隨變燒烤麻辣雞煲

营业中

休息中

忙到狂燥，做到最後一秒數先收工，必定要食勁勁勁辣雞煲平衡心理！帶齊衫褲逃拳偷懶，食飽先講！大量食材被改上獨特的名字，摸不著邊際。什麼蘇妹妹？一夜情？秋耳？千千圈、牽腸掛肚、玩篤爆？唔係雞脾菇呀，雞髀菇，髀係骨部呢。難得有緣跟美女撐檯腳，食好一點、食盡一點。青島啤酒，正常清爽味道，可安心飲用，最緊要夠凍透心涼。涼拌蓮藕，夠麻夠辣夠香，撈得味濃均勻無馬虎。先來麻辣，後來爽甜微汁蓮藕，配搭得宜可口。麻辣豬耳，入味刺激我喜歡！豬皮膠彈，軟骨脆卜卜，香辣兼備，趙得過癮助酒良伴。最怕汁還汁、耳還耳的處理，明顯即撈未融合，淡而無味。燒蟶子皇，高質絕頂，烹調時間拿捏得分豪毫不差，嬌嫩的肉質，白滑噴汁，沾上蔥蒜辣粉齊齊烤，吊出無窮鮮甜，要大叫好味道！燒內蒙羊肉串，意料之外的出色，比神州風味更出眾。孜然粉、辣粉、焦香、鬆化，羶香不嗆，肥美嫩嫩多汁。串燒牛魔王，厚厚不孤寒，鬆軟有嚼勁，牛汁甜美，混在辣粉香料中格外醒神。燒虎蝦，落味掌握靈巧，香辣到位舒服。蝦肉香而甜，但就霉肉腍劈劈。隨變麻辣雞煲半隻中辣，壯觀豐滿的配料，眼測有胡椒、泡椒、乾辣椒、青椒、紫洋蔥、芫茜、大蒜、乾蔥頭、芹菜、花椒、京蔥、等等。耐心等