阿鴻小吃 (已搬遷) 新店位置

今日同公司同事食做冬飯，去到先知原來係曾獲5年奪米芝蓮一星級餐廳的阿鴻小吃！一直以高質素的潮式滷味小食深入民心南乳粗齋：大白菜、腐竹、冬粉絲菇、四季豆等，食落南乳汁味香，整體一般！介茉雞腳筋：雞腳筋爽爽脆脆，好味！蔡瀾撈麵：係阿鴻既招牌菜，但我個人覺得好一般，唔算特別好食，同埋因為撈咗豬油，所以食入口真係幾油！鹵水拼盤：鵝片好香又唔肥，但唔算特別出色！炸蠔餅：足料多蠔，炸粉唔算多，同埋上枱時真係熱辣辣，好食！啫啫芥蘭煲：鹹咗啲

連續五年榮獲米芝蓮一星食府的美譽，在商業大廈林立的觀塘區 - 阿鴻小吃。今次一口氣盡嚐各款招牌菜，包括：鹵水鵝片（例牌）$218、素鵝$68、南乳粗齋$78、招牌撈麵$78、迷你金絲蠔餅$78、蠔仔粥$68、芥末雞腳筋$78、醉香鴨舌$80。😚所謂力不到不為財，當天也見老闆在店內打點。相信此為保證出爐品質的原因。小店以卡坐為主，不甚寬躺，如果好似我們那樣叫菜，枱面未免太逼夾了。店內有兩間宴客廳房，一至兩圍也可。食物不純為傳統潮式菜，但確實用心及味美。一碗蠔粥窩心暖胃，鵝肉鬆化軟熟，蠔餅料足甘香，素鵝豆香味濃，南乳粗齋也喜見味美出色，招牌撈麵乾身入味。獨欠潮式糖水甜品。不要期望傳統打冷或高級潮菜，這個價錢及品質已經係喜出望外。😋🌟

再普通不過的得獎潮洲菜館1️⃣素鵝(秘制腐皮)$68 👍🏻唯一認為不錯的小菜。軟滑腐皮卷味道吸收了秘制滷水汁的味道；份量也足夠2️⃣南乳粗齋$78南乳汁味香，但很清淡；還配上了心型紅蘿蔔片裝飾🥕3️⃣鹵水鵝片$218鵝肉肉質較諧；有滷水豆腐鋪墊底；滷水汁不過不失；整體而言較失望，性價比低4️⃣招牌撈麵$78（櫻花蝦、XO醬、銀芽、蔥、芝麻）味道普通，讓人想起了某牌子鮑魚撈麵的味道，但多了蔥絲和銀芽的豐富口感；另附上一碗火腿茸上湯，味道也只是像普通細蓉湯底 ————————————————————環境：5 /10服務：6 /10衛生：4 /10味道：5 /10性價比：低回頭率：5%

7人行生日飯局～簡咗食米芝蓮一星🌟嘅潮州菜由於一早book位可惜安排咗大廳傾計唔方便～因為唔太多人嘅關係～問一問經理之後調咗入房間～㸃咗8樣食物鹵水墨魚片彈牙～刀工一流片片都好平均凍烏頭魚配葱鼓油、豆瓣醬～即叫即蒸食落唔會“鞋”D魚油仲流晒出嚟例牌金絲煎𧐢餅即炸好香囗～𧐢算大粒又唔會好多粉上湯時菜冇咩特别例牌蠔仔粥一煲有8人份～𧐢仔中size 加上粥食味道剛好唔會咸南乳粗齋：紹菜、枝竹、金針、雲耳、冬菇～配搭好夾好入味阿鴻炒飯：XO醬、鵝肉粒、唐芹粒、菜粒、雞蛋、櫻花蝦～炒飯粒粒分明夠鍋氣可惜偏乾鹵水雙拼賣相一流～有鵝片、鵝掌～鹵水汁入味唔咸整體味道+服務都可以

係觀塘又唔想食APM，所以就行入工業區搵下野食⋯⋯點知比我地發現呢度有間阿鴻小吃，自從北角果間分店執左之後都好耐無食，所以今日一定要入去回味下！餐牌入面既卥味樣樣都好吸引呀！！！所以我地索性叫個卥水拼盤，我地拼左鵝件、鵝掌同墨魚（碟底會附送一舊卥水豆腐）阿鴻個卥水好正，卥水好味非常入味，無得頂呀！南乳粗齋都係必點既菜色，每一樣餸都好夠南乳味，用黎送飯係一流！！蒜香雞飯非常之有驚喜，雞既肉質好"林"，加埋D蒜係上面，好好味呀～醉香鴨舌，肉質同樣好"林"同入味，不過價錢略嫌貴⋯⋯最後加多個蔡瀾撈麵，我個人對呢個撈麵比較失望，本身諗住佢係阿鴻既招牌菜所以有一定既期望，但食落口原來有好大陣我唔中意既蔥味，而且好油（因為係用豬油烹調），呢兩樣元素都唔岩我口味

這間店名👉🏻阿鴻小食👈🏻潮州菜館👍它一開業至今有來試還有其他很多特色食品🤤坐位比較迫,但環境尚算乾淨光猛今次捧場👉🏻1)蒜香🐔肉滑蒜香,🐔胸亦算滑2)芥末雞腳筋喜歡食膠質及乜根👉🏻爽口有咬口👍不錯的小食👍3)蔡瀾撈🍜份量大足夠2-3人可淺嚐,豬油乾蔥撈好香囗4)南乳粗齋🥗最喜歡的南乳味香亦不太甜不太咸様樣都好食😋我已經來過好幾次，水準一直有保證👍樣樣食物水準依舊

見到米之蓮先入去試下，環境都幾舒服，加上打風無人，變左清靜環境。1.南乳粗齋其實真係好普通的一道餸，就像全部恰熟了再撈上南乳醬，但除了白果全部菜我平常都愛吃，所以不會負評。2.蠔仔粥唔記得影相，個粥好一般，主要係蠔仔一點也不腥。3.蔡瀾撈面因為蔡瀾呢個名先叫，除左賣相吸引，完全唔知有咩特別，個湯好甜，唔落好食d，我鐘意麵的質感，但味道真的非常一般，普通的公仔撈麵比它好吃。總結來說，價錢不公道，略貴，可能附近多酒店，做遊客生意吧，招牌打得不錯，但絕不會做回頭客。

 話說只是路過觀塘而已,友人說帶我去食飯, 我地行左幾耐, 先發現原來米芝蓮搬到了觀塘的工業區.可能因為地方吊腳的關係,雖然都人多,但都可以安排到座位給我們!研究左一輪餐牌,最後我點了南亂粗齋, 雖然食材簡單,但看得出有用心,連配菜都整成心型!味道方面都不錯,幾入味,送飯一流!鵝肉同牛展的都切得好薄,雖說為了節省成本,但廚師刀功都值得一鑽!哈哈!味道方面當然出聲,肉質夠淋入味!順帶一提,個用作配茶既白菜都好新鮮,味道清甜!招牌撈麵,味道都少少辣,不過凍左感覺有點油.撈麵跟既湯好似老火湯!味道同出面好唔同! 最後我地食到清光,平時唔臭米氣既我都有不斷食食食!哈哈服務方面值得一鑽,都幾貼心,見我地左望右望時,待應主動走上前問我們有咩需要,又會不時主動加茶,同收拾!今時今日咁服務態度真係令眼相看!

2014下半年是我的挑戰時期，第一次離家到國外住４個月的交流生活在８月１８日晚展開，在當天下午一家人到了我想嘗試的米芝連餐廳作Farewell Lunch......新穎的搭配讓我有所驚喜，淡淡的芥茉香和有嚼勁的雞腳筋讓人不能停下來！愛素菜的我當然要嘗嘗這裡的名物之一，果然沒有失望，香濃的南乳醬沒有過往太鹹的弊病，和健康的蔬菜在一起讓吃肉獸也欲罷不能！也許是期望過高，反而沒有想像的好吃，當然也是合格有餘，相反墊底的豆腐成了主角，滑嫩附有豆香而不過鹹，大家爭相搶吃！雖然不是出名之作，但畢竟是我最愛的食材，當然要過過口癮！連拍三張的用意是表明不論份量還是用料都十分讓人驚喜，新鮮的蠔仔味完全滲入經過長時間的熬煮粥底，就算量多也能完全ＫＯ！又一道我的任性之作，雖然清甜但沒有太入味，當清清口腔吧！味道不錯，可是到最後有點油膩之感，不算最佳！近日愛上吃蛋的我當然不能錯過，可惜也沒有讓人深刻。