COMEBUYTEA (T.O.P This is Our Place)

营业中

休息中

Comebuytea係T.O.P入面人氣好高既人間台式飲料店。相比起同樣位於地層既老虎堂人氣都冇呢間咁高😯。第一次飲呢間，望一望Menu，見到有6款係呢間推薦爆款既人氣口味，仲要日銷千杯，唔知真定假😂。糾結係Top1既重乳烏龍厚奶芋同厚奶烏龍小芋Q之間，所以問一問店員原來兩款口味之間只差奶蓋。最後嗌咗杯冇奶蓋既厚奶烏龍小芋Q($35)，老實講飲完都諗唔出店家要推薦呢杯既原因🤔，所以我覺得呢杯俾我既驚喜程度未去到要推薦必飲。芋圓份量唔算好多，口感都幾有咬口，芋圓味道偏甜，好彩我嗌咗茶底走甜，飲落整體既味道先唔會太過甜。鮮奶用明治，雖然味道未令到我好驚喜，但奶同茶比例的確調得幾好👍🏻，唔會話太重奶味或太濃茶味。可惜呢款始終係店家推薦，仲以為有幾好飲🙁，可能我期待太大，令我有少少失望...味道就係正正常常既奶茶味，好飲係好飲，但冇話好驚喜囉。如果嚟到comebuytea，嗌呢杯絕對唔伏，但又唔係必試之選🤔

飲之前已經成日聽朋友介紹呢間Comebuy Tea, 間中路過都比佢地嘅製作過程所吸引到，但係一直都無一個好想飲嘅時刻。今日又再次路過，有啲口渴，想試吓啲新嘢，就好奇呢間茶飲店到底有咩地方咁引人入勝。一入到去睇吓個餐牌，已經發現佢地嘅茶飲同其他大路嘅台式茶飲店係有唔同。心大心細飲咩好嘅時候，見到呢個top 5嘅表，心諗第一次飲叫No.1嘅話實無死，於是就叫咗叫完嘢飲就梗係欣賞吓佢地嘅製作過程，佢地嘅茶葉好似圖中咁一行行排好，比人一種好整齊有序嘅感覺，赤裸裸咁比大家一目了然，感覺啲茶葉好有質素，十分期待呢部咁吸睛嘅機器就係佢地嘅萃茶機。員工都會將茶葉先磨碎，之然先至用萃茶機萃取茶湯嫁！製作過程雖然比其他茶飲店嘅為多，但係咁樣沖出嚟嘅茶先至會更加清澈純淨，飲落更加純嘅。本身仲以為要等5杯嘢飲，又要咁多工序即叫即整咁，一定要等返十分鐘先有得飲。點知原來調茶師手法好純熟，等咗3分鐘左右就有得飲嫁啦！雖然咁快整好，但係佢地完全無hea過我。呢杯叫咗半糖少冰嘅炭焙烏龍小芋Q，好易入口，唔會太濃，茶湯嘅口感好滑，完全唔覺得有茶渣或者澀，感覺都幾清新，茶韻亦都係有嘅！啲小芋圓亦都好有口感，台式茶飲唔係

行MK想飲下野又見到Comebuy Tea冇乜人排隊  望落啲又好似好Pro咁就去咗試下嬾地諗飲乜就嗌咗最受歡迎榜嘅Top 1 厚奶烏龍小芋Q🥤厚奶烏龍小芋Q $30茶味幾甘香 茶味奶味都唔會太濃 芋圓好Q好煙韌超好咬😻 唔鍾意飲茶嘅可能會覺得有啲啲苦鋪頭分開咗兩邊一邊排隊一邊等拎飲品 唔會太逼排隊落單都快 但就等咗差唔多15分鐘 有枱同櫈俾客人坐低飲 但垃圾桶滿咗枱面亦有垃圾未清🧐店員俾嘢飲有雙手遞上亦有笑容👍🏻店內仲有好靚嘅打卡位😆

在旺角，台式茶飲開得成行成市，Comebuy Tea 以即磨現泡茶為主打，吸引不少愛茶之人前來一嚐。在放工時間，總會有一條長長的人龍。不過愛茶的我，還是會忍不住來排隊買一杯。最愛就是Top 1的厚奶烏龍小芋Q （$30）厚奶烏龍小芋Q以炭焙烏龍茶作基底，經炭焙的茶茶味醇厚，茶香帶烘焙香，入口滑順，經過喉嚨後有回甘味。茶香飽滿的韻味實在令人回味。加入淡奶後入口更溫和厚實。小芋Q細細粒，味道帶微甜，頗有嚼勁。

Comebuy開既一條line 主張用較靚既茶葉沖茶 而且每杯都係即沖既 經過佢既舖頭果然聞到好香茶味 所以就去試一試佢啦😀試左杯Top 5入面number 1既厚奶烏龍小芋Q 大約10分鐘就有得拎飲品 飲落果然無介紹錯 炭焙烏龍味好出 唔會比奶蓋過左茶味 飲完口入面仲有烏龍茶香 加上每啖都食到小芋圓 煙煙韌韌 好好飲 下次再試會叫半糖 相信茶味會更出😋👍🏻

旺角開咗間新shopping mall T.O.P. ，最顯眼莫過於地下呢一間 Comebuytea 飲品店， 裝修望落非常文青，如果有位坐就更好啦叫咗杯TOP 1 嘅「厚奶烏龍小芋Q」，即係厚奶、炭焙烏龍，加上小芋圓，價錢係$22 + $5 = $27 。 價錢唔算平，好彩係大杯裝，份量抵番。飲落都真係幾香炭焙烏龍味，小芋圓亦咬口十足，厚奶唔會太明顯，恰當配合。 唯一美中不足就係，芋圓係比較細粒，而且數量唔係太多，大杯嘢飲如果小芋圓多d，整體份量會更配合。特別值得一讚就係，呢一間飲料店製作效率超高，明明本身都仲有10個Number ， 竟然等左幾分鐘就ready