窩子

营业中

休息中

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻 /5繼續介紹至愛pancake系列～ 🥞 今次亦係誤打誤撞喺新蒲崗呢個唔太熟悉嘅地方，搵到一間用心經營嘅小店，而且佢嘅出品都算有驚喜！👍🏻💋 卡邦尼意大利粉 ($79)家人一向最愛食卡邦尼意粉，呢個整得好濃郁、好creamy，意粉煙韌度剛好，加上大量碎芝士、煙肉，吾錯吾錯～ 🍝💋 梳乎厘鬆餅配自家製草莓醬 ($88)又要試吓佢嘅梳乎厘鬆餅，WOW~ 鬆軟度/空氣感好有水準，忌廉都算香滑又吾太甜，蛋味還好，最正係加埋大大粒焦糖脆脆同埋自家製草莓醬，一軟一硬嘅口感又幾特別喎！🥞好值得一試！👍🏻💋 美式咖啡 ($46)味道吾錯，口感清爽，奶味都好香～

食品：卡邦尼意粉評分：9/10黃店：店內文宣顯眼，數量亦十分多.等候時間頗長，可能係因為限聚令嘅關係，係空間不大嘅餐廳不能用盡所有枱。我和友人兩位6點左右到達，等位等咗10分鐘。人數多嘅話需要等更耐！因此唔建議喺非常餓嘅時候嚟，要等好耐！.我揀咗個卡邦尼意粉，侍應一放低個意粉，芝士香味即刻撲鼻而來。一睇，原來意粉面佈滿住芝士粉！一食第一啖已經覺得極度邪惡！非常creamy，而且芝士味真係好濃烈！係邪惡至極嘅一個卡邦尼意粉！.可惜唔近地鐵站，要行一段路。不過有機會嘅話都會再嚟食！

之前幾次都想嚟食，因為個裝修幾有舊香港style，但次次都好多人等位今晚見少啲人終於試到。因為係開放式廚房嘅關係，一入到鋪頭已經聞到好香嘅牛油味！落完單侍應快就將我哋叫嘅卡邦尼意粉送上，一開頭我同我朋友都係比較禮讓，但食咗幾啖之後我哋食嘅速度就越嚟越快，因為真係好好食好濃郁嘅醬汁。雖然唔係好正宗嘅卡邦尼，但對於芝士控嘅我哋嚟講真係好滿足跟住等左一陣我哋叫嘅夏威夷pizza 都新鮮熱辣咁送到，真係好有驚喜，我哋冇預計到係酥皮pizza初頭都諗會唔會有伏，但食落真係好好味比一般嘅餅底更酥脆，令到Pizza好有層次。下次黎應該會再叫!!!甜品方面我哋就叫咗草莓窩夫，因為見好多枱都係食窩夫，不過呢樣就正常發揮，覺得不叫亦可

因為有事到新蒲崗，有空檔就上網搵飯開，見到呢間cafe就一試愛上芝士番茄pizza - pizza本身都係邪惡食品，仲要係酥皮底，愛大量芝士既我一試難忘大阪燒 pizza - 這款醬汁酸酸甜甜，加上章魚，豬肉片，紫菜碎，木魚碎，還有紅薑，比起大阪燒更多了份酥脆口感卡邦尼意粉 - 慷慨既醬汁，煙肉及芝士，加上蛋黃令醬汁更容易掛到意粉，令人回味無窮黑松露油忌廉偏意粉 - 同樣係忌廉意粉，這款多了一陣濃郁既黑松露油香，加上大量雜菇，偏意粉軟度適中，好啱怕淋又怕硬既我

再一次到「窩子」吃晚餐+甜品每次都是吃2個主菜+2個甜品+抹茶鮮奶環境 不錯，不算太多人先點了卡邦尼意粉,咖哩牛腩配法包和抹茶鮮奶抹茶鮮奶，奶味較濃，抹茶味還可以意粉水準不錯最喜歡吃比較硬身的意粉咖哩牛腩很入味如果不喜歡法包可以選配飯咖哩汁用來點法包很不錯很開胃！吃完了主菜再坐一會就可以點甜品了點了栗子忌廉窩夫+心太軟第一次試這裡的心太軟心太軟到來的時候覺得挺吸引不是一般甜品店的樣子心太軟的皮很薄的，滿滿的朱古力醬朱古力醬不太甜雪糕也好好吃的然後吃了窩夫栗子和吉士醬很好吃！最愛吃厚+鬆軟的窩夫不太愛吃脆口的窩夫