影片
港铁青衣站 C 出口, 步行约5分钟
继续阅读
营业时间
*堂食: 11:00-18:00; 11:00-21:00提供外賣自取及Deliveroo 派送服務
星期一至日
11:00 - 21:00
以上资料只供参考，请与餐厅确认详情
▪️ 半筋半肉湯麵💲63 (午市套餐)假日既青衣城人頭湧湧，去到差唔多中午兩點都仲係四圍人龍🤪前菜有椒鹽豆卜同埋紅腸，椒鹽豆卜會比較偏乾身少少，主食既牛筋好軟身，牛肉亦都唔會太嚡口，食落牛味都唔錯既，有得揀粗麵或者幼麵，粗身刀削麵質感帶點韌性🍜養生牛骨湯個湯底頗為濃，帶有陣陣既藥膳味，不過略鹹最尾會口渴🙈附送既飲品有珍珠奶茶，相比之下就略為遜色，溝得偏淡奶同茶味都唔重，珍珠亦稍微腍身🧋🔎 整體評分（7/10）
继续阅读
5點幾去到 唔洗等就入得仲有下午茶 同男朋友一人叫左一個餐1️⃣ 半筋半肉麵之前係將軍澳分店食過白胡椒湯記得好好食 今次都諗住叫返呢個湯底開頭問其中一個店員 佢話唔轉得 因為本身跟牛骨湯 但到落單個陣 問個個店員 佢又話轉得🤔 其實都係筆啲湯落去遮⋯啲牛筋都幾淋 麵就正正常常 但個湯底有啲失望 好淡 同當初係將軍澳分店食個陣 差好遠 個陣好濃好好飲 男朋友試左一啖 都話好淡😐2️⃣金桔鮮檸綠茶 - 跟餐送既 正常 唔會太甜3️⃣滷肉排骨飯呢個飯反而幾好食 塊排骨好厚 啖啖肉 滷肉汁都幾濃 個3舊青瓜都較其他分店遜色 其他分店會有蒜味 呢到就齋青瓜 4️⃣跟餐珍珠奶茶 - 可以既話 想俾零分 叫左少冰少甜 但仲係好甜好甜 啲珍珠有啲硬到 咬都咬唔到 要lur返出黎 應該係我地飲過最難飲既珍珠奶茶😵
继续阅读
多年來青衣城好吃的店基本上沒有，當年小王牛肉面新開時食過一次，覺得味道正常但不是會回頭的那種。今日經過見下午茶時段又不算很貴，$40幾蚊都有飯或牛肉面，可以趕及6點前食個早飯。點了牛肉面同肉排飯，牛肉面湯很淡，感覺是加了很多水，牛肉都幾好，牛筋未夠淋。反而肉排飯的肉飯炸得幾好食！至於飲品就有d似港式奶茶加珍珠咁！環境有d暗，開左咁多年都好似無裝修過，都開始有點舊。整體以這個價錢及份量在商場來講都算合理！
继续阅读
忽然好掛住台灣味😭經過青衣城「小王」剛好到左下午茶時段🤩選擇都算多，而且價格相宜老公揀左半筋半肉麵賣相都唔錯味道都Keep到之前嘅水準老公表示：與期望相符👍🏼我就叫左西多士拼鹽酥雞雞件多脆，但肉質偏乾味道略嫌有點喊西多太油，由於只係一塊炸左嘅厚多士，所以無乜味同港式西多好大分別～不過值得一讚嘅係餐廳嘅防疫意識唔錯，確保客人體温正常先入得，又準備紙巾俾客人包好口罩👍🏼👍🏼
继续阅读
從10 年前引進香港已經開始食小王，一直質素中上，今日經過青衣想再重拾台灣風味，共點了以下食物：半筋半肉面： 面好粉，是低質素的面，肉只有一小塊，筋就大舊到分4口先食到。牛肉餅：皮厚餡小，餡亦無汁無味，完全是失敗之作。珍珠奶茶：珍珠10粒clump 埋一舊，完全吸唔到上黎，甜度控制亦很差。以往記得小王價錢是約70-80 蚊一碗，如今做下午茶生意，只賣4x一碗仲送野飲，明白一分錢一分貨，但痛心大好品牌，竟如此隋落，建議加價，認真做番好質素，否則不如汁左佢。
继续阅读