麗姐廚房

营业中

休息中

連日來肉食不斷，友人提議食齋，清一清腸胃。酸齋的麵筋軟腍度剛剛好，極之入味。汁液不會太過酸，是正好用來開胃那種。加上香口的芝麻，錦上添花！糖醋咕嚕炒的是猴頭菇，以菠蘿及青椒同炒。猴頭菇吃下真的似是肉，完全沒有違和感。火候十足，咕嚕汁更是美妙，佐飯佳品！南乳齋煲內不同的食材包括荷蘭豆、木耳、甘荀、粟米粒、旺菜及各種的菇菌。南乳汁的味很溫和很出，堅好食。粟米粥的材料不只粟米，更有些紅蘿蔔和菇菌。粥底綿滑，調味恰好，整碗粥喝得好舒服，兼且份量充足，定必足矣。每樣都相當到味，吃完也不會瘋狂口渴，很不錯的一餐。

今次到麗姐廚房食晚飯，連自己共有5個朋友，一直叫、一直傾、一直吃，已經忘了影甜品。共叫了8個餸連湯，大家都吃得津津有味，也急不及待要攞卡片下次再來。最後當然是又食又拎，大滿足！

今日晚餐要食得健康啲一搵搵到麗姐廚房，灣仔嘅素食店快啲試吓😍 環境乾淨，似舊式酒樓嘢食嚟啦😋第一樣南乳齋煲啱啱滾起熱辣辣👍🏻足料支竹、蓮子、木耳樣樣都好味😋睇落似平平無奇嘅台灣炒米都有驚喜米炒得火喉啱啱好唯獨係有少少油啫最後基本上就係招牌菜，糖醋咕嚕有時好怕食呢類型嘅齋如果師傅整得唔好，就好容易唔好味不過呢個餸都冇令我失望猴頭菇扮雞扮都好似😆加埋菠蘿、青椒一齊食，正！第一次食麗姐廚房，伙記都俾人有一種貼地嘅親切感嘢食全部都好好味即使係食齋，同行嘅食肉獸朋友都食得好開心！💛💛

聽呢間餐廳已經好耐，首次試食，屬於大家近期很喜愛的三餸飯的Friend。上樓素食，付款後，排隊揀3個齋餸，連餐湯＄55。各人自己有一盤餐的半自助式中式素食餐廳。白飯及老火湯，任飲任食。但我們今日選擇叫餸食飯，食得好啲，但都好抵食，分量多到驚人，建議四人以上，才好叫餸食飯。素碗仔翅，好味！非常大盤而且料頭十足！抵。飲完頭啖湯，已經飽三成。叉燒，麵筋質地，比街外外賣齋鹵味稍為冧身，口感好點像肥叉燒的質地感覺。而且用欖角爆香，增加咗不少獨特的風味，加熱了，增加滋味。呢個值得一讚。我推薦大家試這個叉燒！南乳齋煲，分量多到滿瀉，粉絲豆卜，總之應有盡有。而且唔會太多南乳，不會太過喊。素湯餃子，裏面係蕃茄粟米餡，不知是否粟米是罐頭粟米蓉，本人覺得太甜。而且冇乜特別，反而幾條菜心，有菜心嘅甜味，仲正。炒飯，唔記得咗乜嘢炒飯，但係炒到好濕，麻麻哋。而且炒米粉，是幼身米粉，炒得乾身，大家可以試。煎蓮藕餅，有六件，比較乾略硬，普普通通啦。由於每碟份量都好大，所以食完都已經好飽。如果冇四個人，或者冇男士，要小心啲，避免浪費。總之，大件夾抵食，大眾化價錢，味道亦唔錯，可以啦。

星期六、日中環、灣仔一帶做晚市嘅素食店唔多，所以琴晚就去咗麗姐食飯。麗姐晚市係散叫餐牌上嘅餸菜，價格適中。糖醋咕嚕 ($88)咕嚕肉係用猴頭菇做，外表炸得夠香脆。南乳齋煲 ($88)各食材都好入味，但只有鹹味冇咩南乳味，我覺得似羅漢齋煲多D，而且比例上太多豆腐卜，如果下次放多D椰菜同加埋茄子會更好食。雙併餃 ($68/ 8隻)雙併餃包括流沙餃同梅菜餃。流沙餃入面有蕃茄薯仔同蛋，仲有少少薑味，好好食。我覺得去麗姐必食佢哋嘅水餃。糙米飯 ($12/ 碗)