小王牛肉麵 (已結業)

由於今日我們喺迪士尼樂園比較晏先食下午茶，所以我們喺離開樂園之後先食晚飯，我們去咗青衣城嘅「小王牛肉麵」食晚飯！我們叫咗台式肉燥滷豬手飯嘅豬手燜得相當爽滑軟腍，而且滷得好入味，肉燥唔乜多餘嘅肥肉，鹹度亦啱啱好，用嚟撈飯真係好好味！至於湯麵我們叫咗三碗，分別係半筋半肉麵、原汁牛筋麵同精裝牛三寶麵，而且都係揀咗粗麵，麵質超煙韌彈牙，牛腩同牛筋嘅份量相當多，牛腩係𦟌腩嘅位置，肉質非常鬆軟腍身，牛肉味相當香濃，而且好厚身，中間仲有軟滑嘅筋，真係好正呀！而牛筋嘅質感就相當煙煙韌韌，而且燜得好入味同比較粗身，所以口感好豐富！至於湯底係重點推介㗎，因係用店主嘅祖傳嘅清宮御廚秘方嚟熬製，所以味道真係超級芳香濃郁，仲有陣陣嘅藥材香味，好味嘅程度係令到我們將整碗湯飲晒，真係超正呀！蛋黃小卷「就咁睇」外表以為係普通嘅鷄蛋小食切成片，但食落原來係好有驚喜同好有心思，因白色嘅外層以為係蛋白，但原來係爽滑嘅魷魚，至於中間除咗蛋黃之外，仲有火腿同蔬菜粒，食落口感都幾特別！

今日要喺青衣拜訪兩家客户，分別上晝十點及下晝四點，中間有大把時間，所以特登約左家住青衣又好鬼得閒嘅大哥食飯，佢地頭就佢揀邊度食啦！佢揀左青衣城嘅小王牛肉麵，一向都對喺新區大商場嘅食肆冇乜好感，因為大都係連鎖，冇乜驚喜，不過未食之前我永遠都抱住落觀嘅期待，同自己講今次有例外嘅！我按大哥指示，去左小王攞飛排隊，望住個門口，點解咁熟口面嘅呢？啊！原來年零前同朋友食過呢間，記得當時覺得個湯好重藥材味。等左十分鐘，有位。主打牛肉麵嘅鋪頭，就梗係食牛肉麵啦，叫左個半筋半肉幼麵，朋友則食粗麵。另外加左一個蚵仔煎。半筋半肉麵 (HK$55)麵到跟前，賣相可以，而佢地嘅所謂謂半筋半肉原來就係牛𦟌肉，即牛後腿帶筋嘅肌肉，份量都唔錯。聞一聞好大陣中藥材味，一聞已經知放左沙參、當歸及桂皮等材料。飲左啖，唔係太啱自己口味，由細到大都唔係太鍾意飲藥材湯，但我相信鍾意當歸味嘅人會幾鍾意呢個湯頭，隨左當歸味，牛味都幾濃郁。牛肉好焾滑，牛味濃，應該係美國進口牛𦟌，但牛𦟌應該冇用任何醬料煨味，所以食入口只有牛味，畧嫌單寡。麵真係一般，覺得唔夠爽口，偏焾。蚵仔煎 HK$65蚵仔煎，做蚵仔煎主要材料有蚵仔、蕃薯粉、雞蛋、玉米