火狐爐端燒 (已結業)

因為疫情的影響，近期很少出街食野，但食得多住家飯，真係好想出去行下食返餐，趁今日難得放平日假，就在屋企附近搵間細細地既餐廳，無咁多人用餐始終安全Ｄ既！呢間位於荃灣千色匯後街的一條小巷—「四坡坊」，餐廳以日本家庭式居酒屋經營，店面並不算很大，約有8張細枱，但座位不算太迫，裝修雅緻，枱與枱之間有足夠空間，侍應姐姐如果完成手上的工作，會站在餐應最尾的中間位置，一來可以方便知道廚房幾時有食物出來，與此同時亦可環顧四周全場食客，如有需要可即時招呼回應，連企位都有貼心講究的安排，相當細心，確實值得一贊。餐廳主打「日式燒物」，當日選了三款品嚐，包括：牛舌、雞軟骨黃金燒及黑豚五花腩，三款燒物均相當入味，不用七味份作調味，而且肉質鮮嫩不韌，外香脆內多汁。此外兩款頭盤：冷蕃茄同豆腐唐揚亦很有意外驚喜，尤其是「冷蕃茄」個醬汁，酸甜度適中之餘亦不會蓋過蕃茄的鮮味，買相亦相當吸引。另一款「唐揚豆腐」則入口即溶，既香且滑。最後兩款主食則點了：厚燒玉子及冷喬麥麵，「厚燒玉子」完全比得上東京築地市場日賣過千件的日本師傅功架，蛋味濃郁軟滑，亦能食到蛋的層次質感，配上蘿蔔蓉，簡直試難忘。「冷喬麥麵」附上鵪春蛋，將蛋汁加在

位於四坡坊嘅串燒小店，雖然要轉入小路，不過位置都非常易搵。我哋入座嘅時候係六點，佢哋啱啱準備好，店內空間雖然不大，不過座位唔算好迫夾，每張枱中間都有足夠嘅空間。店員奉上熱麥茶，如果你想嗒返兩杯，佢哋都有唔同的酒類提供，重點是酒類都不太貴！首先上枱嘅係前菜-冷蕃茄。好簡單嘅一個新鮮雪冷咗的生番茄，淋上酸酸甜甜嘅醬汁，好醒胃，而且番茄本身都好新鮮，甜甜地唔會太酸。好食！之後我哋點的3個串燒一次過上枱。鹽燒雞胸軟骨只用上鹽等簡單的調味醃製，雞味不會被掩蓋，灑上少少檸檬汁，清新又香口，味道剛剛好！牛舌厚薄適中，唔會太韌！值得推介係個豚大腸山葵燒，豬大腸燒得剛剛好，表面脆口而裡面的脂肪仍然能夠保留到，入口滿滿脂肪香味配上山葵，即係黃芥辣非常搭配！之後係唐揚豆腐，熱辣辣的炸豆腐配上凍冰冰的醬汁，口感好特別。表面一絲絲紅色唔知係咩，但食落有七味粉的味道，幾得意。炸豆腐內裡好滑好有豆香，應該是用上日本豆腐做出的。重點推介來了！！厚燒玉子！玉子唔係平時你喺壽司店見到一早整定硬實實的玉子，係即場燒出來的厚玉子，淨係手工都已經好值錢。店員教路每一啖玉子都拎少少蘿蔔蓉伴埋一齊食，會好味啲！即燒出來熱辣辣的玉子

早前聽朋友講話荃灣有間新開的爐端燒唔錯，作為食藥嘅我冇理由唔來試下啦，入到呢個幾有特色的小店，小店約有8-9張枱，所以來食飯最好早少少來book 位, 一入門口就放左果結他及內裹擺設都幾型格，好啱同朋友食下野吹水的地方。我地就叫左1個小食，6串串燒及一個飯。蒲燒鰻魚飯 - 鰻魚燒得好香口直頭外脆內軟， 加埋D醬汁好夾，份量剛剛好。牛舌  - 食落好濃牛味加埋少許黑椒及海鹽，真係好正厚燒玉子 -  食落有少少味醂的調味甜甜地加埋蘿蔔蓉幾清新汁燒雞肝 -  雞肝燒得香口，配埋自家製醬汁真係幾好食胡麻秋葵 -  本身我好怕食秋葵因佢滑滑潺潺汁液，但呢個秋葵入口幾爽脆，加埋胡麻醬汁同本魚碎幾特別豚大腸山葵燒 - 呢個係我覺得食落好有驚喜，大腸燒得外皮勁香脆，內裹就好軟滑，加埋少少秘製山葵汁，食落一D都唔會好油膩

十分滿分, 是次用餐經驗分數為九分香港這幾天的氛圍讓人感到壓力山大, 所以和男朋友到荃灣四陂坊的一間居酒屋-火狐爐端燒, 好好地放鬆享受一下美食, 亦希望香港加油 這裡的串燒全部都是即點即燒, 出品都是熱呼呼的, 絕對高質, 每樣的份量雖然不算多，但這樣卻能吃到更多種類的菜款, 而亦要一提店員服務態度很好每次上菜都會告訴我們這是什麼,好讓我們細心品嚐食材的味道番薯條伴雪糕😋先上來的這一道菜, 這應該是fusion food吧, 這樣的搭配還蠻有趣的, 日本蕃薯炸得很脆身, 香濃番薯味厚燒玉子 😋第一眼看到時, 真的有點驚訝它的份量, 超級厚身一份蛋味很濃郁很滑, 而且還甜甜的, 店員告訴我們可以配上新鮮磨岀來的蘿蔔蓉一起吃, 會別有一番風味, 的確是哈雞翼😋看到是單骨雞翼, 已經想給讚, 超貼心, 而且燒到皮脆肉滑的, 連內裡的肉也很入味汁燒墨魚咀😋雖然滿滿的醬汁包圍墨魚咀, 但墨魚咀的鮮味仍很突出, 超爽口, 比中菜炒得更好味黑豚五花腩 😋肥瘦均勻, 平時我很怕吃到有肥豬肉, 但這裡燒完的腩肉不會很肥, 如果有生菜就更好哈哈燒牛舌 😋吃到最役, 我忍不住加了一份是燒牛舌, 這是我今晚

同朋友一齊偷食係最幸福的事🥰今日去左一間爐端燒，唔洗點等位就入得，私心推薦鹽酥河蝦，花甲牛油燒咸咸地脆脆地，十分香口花甲上面有蒜有蔥，襯托出海鮮味仲有燒牛舌，厚燒玉子，蟹膏海鮮炒飯同雞軟骨黃金燒，飽和度很高🤲🏻🤤燒物牛舌大大塊咁🤤少少鹽吊味，一路傾計一路食很開心呀！今日似乎忘了點杯清酒🍶拌燒物😨厚燒玉子的厚度適中，很似厚蛋捲，拌著蘿蔔蓉，熱呼呼的吃著足料的海鮮飯👋🏻🤤有蝦有魷魚，仲有蟹膏的味道，米飯軟綿綿的

今天下班後跟寶寶來到荃灣這邊探朋友及其新開張的小店。經她積極推介之下，我們來到這間串燒店，她說幾星期前在這裏吃過後念念不忘，叫我們一定要來試試！來到後，發現這間店樹立在此小巷，跟附近的幾家舊式食店感覺很不一樣😆。小店不大，約有25個座位左右。是日推介的菜式都寫在牆上的黑板上，背景音樂還播放著日文歌曲，環境猶如置身於日本的居酒屋，非常有特色🤓。我們今天點了六客食物。厚燒玉子 $68份量不少，燒得生熟剛好，玉子層之間有些蛋汁，蛋香味濃郁，配以旁邊的醬油蘿蔔蓉一起吃，口感更豐富！非常不錯，推薦👍🏻燒牛舌 $40口感爽滑有嚼勁，肉汁豐富，黑椒味香而不辣，相當出色。👍🏻黑豚五花腩 $28表面燒得微脆，肥瘦適中，有油脂層，但吃起來一點也不覺油膩。沒有牛舌那麼多的肉汁，但也不乾，除了黑椒味外，還有輕微炭燒味。燒粟米 $25味道香甜，粒粒多汁，絕對不是普通的街市粟米。燒雞翼 $25名副其實的鹽燒雞翼，炭燒味濃，雞皮香脆帶鹽味，肉質尚算鮮嫩～和牛露荀炒飯 $98配料豐富，除了和牛及露荀，還有蔥花、雞蛋和炸蒜片，炒得很均勻，粒粒分明。炒飯來說，一點也不乾，而且不油，牛肉粒很多，味道也不錯！👍🏻

和朋友收工在荃灣找餐廳醫肚餓時，看到一間門面寫住大眾酒場的日式居酒屋，立即就想進去喝酒杯酒，吃吃串燒，舒緩工作一天的辛勞。果然，這間日式居酒屋環境休閒舒適，背景音樂播著流行的日本流行曲如西野加奈、生物股長的名曲，而電視就播着netflix的劇集，引來其他食客的關注，加上算是寬敞的環境營造了舒適放鬆的感覺。第一道上的菜是厚燒玉子， 玉子充滿層次感，口感結實，每層玉子之間充滿蛋汁，味道偏甜且蛋香十足，而且玉子比我的手掌還要大和厚，令人十分滿足。第二道菜是燒茄子，茄子燒至微焦，調味偏淡但充滿茄子的甜味，證明茄子十分新鮮。本人建議配上特製的蘿蔔泥食，令帶有清新甜美且口感軟綿清爽的蘿蔔泥加上甜豉油可以加強茄子的味道。然後主角之一的黑豚五花腩和牛舌出現了，這家店主要以黑椒和鹽進行調味而非用燒汁，這正可突出串燒的肉味。黑豚五花腩的豬肉和脂肪比例達之黃金比例，肉質鮮嫩多汁且油脂香濃，絕對是本店的必食之選。而牛舌這高級食材一向是我最愛的居酒屋菜式之一，這串牛舌用了中舌這部位，比較爽口結實，而廚師也巧妙地把牛舌切得偏薄，令牛舌不會太韌。串燒當然要配酒，今次我點的酒是居酒屋的人氣飲料highball。這家店

約埋三五知己 小酌兩杯傾心事食幾串燒物 悠閒地過一晚🍻————————————————————1️⃣ 厚燒玉子 |$68 (😋3.5/5)即點即做的玉子燒蛋夠厚實，入口溫熱配上清涼的蘿蔔蓉，一啖有齊冰火的感覺❄️🔥蛋醬加入了味醂，令蛋味更有層次一口份量的玉子燒上，加上滿滿的蘿蔔蓉有清香的蛋味、微甜和咸味(來自蘿蔔蓉)十分清新的一道菜 🌱.2️⃣ 燒牛舌、豚肉五花腩 |$40/28 (😋3.7/5)👅牛舌非常爽口 牛味夠配上檸檬汁，味道十分配搭👍🏻👍🏻🐖豚肉五花腩的脂肪和肉的分佈選擇得很好每啖肉都有充分的油脂包圍😛成串都燒至脆口的五花腩，真係份外邪惡又難抗拒😈.3️⃣ 燒茄子 |$38 (😋3.6/5)燒茄子應該算是點燒物必選之一吧✅一碟有三塊茄子🍆每塊都燒至軟滑，茄子肉汁勁多🤤加上七味粉和百搭的蘿蔔蓉真係無得輸🤭.4️⃣ 燒雞翼 |$25 (😋3.2/5)雞翼已經對剪再燒 更方便享用外層燒得比較燶但內層雞肉不會過嚡加上檸檬汁味道更佳.5️⃣ 和牛露荀炒飯 |$98 (😋3.5/5)和牛粒份量比想像中多但肉粒可煮至更嫩口肉味不錯，食得岀和牛味🐂配料有葱粒和炸蒜片，為炒飯添加香味和不同口感👍🏻

今晚朋友帶我去荃灣搵食，平時食開隔離個間米線，都冇留意到呢度有間日式居酒屋，小店裝修簡單，平日晚上7點黎到唔多人，唔洗等位。厚燒玉子玉子非常滑，不會燒得太熟，店員推介要配蘿蔔蓉一起吃，玉子味會更突出。黑豚五花腩、牛舌五花腩肥瘦均勻，肉質非常軟熟。牛舌燒完香濃，爽脆惹味。雞翼雖然只用盬味來燒，但已經能突出雞翼本身的味道。燒茄子茄子燒完依然保留水份，非常JUICY。和牛露荀炒飯炒飯夠乾身，和牛配露荀好夾，炒得好香。

今日同朋友嚟咗荃灣食飯，見呢間啲嘢幾啱食咁就入咗嚟呢到嘅裝潢格局都幾頗柔同舒服，係適合朋友傾談相聚嘅好地方我同朋友叫咗燒茄子🍆、厚燒玉子🥚、黑豚五花腩🥓、雞翼🍗、牛舌同和牛蘆筍炒飯。佢個燒雞翼特登界開咗先燒，所以好容易咬開，佢燒得啱啱好個皮帶小小焦香味唔錯和牛配蘆筍呢個配搭好好，佢有獲氣得嚟又唔會好熱氣嘅感覺，而且味道好夾，都幾好食有幾樣我係特別鐘意嘅：第一，黑豚五花腩🥓沒有令我失望，鐘意咬落去嗰種油香味，真係好正！第二，牛舌→令我有啲驚喜，因為燒得juicy，又有咬口，唔覺韌，值得一試！第三，燒茄子🍆，外表燒得好香，但入面仲保留到水份，咬落去幾juicy😆唔錯第四，厚燒玉子，燒到好靚好滑口，蛋味好重，好好食一般爐端燒應該都會比較熱氣，但火狐嘅食物嘅調味唔會過重，但又吊起食物嘅味道，唔會令人覺得太咸，冇咩罪惡感同感覺都健康啲。另外值得到讚嘅係呢到啲嘢食係即叫即整，食得出係用心去做，而且店員細心，有禮貌，服務態度都好好

今天也是忙碌的一天，整天都在畫圖，下班後又要替媽媽去荃灣買些拜祭公公婆婆的東西，同時順道接弟婦下班。弟婦說她有點餓，想吃完東西才回家，那當然沒問題呢。熱呼呼的厚燒玉子看起來挺不錯，離桌子遠遠的也聞到燒玉子那股蛋香。燒玉子軟嫩緊實，與一般一咬就散的燒玉子截然不同，濃郁豐腴的蛋汁讓人深深愛上。牛舌頗有厚度，外層撒黑椒提味，弟婦在想這牛舌會不會不好咬，因為她牙齒不好，但出乎意料地嫩彈，細細咀嚼幾下更可嚐到牛舌的鮮牛肉味。黑豚五花腩是我近期至愛必點燒物之一，五花腩邊緣烤得焦焦脆脆，亦增添其肉香，毫不膩味，一整串黑豚五花腩拿起來大口大口吃，滿嘴鮮美滋味。雞翼的雞皮烤得頗香脆，原本的油脂都在碳烤時大量逼出來，所以本身的油膩感已經沒有。雞翼沒有使用調味料烤，故可嚐到雞翼的原汁原味，若嫌單吃味道簡單，可擠上檸檬汁調味。燒茄子只是簡單的燒烤，再輕輕塗上一層醬油，潤澤茄子的口感，茄子富含水份，柔嫩無比，拌上旁邊的醬油蘿蔔蓉吃，美味度增添不少。和牛露筍炒飯用料大方，每口飯都吃得到和牛，飯炒至粒粒分明，和牛精華滲透炒飯之中，香氣撲鼻，露筍翠綠鮮嫩，這美味的和牛露筍炒飯怎會不叫人一口接一口吃過不停。

荃灣真係美食之都，今次去咗德華公園附近搵食，食嘅係爐端燒，呢間比較特別，師傅唔會係你面前燒起啲嘢食，雖然冇得欣賞師傅嘅功架，但就少咗一份油煙味。店入面除咗menu之外，亦列出咗本日のおすすめ，為客人推薦當日最新鮮、最優質嘅選擇。黑豚五花腩 $28 用上少量調味，唔會掩蓋豬肉本身嘅味道，五花腩略瘦，肥返啲更正🤣厚燒玉子 $68 玉子好嫩，上枱時熱辣辣，配上旁邊嘅蘿蔔蓉，一冷一熱，冰火嘅感覺，亦都可以中和一下味覺！雞翼 $24 事先已經開邊，所以燒得好均勻，略嫌細隻得滯。胡麻秋葵 $32 第一次食秋葵，黏黏哋，配埋胡麻醬調吓味，都幾特別喔～豚大腸山葵燒 $22 大腸乾淨、夠咬口，配上山葵，夠惹味。蟹膏海鮮炒飯 $98 炒飯有大蝦、帶子等作配料，用料新鮮，蟹膏味唔算重，重味啲會更滿足！需加一服務費，埋單2人約$300。如果你鍾意睇我嘅食評，不妨關注我，支持吓我，謝謝你☺️💕

今日同朋友去咗荃灣試呢間火狐爐端燒。鋪頭比較細，唔算好闊落，但幾有日式小店既風情。裏面仲有一部電視，播着住電影，我哋去嗰時就播緊Leonardo嘅Catch me if you can，等緊上菜嘅時候可以睇下，冇咁無聊。好，正式開始講嘢食啦。首先第一道菜係厚燒玉子。玉子平時我係屋企都會自己整，但就好難整得好似佢咁嫩滑，同埋表面完全冇燶。佢呢個玉子好juicy，本身就已經好好食，再加上佢仲附送左少少蘿蔔泥，夾埋黎食就更加清新，唔會咁快覺得膩另外前菜仲嗌咗個豆腐，個汁係鹹鹹地嘅，都係附送左少少蘿蔔泥，好清新開胃。黎得爐端燒就梗係要嗌返幾串串燒啦，我哋嗌咗牛舌、雞軟骨同埋黑豚五花腩。全餐最令我驚喜應該就係呢幾串串燒，佢烤得恰到好處，香氣四溢嘅同時，又保持到肉嘅嫩滑。特別係牛舌，喺出面食到通常會有少少韌，呢度就烤得非常香軟嫩滑。如果想食清新啲，亦都可以自己擠少少檸檬汁，我自己就係間住間住咁擠檸檬汁嚟食，真係好正！！最後一道菜係蟹膏海鮮炒飯。個飯炒得非常香口，食得出蟹膏嘅香味，飯粒亦粒粒分明。唯一美中不足嘅係，蝦炒得有少少乾身，如果可以改善呢一點，就可以話係完美啦！總體來講，呢餐都食得非常滿意。

在荃灣探完朋友，離開時行錯路入左後巷，聞到此店好香，行入去食個宵夜這裏雖然舖仔細細，但坐得很舒適先叫了些特色串燒黑豚五花腩-肉嫩而且係一層肥一層的五花腩，師父燒工了得，外面有些焦脆，內裏仍鮮嫩牛舌-有牛肉的油香味，但比牛肉爽，而且嚟串簡直係極品，香，爽，但又淋又嫩雞軟骨黃金燒-初時以為普通的雞軟骨，只係有個特別名，但送到枱面時，我聞到陣陣咸蛋黃香，非常香口豆腐唐揚-軟滑的豆腐經油炸後不易散，而且外皮吸收了醬汁同蘿白蓉的味道，更有層次，同去掉了油膩感厚燒玉子-一層一層，有層次感，有口感，配合醫油蘿白蓉食，味道更提升蟹膏海鮮炒飯-蟹膏味極濃，每啖也都有蟹膏香，蝦仁勁爽，食完想再食