麵屋黑岩

营业中

休息中

拉麵之旅來到深水埗，等了10分鐘就可以入座，可以和朋友面對面坐，拉麵店來講算舒服。這裏要用QR code落單，都幾暢順方便。【原味】豬骨湯底配上厚切叉燒，有木耳絲和大量蔥花，先講豬骨湯底味道幾濃郁，口感偏稀，不會太張在口中，麵條亦沒有鹼水味。厚切叉燒7分肥3分瘦，脂肪溶解口中，過癮！【鰹魚】近排很多拉麵店都有鰹魚湯底，這間味道濃郁，亦有鰹魚的鮮味，又咸又香，一堆木魚碎做伴碟。火炙叉燒有兩片，質地比較乾身，肉的比例就多些少。【替玉】中間水汪汪。【日式炸餃子】上面的櫻花蝦碎超惹味，外皮又脆，中間的肉饀都好香。

今日系深水埗買電腦野之前見到肚餓，出咗地鐵冇幾耐就見到呢間拉麵店。反正見佢就腳方便，就一於入去食碗靚麵先。辛辣炙燒豚肉拉麵拉麵上面既豚肉梗系要大大片呢，佢既豚肉系十分之大塊厚切，就系咁正！另外湯底夠熱夠入味，拉麵夠曬彈牙夠香口，知道加多一隻玉子就正上正。厚切叉燒作為食肉獸嘅我哋，仲叫咗多一件厚切叉燒添，不錯的。鰹魚拉麵佢哋嘅拉麵用上特製嘅魚湯，魚味十足加上配料，一樣好好食，同埋分量一樣不少，食到連湯底都飲埋，正！薯片雞翼日本嘅味道返來啦，同喺日本食嘅味道一樣炸得一樣咁香，咁有雞味，為美味嘅一餐錦上添花！

在深水埗搵到呢間拉麵店，價錢不算貴，但質素絕對比佢的價錢更值！呢度都同正宗拉麵店一樣，選湯後，可以自由選擇麵的軟硬度，自由選擇要蔥還是椰菜，重點連叉燒都可以自己選擇那一款！對於肉食迷的朋友就有福啦～叉燒分兩種：厚切叉燒、炙燒叉燒，我們各自都點了～還有所有湯都不會太鹹，這是我最中意呢間舖的原因！黑蒜拉麵 $80 |黑蒜湯非常濃郁，不會太鹹而且黑蒜油也不會太多太油，食完不會起痰～配了炙燒叉燒，有微燶的超香口～海老拉麵 $80 |海老湯就更加驚艷了，除了湯本身蝦味濃，還有一大堆小蝦乾/蝦米🦐放在上面，一邊撈一陣陣鹹香味出曬黎～大推介！而厚切叉燒真係無得輸，雖然無火炙嘅效果，但因為厚切有較多肥膏所以仍然好香，而且肉質非常軟嫩又夠啖啖肉！較喜歡吃厚切的！

夜晚放工，走在大街，突然想吃拉麵，於是和男友進去試一下。環境：一進去，地方比較乾淨，餐廳最前面就是一個開放式廚房，我們被安排坐在bar枱，算是舒服。其他位置都寬闊，整潔。食物：首先這一碗黑蒜拉麵，湯底味道比較濃醇，黑蒜香味四溢，椰菜滾得剛剛好，麵度我選了硬，亦符合預期想像。最重要的是叉燒佢本身有火炙簿叉燒同厚切叉燒，我選了火炙，超級香口，肥而不膩。外加了一個厚切叉燒，它淋上醬汁，比較濃味，感覺配飯更好😂另一碗海老拉麵，用上不少櫻花小蝦乾，鮮味十足，喜歡海鮮可以一試！麵則選了普通硬度，不錯.薯片雞翼：用薯片當外皮炸到脆一脆，正！😋最後總結：如果想吃拉麵又不想四處尋找，這間在大街的餐廳不防一試，可能會有意外驚喜。

喺深水埗站行幾步就去到呢間拉麵店。入到去就聽到鋼鍊嘅主題曲，playlist同我聽開嘅8成似，食得特別開心。採用可重用餐牌。限定款要六點半後先供應。^椰菜同葱只係可以揀一款，呢度係搞錯咗。特別嘅係呢度小食種類好多，而且唔係拉麵舖常見嘅款。我叫嘅辛辣拉麵望落唔係好紅，但中間有唔少辣椒粉。除咗辣椒粉仲有唔少辣肉碎，比起一般拉麵食起嚟可以話係啖啖肉。湯底幾濃，係乾辣椒嗰種微苦、少少刺痛嘅辣，比起用辣油、辣醬調味，呢款更得我心。第一次聽加蘋果醋呢種食法，估唔到又幾好喎！醋解油膩，但唔會減低湯嘅香濃，果酸反而令湯底更有層次，亦更加開胃。當然拉麵湯底對唔少人都係神聖不可侵犯，但一試無妨。我個人就幾欣賞呢個配搭~厚切叉燒好腍同入味，脂肪入口即化。麵係幼白嗰款。細佬揀咗黑蒜拉麵，我都偷咗啖湯飲，黑蒜味幾香。肉粒都用黑蒜調過味，幾香~喺吧枱見住佢燒火炙叉燒出嚟，睇落覺得好吸引。溏心蛋入味，黃夠晒流心，不過蛋白可以再熟少少。蝦餅唔多粉，$20都相當抵食。隔籬舖都係日本菜，互相幫忙~

香港多拉麵店就係人都知，仲有好多日本過江龍，如果香港本地自己開既而又正宗，仲要平價兼好食就更加難搵！但深水埗有！有4款選擇同限定，仲有午市套餐好抵食，冇點限定，試左海老同黑蒜海老 $78叉燒揀左厚切，配料要左蒽，麵質揀左硬。蝦湯底，所有拉麵都加入左免治豬肉碎，有別一般我地食開既拉麵！豬肉碎肉味濃郁，令湯底味道更強，亦有大量櫻花蝦，帶點鮮味。而厚切叉燒肥瘦適中，肉質容量分離，肥膏係口中溶化。麵屬於幼身果種，由於揀左硬，個人認為可以再硬身少少黑蒜 $78叉燒揀左火炙，配料要左椰菜，麵質揀左普通。同樣有大量豬肉碎，由於係黑蒜湯底，豬肉碎都有啲滲透黑蒜，湯底本身黑蒜味已經好濃厚，再撈埋豬肉碎係畫龍點睛，令湯底層更豐富。而火炙叉燒就以瘦肉為主，一入口就有燒過既焦香味，但略嫌有點乾身同肉質太實，個人更愛厚切叉燒糖心蛋 $12另外加左糖心蛋，甜䜴油滲入內裡，令蛋黃帶甜味，惹味薯片雞翼 $26必食！有三大隻，以為係炸粉厚所以咁大隻？唔係！係真係咁大隻雞翼，外層炸粉加上薯片，令口感比平時食既更脆，但內裡雞翼仍然保持到肉質嫩滑，外脆內嫩，厲害！七十幾蚊食到一碗不錯既拉麵係香港就係比較難搵，坐位亦舒服唔會有