Pickabowl (D2 Place ONE)

营业中

休息中

有胃民問大胃陣間食乜，大胃話食bowl，佢就大嗌「又係煲？又打邊爐？」好心你唔好將我個胃定型啦，有時我都會食得健康啲㗎呢間係少有令大胃愛上沙律嘅餐廳，喺呢度大胃會覺得菜係好好食上兩次嚟都係食set，今次嚟個車仔bowl自選，揀咗經典吞拿魚同蒜油三文魚配黃薑椰菜花半糙半飯，滋味到不得了飯底唔會嚡，刺身同醬汁完美混合，成兜飯好潤呀胃民第一次嚟食唔知食乜好，大胃就介紹佢食夏威夷四重奏，咩都有啲嘛刺身好得就一定㗎喇，蝦仁都係奇滑無比，撈烏冬連兩歲嘅小foodie都話正加$25跟餐就有湯、溫泉蛋同甜品。湯都幾大碗吓，小foodie好鍾意佢嘅昆布溫泉蛋可以揀就咁食或者撈飯食，一樣咁正今次嘅甜品係抹茶厥餅，非常煙韌，同出面買嘅好唔一樣至於嘢飲就要加錢，罐裝都有果肉蜜桃汁揀加多啲仲有鮮榨果汁飲，由頭健康到尾呢度可以斟水飲，一樣有田園嘅感覺

大胃自從疫情好啲之後，就報復式係咁食好嘢食，開始feel到個人唔係好balance，睇嚟大胃要停一停，食返啲健康啲嘅嘢先得呢度可以堪稱為健康版嘅車仔麵，外國好興㗎，大胃當然要站在舌頭尖端食佢啦唔加嘢飲嘅，可以斟吓佢地啲蔬果水飲住等位，部機好快響起提你取餐呢碗胃民揀咗沙律base，泰式調味清新而唔會太刺激，大蝦又真係好大吓大胃作為魚生控，就揀咗集齊三文魚同吞拿魚嘅呢碗，好有口感，蔬菜多得嚟又唔會厭，因為個配搭好好，加$14仲有牛油果𠻹加$25可以變做set湯清清地暖吓胃一流仲有溫泉蛋，好滑呀黑糖味布甸令人欲罷不能，食唔停口吉士味一樣，食到至盡方休

兩個月多前嚟到D2 Place嘅「走肉蔬食研究所」食晏時，路經時已留意到呢一家健康餐廳「Pickabowl」，除因為門面夠醒目外，主打健康嘅夏威夷蓋飯亦喺吸引小弟望多兩眼嘅原因之一。今回就乘交收之便，約咗晌附近住嘅表姨甥女嚟呢度食飯。其實，晌門口望入去都睇晒餐廳嘅室內環境喺點，可以講喺裝修簡約，光潔明亮，而基本防疫功夫都做足。近幾日疫情好似有啲反彈，食肆有做足，心理上點都會感覺好啲。門口就有電子顯示屏餐牌，上面喺配搭好嘅指定款式，唔喺講笑，數一數，由A至S共19款，非常多元化，定價為$58-$106，「bowl」底更有多款選擇，如白飯、糙米、黃薑椰菜花……而且，仲可以追加額外食材，以及多加$25升級為套餐，多咗溫泉蛋、鰹魚昆布湯及甜品。下面個餐牌呢？就喺DIY自選，基本起錶價為$84，同樣可以追加額外食材，以及多加$25升級為套餐。此外，亦提供加配飲品優惠，如汽水（+$6）、蔬菜汁（+$12）、鮮榨果汁（+$22）。唔嗌嘢飲無問題呀，餐廳都備有淨水俾大家，供各位自由取用。其實，夏威夷蓋飯（Poke）喺啲咩嚟？餐廳內有張海報，一段淺顯嘅文字就解釋晒。簡單嚟講，就喺將魚生、蔬菜切成一小口呎

呢一個寒冬，對香港人嚟講特別凍。疫情緊張，連外出用餐嘅心機都冇。不過咩嘢都俾人掃晒，連飯都煮唔到，外賣實在係不二之選呢間離遠睇幾有格調，睇埋menu好似幾健康幾吸引落完單，等候期間可以斟杯橙水飲吓，抗疫吖嘛每個餐加$25就有個set，仲有超好食嘅布丁，抵食呀溫泉蛋大大粒，擺入口咬爆蛋黃，蛋香四溢鰹魚湯暖身又好飲，加上昆布好有益成日食魚生飯，最健康係今次㗎喇肉多菜亦多，三文魚啖啖鮮，蔬菜又多元化大胃好貪心咁加咗蝦仁，大粒又好味慢煮雞肉醃得微辣香口，青瓜菠蘿令兜飯充滿驚喜新奇咁嘅環境下，食到高汁嘅外賣，心情好，身體自然好啦