Villa Villa

营业中

休息中

放工同男朋友想食好少少，返完一日工好攰又唔想行咁遠，所以book左好近北角地鐵站嘅錦屏街入面的餐廳食dinner。6點幾嚟到，差唔多坐滿哂，好在有訂枱。💛-我哋兩個人叫咗個季節限定二人套餐($550)，好豐富，叫嘅時候都有擔心食唔食得晒。-黑松露蘑菇忌廉湯+鵝肝多士好 好 味 😍鵝肝多士見menu寫住係用咗自家麵包，好脆身，亦唔會比熱騰騰嘅鵝肝整林左個包，鵝肝煎得好香而不會覺得油膩，自己覺得係今晚最出色嘅dish。本身係紅湯fans的我，對於呢碗忌廉湯冇咩特別期望，係因為鵝肝多士一定要配忌廉湯所以先點呢個湯。然後發現少年太年輕了，原來平時唔鍾意飲係因為唔好飲😂，呢碗白湯好濃好入味。👍🏻.北海道帆立貝+低溫慢煮美國特級肉眼食肉獸嘅我，就梗係要食牛肉。帆立貝size唔細，口感煙韌唔會太林。叫餐時，侍應有問食牛有冇特別生熟的preference，佢哋比較推介慢煮，平時食牛我都係習慣食medium rare，今次決定試一試慢煮！結果係冇令人失望的，慢煮後的牛軟硬適中，鎖住肉味，煮得唔錯。.卡邦尼意粉網上好多人都推介Pizza好味，但係男朋友話想食意粉😂，咁好啦今次試咗意粉先，下次再試pizza

下着雨的黃昏，跟同事向著北角港鐵站走。同事說起今天工作趕急，午飯未能好好的吃，應該找個地方享用一頓美味晚餐。他說得一點沒錯，即與他一同走到離港鐵站不遠的「Villa Villa」。店員有禮的向我們介紹菜單，又告知自家製蛋糕可享八折優惠 期間限定 「$398@2人」看來非常吸引，就決定下來。❣️ 法式龍蝦湯+自家製意式香草包法式龍蝦湯味道濃郁 意式香草包香脆可口。 ❣️ 卡邦尼意粉卡邦尼意粉口感柔滑豐盈，煙肉和芝士粉帶來鹹香風味。意粉軟硬度剛好，每條均勻掛汁，味道不錯。❣️ 香煎澳洲羊架(2支)澳洲羊架骨架幼細，厚身羊肉肉質柔嫩，肉汁豐富，嚐到羊肉味濃而不羶，美味非常❣️ 黃金炒薯條鹹蛋黃均勻掛上每條薯條，熱呼呼的。薯條外脆內軟，不感油膩，可口極了。這個黃金炒薯條份量又多，適合跟好友分享。🍷 Red death  Red death 含紅酒、伏特加、荔枝汁和雪碧。聞到果實香氣，入口順喉，在甜甜的味道中，慢慢散發出酒那濃郁芳醇的味道，氣味與口感都相當討人喜歡。🍰 百利甜酒朱古力蛋糕面層朱古力非常脆口，下層含朱古力醬的朱古力蛋糕，透出百利甜酒味道。層次豐富，朱古力味道濃厚，不甜膩。  🍰 法式燉蛋芝

今晚放工約了朋友在北角吃晚飯，朋友帶我去了一間不錯餐廳吃西餐的。很近北角地鐵站站B4出口，書局街入便看到了。這間餐廳的老闆應該是足球迷，牆上有不少關於足球的物品。這裡有很抵吃的二人套餐，（$398）套餐選擇多，單點價錢也很親民！🔹先來法式龍蝦沙配自家製香草包：這個龍蝦沙很香龍蝦味，色澤明亮的金黃橙色，湯汁濃稠，味道鮮甜無比；黑炭包很少有餐廳會配合餐湯，用心之處！👍🏻入口有少許竹炭味但香草味有助中和竹炭，配合得很好！🔹黃金炒薯條：我第一次食到用鹹蛋黃炒香的薯條，而且每條薯條都被鹹蛋黃汁包圍，風味絕佳，平時黃金系列海鮮食2件都已很漏口，但估不到薯條會那麼好味，食不停口🤭🔹卡邦尼意粉：很受歡迎之一的意粉，卡邦尼汁濃密多汁，無得輸！🔹低溫慢煮雞胸伴野菜沙律：現時流行慢煮，以往覺得雞胸肉乾身肉硬，原來慢煮的方法可以令雞胸變得柔軟，還保留有肉汁👏🏻 沙律菜都幾多，健康配搭，沙律汁酸甜適中👍🏻🔹額外點了70%朱古力撻（$48）：70%濃度的黑朱古力最完美，不苦不太甜，味道可口，好好味😋🔹額外點了特色飲品，水果茶，餐牌招牌飲品，女士最愛 🔹玫瑰色乳酸特飲：朋友看到雙眼發光，皆因被外貌吸晴，杯上有很多的

自從防疫措施開始慢慢逐步放寬，各個餐廳的營業時間亦回復正常，終於亦可以相約朋友享受慢歎晚市。餐廳位於北角，晚上外面掛滿吊燈，相當有特色，而且主打西式輕食及手工意粉。⭐️期間限定$398 /2人🔸法式龍蝦湯龍蝦湯顏色紅亮，香味濃郁，尤如聚集了海洋精華一般。🔸自家製意式香草包應該是黑炭麵包，雖然呈黑灰色，但口感鬆軟可口，配搭上龍蝦湯，相得益彰。🔸卡邦尼意粉麵條軟硬適中，每條意粉都沾滿了醬汁，香濃惹味，鹹淡適中。🔸美國極黑豬配黑松露意大利飯意大利飯軟糯，黑松露惹味，再配上鹹香豬肉片，每一口都口感豐富。🔸黃金炒薯條餐廳招牌之一，薯餅粗幼大小適中；鹹香蛋黃醬汁均勻地沾在每條薯條上，而且薯條仍能保持香脆。⭐️芝麻雞翼$58外皮金黃酥脆，而雞肉仍保持嫩滑，而且還有芝麻的香氣。⭐️檸檬水$28熱檸水含有豐富維他命C而且帶有陣陣檸檬清香，亦能幫助消化。⭐️48小時冰釀有機咖啡$58咖啡泡在一個大冰波內，仍帶有香醇口感而且還附有輕微酒香氣，確實不錯。

今日難得去左北角，友人就帶左我去呢一間好多人的黃店由於鋪頭坐位唔太多加上星期六，如果無book位要等起碼半小時以上首先黎到的係黃金炒薯條，姐係咸蛋黃炸薯條，剛上的時候熱辣辣，外脆內軟，十分香口，好好食至於卡邦尼意粉就相對普通一啲等左一陣個雙重芝士脆餅（加辣肉腸）終於黎到喇，餅底好薄，好似食餅乾甘脆，個脆餅上的芝士同辣肉腸好多，由於佢係脆餅所以食落唔會覺得好濟，值得推介見好多人都有買蛋糕，不過由於好飽的關係唯有等下次先再試喇

今次嚟到依間隱藏喺北角後街嘅人氣黃店，所有食物都好高質好驚喜呢！依個係我近期食過最好味嘅carbonara！蛋汁好濃郁creamy，加上煙肉同芝士嘅鹹香，al dente同掛汁嘅意粉，食到lamlam脷～10吋Pizza好大個，上面鋪滿香濃嘅芝士同蕃茄醬，不過餅底嘅墨魚汁味就唔係好出；店員溫馨提示趁熱食最好味又有拉絲效果。帆立貝煎得啱啱好唔會乾爭爭，個飯落足料每啖都充滿黑松露嘅香味，意大利飯同黑松露果然係絕配啊！黃金炒薯條可以話係依度嘅signature，用炒嘅方法將鹹蛋黃均勻咁包裹住新鮮炸好嘅薯條，好香好邪惡，一定要同朋友一齊分享唔係會有啲漏同熱氣🙈Lunch set仲可以食到佢地自家製嘅意式香草麵包，仲有松露香嘅蘑菇湯同埋餐飲，食完好滿足～

近來經常都食日本菜, 不是拉面就是刺身壽司, 都開始有d 膩了, 今日決定食好耐都無食既pizza!前菜係 野菌湯+牛油多士個人係好中意飲湯！但一般港式既白湯同紅湯其實都唔太適合我，而依款野菌湯超好飲！忌廉味頗重但又唔會覺得好膩，而且好多菇粒飲落有咬口，雖然熱熱的，都唔洗3分鐘就飲哂lu。黃金炒薯條係店鋪推介既菜式，的確係極惹味，淡淡薯蓉，食落唔會油淋淋，最重要既係咸蛋味道好出，不過佢實在太大盤，兩個人食都差啲食唔哂 haha卡邦尼意粉相信係大家都唔會陌生既意粉款式，但最常見既菜式先係最難煮得好食，佢既忌廉汁好濃，而且好杰，加上適量既芝士粉令整個意粉既味道配合得好好，兩個字，好食！終於到主角pizza雙重芝士薄餅+(辣肉腸$10)一直都覺得薄批既pizza 係最好食，依個就岩哂我，皮薄餡多，蕃茄醬味岩岩好唔會太酸，而cheese一啲都無慳料，每一小塊仲有一粒水牛芝士，非常好食！不過可能太薄所以墨汁味相對唔太重，但賣相就十分好睇🤣燉蛋芝士餅下面既燉蛋好嫰滑，印象好深刻，但如果全個甜品都係蛋味又會太單調，所以上面果層芝士就可以中和番，總結黎講可以一戰！

參與罷市, 派發文宣, 店裏周圍都係pepe裝飾卡邦尼意粉 ($69): 麵條既軟硬度適中又唔算太creamy, 唔會有好漏既感覺, 唔錯唔錯！蒜香磨茹雞肉意大利飯 ($83): 個汁幾清香同啲飯幾夾, 個人認為啲飯有少少生得濟, 但口味因人而異黃金炸薯條 ($68): 炸漿份量剛剛好, 食落都幾脆口, 咸蛋又唔會蓋過左薯條味, 份量仲要都幾多

食得太多大型連鎖式餐廳，有時好想去番一d相對有自己特色的小店，支持一下。今晚黎到呢間，都搵左陣先搵到。星期六晚上始乎都多人，我地無特別去book位，黎到店員開始時cool cool的叫我地等陣，跟住就示意入座。座位是會迫點，不過小店地方有限，都好明白的。我地點左卡邦尼同埋蜆肉意粉(蜆意粉係我既最愛，依家成日心郁郁去唔同地方試), 餐牌上我地無為意原來係包埋沙律，以為淨係得主菜，所以有驚喜蒜蓉包鬆軟，熱加香，好食!我果碟蜆肉意來了~賣相同味道講真一般，蜆肉是已去殼的那種急凍蜆，個醬其實都ok的。老公叫的卡邦尼錯來了肉醬千層麵，但店員都好很快便幫我地再整過。卡邦尼賣相同味道典型，其實唔差，不過都提一提，意粉份量不算多。整體而言，都食得過，可以一試

已經第二次黎食，今次經openrice 訂座仲有是日甜品送。訂左位一去到唔洗等就入得，今次被安排坐主店隔離既鋪位。點完餐，會先黎前菜，多士牛油味同蒜味好香，但今次食覺得唔夠脆，之前食果次好脆既，沙律不過不失。前菜係送既。我點左卡邦尼意粉。上菜既時候，店員有提我要撈勻啲芝士粉黎食。果意粉唔會好乾又唔會濕，岩岩好啲醬汁掛到係每條意粉到，芝士味好夠，好食。不過如果唔大食，可以兩個人share一個，因為都幾滯，太足料啦～🤣黃金炒薯條即係鹹蛋黃薯條，雖然好邪惡，但真係好好食。鹹蛋黃好香而且好足料，每條薯條都沾滿鹹蛋黃，而且唔會鹹得滯，薯條好脆，就算擺凍左啲食都好脆。點左巨蜂乳酸特飲，今次問店員先知全部乳酸特飲上面都會有果個泡泡。真係好靚好有特色，特飲味道都好唔錯。因為經openrice訂座送左藍莓芝士餅，佢唔係日日送一樣既甜品，跟是日甜品，甘我今晚就係藍莓芝士餅，我超中意食藍莓芝士餅，真好彩。佢呢到啲甜品都係好出色，唔會好甜，又足料。整體黎講，環境唔錯，係岩傾計，但今次坐2人位，張枱就細左啲，冇咩位上菜，同朋友一人一杯野飲一個主菜加一個前菜再加埋薯條，完全係好逼，要執走前菜先上到其他野。服務方面

北角後街有間好多唔同嘅餐廳，Lunch多咗好多唔同嘅選擇～今次約埋朋友嚟北角陪豬太郎食晏，VillaVilla位置夾係中間，但入到去都幾多人～兩點嚟到都滿咗八成lol，唔講咁多，睇吓有咩食先～#北海道帆立貝意大利飯超濃嘅黑松露香味！帆立貝足足有成4粒，仲要煎到表面金黃邊，入面依然好嫩，好滿意，撈勻之後啖啖都有黑松露，講埋個飯先～啲Source包住啲Risotto，好Creamy但Keep住有口感，性價高嘅一間西餐！#卡邦尼意粉店員提提你記得撈勻先好食😻，好滑好Creamy～Topping仲有好多芝士碎，每啖意粉都好掛汁，食落好滿足！#前菜好鍾意佢哋跟餐嘅沙律同蒜蓉包～蒜蓉包烘到外邊脆入面軟～好香！千祈唔好當佢跟餐唔食啊～#凍吟釀咖啡朋友大讚佢嘅圓冰球，味道唔算好濃，LunchTime提提神已經好足夠～荔枝冰紅茶比想像中甜咗少少，但夏天食飽嚟一杯嚟涼一流。Follow➡️#msmessypig_food

經過北角，走到小巷，就試試呢間Villa Villa !有Lunch Set , 我叫左個鮮蝦白酒汁煮意粉，我男人就叫左個卡邦尼意粉！先黎個餐前菜，沙律加麵包，麵包係香草麵包加上蒜蓉，外脆內軟，加上蒜蓉，真係停唔到口！！卡邦尼味道唔錯，不過芝士太多有d膩 ，意粉煮得略為淋左d!!鮮蝦意粉，蝦應該係急凍蝦，呢個意粉咬落有al dente ，配上大量蒜蓉及小辣椒，好嘢味！不過食到一半就覺得太油了，全個碟底都係油！餐後甜品，濃濃既朱古力蛋糕，唔錯！！

一間在後巷裡慢活著的西餐廳，如果不是朋友帶路，真的未必懂得到此。餐廳環境尚算可以，普通西餐廳該有的樣子，它都具備。(操一口流行英語的侍應有為環境加分)本該認為它只是一間普通的西餐廳，卻不想食物的質素令人喜出望外。先來說這廣受好評的《黃金炒薯條》，咸蛋黃配粗薯條，確是絕配，絕對是非常邪惡的小吃。由於我們是lunch time的關係，這《ViLLA ViLLA自家製煙燻芝士意大利雲吞》是我們拜托廚房特意做的，值得一提的是雲吞皮很滑，表現比旁邊的帶子更出色。其他意粉和意大利飯的表現尚算中上，但令人驚喜的是這《卡邦尼意粉》。這意粉的價錢並不太貴，本著視此為例菜，但不想這意粉卻令人驚喜。意粉的麵質彈牙，配上味道十分香濃的醬汁，表現比其他略貴的意粉還要好，絕對對得上價廉物美。錦上添花的是Villa Villa 的朱古力非常濃郁，不論是甜點的朱古力還是餐後飲的《法國特濃熱朱古力奶》，都令人回味無窮。另外，在下午一點前結賬可享有88折！