宗既煎餅系咩味，所以都好難去評價呢樣野，但係味道又ok。由於我五系堂食，帶番去已經過左一個鐘先食，所以味道都要打個五折。呢度一人份北京烤鴨煎餅，即買即整，即場做出黎既時候真係好香，充滿煎餅同蛋既香味，拿上手會被辣到。而且分量好大，一人份其實女仔都五會食得曬，建議兩個女仔一齊share。入面會有烤鴨+甜麵醬+芫荽+青瓜+煎蛋+蔥+脆脆（我懷疑有但食果時軟曬），烤鴨五少，餡料非常面，一口咬落去好滿足，青瓜絲同芫荽中和左烤鴨既油膩，蛋香和餅香亦有，我無要辣椒醬，但好似加左會味道層次更豐富。我系度林，既然系北京烤鴨煎餅，會五會包埋大蔥絲更好味？有時候麵包饅頭食膩，煎餅都係比較新奇既選擇，又夠飽肚，不錯的。

北京烤鴨煎餅 $38好鍾意食片皮鴨，之前聽講紅磡有間煎餅都想試不過好遠🤦🏿‍♀️見屋企附近開咗間就去咗試，落order佢就會即刻整，等咗五分鐘左右就有，熱到辣手。比想像中大份，食完都飽肚既，入面有好多鴨肉青瓜同薄脆，個汁係片皮鴨個汁，塊煎餅仲好香蛋味，可以再戰😗