老掌櫃東北菜館 (已搬遷) 新店位置

與友人說了很久的片皮鴨餐 最後挑選了這間 一行4人 當然一早訂了枱 一訂便要2030 但勝在不用在街等吸廢氣😌《北京填鴨半隻》主角先上😍半隻已經好多 每人可分到4/5塊 肉質一點也不韌 充滿鴨香 皮是十分喜愛的薄皮 一點也不厚粉 也不易破 厚度適中 再自行加上京蔥&青瓜 解膩 可多吃幾片《雞絲粉皮》正 粉皮又滑又薄 有些更捲成一卷卷 口感更爽口 濃濃的麻醬味 幸好青瓜絲解膩 一百分配搭《千層醬豬耳》很少見橫切薄片的豬耳 令到平均每片都有3條豬耳軟骨 口感大大提升 而且這醬汁味濃中帶點辣 更醒胃 辣度連平常不吃辣的朋友也能勝任《秘製杭州骨》醬汁下有薯仔有菠蘿有杭州骨 略嫌杭州骨肉質較韌 肉的比例真的少之又少😅《黃金四季豆》不得了 黃金為鹹蛋黃 四季豆已不擋其滿足至膩 很好味 但亦很膩 適合一大班人分享 少吃多滋味《豆沙鍋餅》最後 當然少不了甜點 可惜這甜點的皮十分硬 真的鍋燒 紅豆則甜度適中連埋每人一杯飲料 最後4人消費了$622 滿足感滿瀉的一餐👍🏻

呢間隱世於大角咀角落既東北菜小店，黎到既時候最估唔到既係都幾多人排隊，好彩一早訂左枱唔係有排等🤤先黎講講小食，炒萵筍，呢個就正正常常，話就話炒但食落又唔算好油膩，佢唔係爽口個d而係偏向軟身，鐘唔鐘意就見仁見智啦😉第二樣小食就係雞絲粉皮，雞絲，青瓜，粉皮同埋麻醬，好簡單既四樣野配合起上黎就非常之好食🤤粉皮就相似河粉但佢就爽口彈牙多少少，想叫小食既話呢個係唔錯既選擇👍🏻千層醬豬耳，平時食豬耳多數一條好大條，呢到就會係一塊薄身咁食，估唔到食落口感差好遠，平時會咬到牙仔軟但呢隻係脆口得黎好爽身，配合埋其他配料就更香更好食👍🏻👍🏻小食講完就開始到主食啦，第一個係上湯雲吞，係一個唔算好特別既上等雲吞，皮薄餡靚，上湯都唔會話好重味精個d，食落好滿足🤤叫左全餐唯一一個面食，雞蛋蕃茄刀削面，個人覺得湯底比較濃，同個面唔蛋夾，刀削面都偏為軟身冇乜咬口感，有少許失望🤔🤔黎到今餐既主角片皮鴨，我地8個人就叫左1隻鴨，其實食落感覺都幾多，大家可以就住份量叫，不過記得要book個陣訂埋隻鴨唔係好似會冇🤪隻鴨唔算話好肥，個人唔鐘意食太肥既鴨，塊皮都算簿同埋有些少粉味（個人都幾鐘意）so far各個配料都唔錯叫做幾好

今次就揀左呢間超人氣既東北菜餐廳,見咁多人排隊,就梗係卜左位先去啦😌我地提早左4日卜都係得返6點或者9點🧐所以可以想像下受歡迎既程度有幾高😮北京烤鴨(半隻)($168)份量都算多,而且燒得唔錯,脆脆既鴨皮夾雜住少少肥膏同埋鴨肉,幾juicy💦不過如果熱返少少會更好😂包鴨既皮比較薄不過都唔錯,粉味唔會太重👍🏿另外青瓜同蔥頭都係免費任加千層醬豬耳($16)廚師將豬耳切成薄片,令到望落有千層既感覺,而且口感比切成條狀既豬耳口感更加豐富,更加脆🤩加埋個麻麻辣辣既醬十分惹味,絕對值得encore🥳高力豆沙🥧($12 each)軟綿綿既外圍,咬落好似棉花糖咁,再加埋甜甜既紅豆蓉,甜度適中👍🏿 我地仲另外叫左糖醋魚同餃子,兩樣既份量都多,不過味道就普通所以唔待別介紹🤫甜品其實我地原本想試蘋果拔絲,可惜賣曬,所以無緣😭我覺得唔洗排隊都可以一試,因為食物既質素唔值得排咁耐🤔不過勝在價錢夠平民化,我地叫左咁多樣野都係4百令蚊埋單

要算大角咀出名食肆 非佢莫屬啦 東北菜 今次試午市先黎個跟餐涼菜《千層醬豬耳》雖然薄切 但呢個切法令到一片上有多條豬耳軟骨位 咬起上黎 超爽口 再加上有點辣 令人欲罷不能😋主菜上啦 《秘製杭州骨》味道同咕嚕肉有點相似 有種酸酸甜甜既味道 再加上菠蘿做伴菜 愛吃骨的 便十分適合 多骨少肉 配飯吃不錯 挺開胃《麻醬冷麵》夏天食冷麵係不二之選 都幾大碟 有洽蛋 有青瓜絲 有肉條 有生洋蔥 冷麵底下勁多汁 撈埋食一流 但食食下會發現有種辣 但明明食緊既係麻醬😂最後友人唔食得辣 食到一半就辣到收口 但係好食既計埋野飲 $124/2位 餸菜份量都大份 所以都算抵食 細食既可以share lunch 👍🏻

香港少有的東北菜館, 之前從未嘗試過,今次一班朋友的聚會來到老掌櫃東北菜館多人去就一定要記得訂位,唔係就要等位一班人未到齊,先叫左D小食,食住先!!!!醉雞好好味，有花雕酒味，肉質都好嫩滑。千層醬豬耳 好爽既豬耳配埋蘿蔔同青瓜絲等等口水雞 好惹味老醋海蜇頭 酸酸開胃紅油炒手(8隻) 平靚正肉三鮮(10隻) 飽肚之選 又係好好味白龍王 - 魚肉去左骨加入蛋白同瑤柱去煮,好香,好滑.黃金芥蘭 同 黃金南瓜真係無得輸, 我真係食唔停口,係超好食,我依家打緊食評都諗起想食,點算啊!!!!!!!大家去到要有心理準備之後要做運動!!!特別感謝侍應熱心幫忙 拿來十多個碟子 來盛載分出來的生日蛋糕而且還幫我們拍了多張大合照

再次黎到「老掌櫃」食飯了，仲記得第一次黎的時候(約1900)，4個人要等成半個中先有位，不過原來等夠15分鐘係有野食送的^_^ 佢有得俾我地揀「拍黃瓜」定「高力豆沙」。嘩，計人頭就緊係揀「高力豆沙」啦，有四粒喎，諗起都覺得正！今次就同朋友黎試下其他菜式啦！點左三款涼菜，特別推介「小蔥拌豆腐」，睇落去平平無奇，但食落口就覺得啖啖豆香夠清新，加埋少少鹹的蔥味又幾夾喎。朋友個個都話呢道菜最有驚喜！另外，我地研究左將「千層醬豬耳」放埋入去同「北京填鴨」包埋一齊食都正正子，即係心心眼左！「土豆燒牛肉」同之前食的「東北亂燉」一樣有水準，啲肉炆得夠林夠入味，配菜的分量同味道都控制得岩岩好，可能係因為湯底煮得好啦，為呢類小煲的菜式加左吾少分！仲有覺得呢間店的員工好有禮貌同笑容，都係令我再黎幫襯的原因