潮福蒸氣石鍋 (已結業)

小菜在地面，蒸氣石鍋在一樓，當日平日都半滿，所以不用等位便直接入座。蒸氣石鍋都食過幾次，但任飲任食的蒸氣石鍋真係未食過，究竟抵唔抵食？！忍唔住約埋好友來食。原來海鮮指定九選四，還有乳鴿、龍蝦、貝殻盛盆，粥底有兩款，仲有燉湯送。任飲任食咩呢？有雞、牛、豬等肉類及丸類，蔬菜等等，有點似火鍋配料，不過特別在有馬拉糕可以蒸熱來做甜品。當日星期二，每人$338，可用2.5小時任飲任食，雖然蒸食物需時，但都夠時間任食的。另收醬油、花生$15，價錢也可接受。店員講解完收費，我同友人就出去取醬料及飲品。 呢度醬料都幾多，有12款，比較特別的有剁椒、XO醬等等。飲品是任飲的，有一般的汽水之外，還有竹蔗水、韓國飲品等等，最正有2款啤酒，asahi朝日啤酒及嘉士伯啤酒，都是任飲。先放米、排骨及南瓜，食完蒸氣鍋後，就有粥食。排骨陳腎湯，但有雞件，所以湯味道尚好，但好像隨便用料煲成。老黃瓜煲雞，也是有排骨，味道還可，但較普通。先飲蘆薈汁，有好多蘆薈粒粒，味道清新。 朝日啤酒大支裝夠凍又夠爽。脆皮乳鴿，每人半隻，不用沾醬料已經好夠味。入味得黎不太咸，皮薄香脆又油潤，肉質嫩淋帶香，味道好好。貝殼盛盆，兩人份量有約1

潮流興食蒸海鮮，但價錢頗貴，所以不捨得去吃。但聽聞潮福現在有半任食套餐，馬上找朋友去試試。這個海鮮定食配料任食套餐，分2個時段，套餐包一個粥底、燉湯、任選5款海鮮、任食配料及任飲啤酒汽水或竹蔗水。雖然海鮮種類不算太多、份量也有規定，但二百多三百元，能夠吃到這麼多海鮮，已算物有所值。我們選了南瓜排骨粥底，侍應將粥料放在窩底，再在上面放上蒸籠，一面蒸海鮮、一面煲粥，非常自助及方便。自助酒水及醬汁調味，非常個人化。這個燉海蜆肉湯用料十足，味道清甜，有滋補作用。蕃薯蜆比一般蜆大隻很多，很飽滿很鮮甜，但每人只得一隻，真的不夠喉。蟶子皇是我喜愛的海鮮之一，用蒜蓉和粉絲來清蒸，能保留蟶子的鮮味，蒜蓉能辟去海鮮的惺味、粉絲可吸收海鮮的汁液。象拔蚌仔也是我的最愛之一，這隻象拔蚌仔size也不算太細，肉質豐厚，有咬口。同樣用蒜蓉粉絲來蒸，效果相同。這隻鮑魚用蟲草花及蔥來蒸，估唔到咁好味，蟲草花味道獨特，一試難忘。鮑魚煮得很腍，肉質鮮甜，很厚身，有口感加拿大龍蝦，每人半隻，鮮甜清香。這隻石蠔很飽滿，脹脹的，但吃時感到有沙粒，影響了食材的鮮味。吃了這麼多海鮮，一定要多吃點瓜菜才可以。而馬拉糕及紅棗糕亦做得不錯