紅橋 (已結業)

放假同老婆去附近餐廳食午餐，這間紅橋我在大埔返工時曾經幫襯過，食物質素不錯而且仈才量足，所以帶老婆去試下。法式芝麻蝦多士：蝦多士外面沾滿了黑白芝麻，中間蝦膠彈牙厚肉，炸得香脆，配上煉奶吃，別有一番風味。黑松露忌廉汁野菌海蝦帶子意粉：雖然黑松露味道就比較淡，但意粉不會太腍，而且帶點creamy及爽口，蝦肉爽彈，帶子細細粒，用料都幾豐富。南瓜忌廉汁燴意大利飯配粗露荀及火燙北海道帶子：意大利飯煙煙韌韌，配上南瓜忌廉汁，味道較清新，而且不會太膩，帶子大隻且厚肉，外面燒至微焦，裏面呈刺身狀。紅豆冰：杯裝的紅豆冰就飲得多，這個紅豆冰就以碗上，紅豆夠腍，而且不會尸太甜，是夏天消暑佳品。

星期六中午要到旺角做事，有四十五分鐘時間吃個快飯，經過這間餐廳看到菜單挺吸引而且價錢好像不算貴便選擇了這間。餐廳店肉裝修美觀，灰色磚牆感覺時尚，地方寬敞，雖然坐滿了人但枱與枱間不會太窄。食物種類選擇多，價錢大眾化，一時三刻也不知選那款好😂選了個套餐有湯和飲品，一定夠飽!賣相很吸引，帶子很大粒，份量很足，性價比高，是不錯的選擇。鰻魚一整塊!我和友人看到時也嘩了一聲!材料完全不吝嗇，蛋包著炒飯很惹味!另外叫了個炒野菜，分量也是很多，味道不錯!餐廳上菜很快，食物分量足，四十五分鐘吃得飽飽的!

係旺角OT完，梗係要搵好野食醫番個肚啦。途經西洋菜南街，見到一間食fusion菜既餐廳 (紅橋)出面人頭湧湧咁等緊位，好奇心驅使之下就去試下。佢有唔同種類既食物供應，有餐前小食如春卷，雞翼，薯角等，另外仲會有唔同種類既沙律。主食就會有三文魚扒，安格斯肉眼牛扒，芝士焗波士頓龍蝦等。如果呢啲唔啱都仲可以選擇焗飯，意粉，甚至有馬來西亞式既食物如海南雞飯或者咖哩等等。咁我就叫左南瓜忌廉汁燴意大利飯配粗露荀及火燙北海道帶子 (HKD 88)，要左中湯 (加HKD 12)，轉紅豆冰 (加HKD 6)。小食就叫左紫蘇葉蝦春卷 (4條，HKD 48) 。先黎既係中湯栗米紅蘿蔔豬肉湯，火喉唔錯，用料幾足，唔會好咸。跟住黎既就係個南瓜意大利飯，有粗露荀同野菌。上碟既時候已經聞到濃郁既忌廉味，隻帶子表面係用火燙過既，整體賣相唔錯。 食落去既時候，食到南瓜味，帶子肉質鮮甜，意大利飯既濕度掌握得啱啱好。 跟住黎既就係個春卷(有4條)，炸得幾香脆，內面係用紫蘇葉圍住既大蝦，食落去唔油膩。另外，可以點沙律醬，口感可以更加豐富。至於個紅豆冰，有好多好大粒既紅豆。佢個個冰超大，飲落去覺得好香好滑，正。