泰屋

营业中

休息中

我和家人在旺角「泰屋」享用泰式晚餐。黃咖哩牛筋腩~我們頗喜歡黃咖哩汁幼滑香濃不膩，配牛筋腩吃更添美味可口，我們將印度油酥餅&蒜蓉包蘸黃咖哩汁吃，齒頰留香！印度油酥餅&蒜蓉包~酥香脆口，蘸黃咖哩汁吃，口感美味又開胃！椒鹽鮮魷 ~惹味的椒鹽配爽口彈牙的鮮魷，送酒、下飯都一流，是極受歡迎的小炒！泰式濕炒牛河~牛肉肉質十分嫩滑，配菜份量很多，獻汁不稠不稀掛滿整碟濕炒牛河，調味合宜。泰式乾炒牛河~乾炒牛河夠鑊氣之餘，更有蛋香，而且沒有油膩感，兩款炒河都有共通點，就是菜與肉都比河粉多，十分抵食！兩款消暑特飲~紅豆奶茶&阿華田沙冰。

冬陰公鮮蝦湯 88一碗湯，2人份量，夠酸，夠辣，夠熱，香茅味，一隻蝦， 大量秀珍菇， 味道正宗。特色軟殼蟹139用麵粉煎炸過， 重口味，味道夠，唔需要點醬。香茅茶 18 （ 售罄）知道香茅，效用多，能夠抗感染， 改善消化系統功能， 增進食慾， 減輕憂鬱不安， 可惜今日已經售罄。印度油酥餅 36印度油酥餅唔會過油，夠鬆化， 爽脆，多層，夠熱， 食落似酥皮餅乾，唔會太甜，好味。醃酸辣鳳爪 78朋友唔食得辣，店員建議可以分開上醬汁， 加左少量洋蔥，菜，番茄仔，好開胃兩個人2碟餸，1碟湯，餅，2個人夠飽肚。

之前朋友帶過黎食覺得幾正，今次就帶返男朋友黎食下。餐廳環境光猛企理，座位都有成七八十個，到七點半已經全場坐滿。係咁多人情況下，侍應服務仍然好好，上菜收碟都好快手。今次叫五樣，每人大約$170。醃肉碎生菜包 $85豬肉碎帶有好香嘅香茅同青檸味，味道有少少辣，唔乾唔油，有十磈生菜左右，包住食夠哂新鮮。泰式沙嗲串燒 $85雞肉同牛肉各三串，雞肉嫩唔鞋，牛肉入口牛肉香味好濃，沙嗲醬味道甜味特出，有唔少花生碎。青咖喱鴨 $82青咖喱辣度好夠又惹味，鴨肉分量都幾多，醬汁杰度剛好。印度油酥餅 $36非常脆，入面仲有有好多層，每層都好簿，口感相當酥脆。配上咖喱汁，更滋味。鮮芒果糯米飯 $48辣辣辣嘅糯米飯同凍冰冰嘅芒果，加埋香濃椰汁一流。芒果夠甜唔酸，糯米飯軟身唔乾。

見咁耐冇食泰國菜，今日就嚟到旺角726呢一間泰屋食返個正宗泰國菜先！我哋今日已經算遲9:00PM先上到去食，一去到全場爆滿，估唔到去到咁夜都仲咁多人！不過好彩大約10分鐘就有位啦裝修格局都係新式簡單裝修加少少泰國feel,一入門口就已經見到幾個佛像，儘量營造到泰國🇹🇭嘅氣氛。因為大家都肚仔餓，事不宜遲快快手點菜。首先黎個冬陰公什菜湯，因為我同朋友其實都唔食啲蝦，所以叫什菜已經夠晒，其實次次都志在飲個冬陰公湯，材料有草菇，椰菜，蕃茄，最估唔到竟然有娃娃菜，但原來又幾夾！之後黎多個牛筋腩🐮黃咖喱同一個蔥油餅。個咖喱係唔辣嘅有少少甜味同好重椰奶🥥，岩灑唔食得辣嘅我，原來嗰咖喱入邊係冇薯仔，但有椰菜花同蔬菜，呢點有啲可惜！🥺咖喱就一定要配埋嗰塊蔥油餅食先完美😂，一定要成塊浸落啲咖喱先過癮！最後甜品我哋仲叫咗個千層糕同芋頭糕，再加一個椰子綠豆糯米糍。啲糕點$13一件，但佢會切開兩份所以都幾抵食！而且個千層糕一定要點，佢係暖暖地，好香同勁有口感！正！嘢飲就叫咗泰式奶茶同珍多冰

旺區都有食泰菜的好選擇， 環境充滿東南亞風情， 適合幾位朋友聚會的好地方。 泰式沙嗲串燒友人戒牛肉的緣故， 便選擇了雞肉拼豬肉。 串燒肉質嫩滑， 外表燒至香脆，蘸上花生味香濃的沙嗲醬一絕。馬拉盞炒芥蘭芥蘭鮮嫩， 沒有半點苦澀， 配上馬拉盞十分惹味， 推薦。原個菠蘿海鮮炒飯不過不失， 份量足夠幾人享用。醃肉碎生菜包肉碎酸酸辣辣， 包生菜食用十分清新。星洲咖哩軟殻蟹用巨形的農夫包盛載， 咖哩汁滿溢。 咖哩唔太辣， 加入蛋白炒香， 醬汁充滿香軟的麵包。印度油酥餅香口小吃， 入口香濃酥化， 推薦。

今日又去左726去食野，今日揀左間泰菜。呢間泰菜位於２樓，因為太多人等lift，所以我決定行樓梯，不過我唔建議大家行上去，條樓梯勁臭。媽媽叫左佢最愛既椰青，而我叫左椰汁紅豆冰。椰青好清甜，媽媽超讚。紅豆冰好香椰汁味，不過紅豆就麻麻。當椰汁冰咁飲都好好味。第一個到既係馬拉盞炒通菜，通菜鮮嫩可口。味道比一般既馬拉盞炒通菜辣，如果比較怕辣既人未必食到。不過我喜歡食辣，所以我會覺得十分惹味。然後有炭燒扇貝，原本我好期待的。可惜扇貝上舖滿了我討厭的薑，係勁多薑（初初仲以為係蒜）。扇貝味道普通，無乜鮮甜味。爸爸最愛的冬陰公，味道不錯，有不少既海鮮，唯不夠新鮮。咖哩牛尾都幾好，牛尾炆得好腍又唔膻。呢個油酥餅點咖哩超好味，不過就油左少少。芝士烤包我本身好期待，但係最後好失望，芝士包完全食唔到有芝士味。不過個包本身都唔差既。最後有最好味既原個菠蘿海鮮炒飯，賣相吸引不在話下，食落都好讚架。有好多海鮮而且都算鮮，飯唔會太硬又唔會太腍。成個配搭得好好。整體而言，如果要係旺角食泰菜，呢間都係一個唔錯既選擇，因為環境都幾好，岩哂同一班親戚朋友飯聚。

近排成日落雨，真的很想吃些鹹鹹濕濕酸酸甜甜的食物，這種性質食物好容易會聯想到泰國食物，這間位於彌敦道的＂泰屋＂位置方便，坐位舒適，是不錯的選擇泰式炸蝦餅 - 炸得火喉剛好，蝦餅實身彈牙香口，越式牛尾煲 - 牛尾份量多而且很入味，夠腍牛味重，酸酸甜甜微微辣很醒胃泰式香芒軟殼蟹 - 香芒濃郁，味道偏甜，材料豐富軟殻蟹外脆內嫩很惹味印度油酥餅 - 油酥餅不太酥化，口感較實，不過點汁醬就很適合泰式咸青檸雪碧 - 咸青檸感覺清熱氣，最啱食完煎炸野後飲的飲品😆