Orange Elephant Thai Restaurant (和富)

营业中

休息中

全能六角形實力泰菜！已為甜品翻兜三次，連泰菜都又抵又好食喎，掂😈！・・・・・・・・・・・・・・・・・・・・🍍 原個菠蘿海鮮焗飯 HK$108・味道：飯底好重咖哩味好香，配青口、大蝦、魷魚等海鮮，整體夠fresh唔腥的。有一款疑似臘腸咁嘅色同味嘅肉類加咗落去，令個飯甜鹹甜鹹咁，提升咗個level🆙，好食欸。・口感：個飯可以再乾爽啲，不過都唔算濕嘅，再乾身啲就perfect池！🐔 黃咖哩雞 HK$1・味道：逢一至日都有一款一蚊雞嘅餸Σ(*ﾟдﾟﾉ)ﾉ，今日係黃咖哩雞。椰香甜甜辣辣嘅黃咖哩好開胃😙，入面啲雞肉都幾入味，至少唔係之前食嗰啲白烚餸XD 冇因為平而畀劣嘢，份量嚟講都係下午茶size，不錯欸！・口感：甜椒甜得嚟仲幾juicy喎！🍢 雜錦串燒 HK$89・味道：外皮係香內里嫩滑juicy。個黃色汁似係椰奶幾出嘅咖哩汁，甜甜鹹鹹的幾好食。沙嗲醬好濃厚，仲要有花生粒，中間有少少辣汁，好香口，我點晒啲醬咁滯XD・口感：雞當然出色，但豬同牛都唔差，有啲肥膏配瘦肉食，口感豐富。🥭 芒果冰磚 HK$75・味道：呢個芒果冰好食到我返兜食咗兩次，今次係第三次😂。唔係當造季節食嘅芒果都香甜冇渣，入面嘅冰

星期五Happy Friday同兩個朋友一齊食飯聚下。每日都有$1優惠，今日係泰式炸蝦餅，無理由唔叫架。泰式炸蝦餅係最好食既野，炸得好香脆。雜錦串燒豬牛雞各兩串，我食左雞同豬，我覺得無特別，豬肉有啲韌。肉碎生菜包微辣，生菜唔夠包晒肉碎，肉碎溝左唔少肥豬肉。生蝦刺身呢個唔錯，幾新鮮。鹹肉椰菜苗椰菜苗好食，鹹肉就好鞋。原個菠蘿海鮮焗飯飯濕濕地，整體都ok既。芒果冰磚無我想像中甘吸引，但都唔差，冰好綿，芒果糯米飯好食，芒果唔酸。我叫左龍眼冰少冰少甜，佢地叫番石榴冰同青檸梳打。

又放飯啦，今次坐電車去到和富中心食一間泰國野。啱啱去到唔洗等位就有得入座，圖型梳化大枱，我哋決定叫幾樣share食。冬陰公湯 3.5/5湯有菇有蝦有洋蔥有蕃茄，酸辣得黎又夠香，唔會太死，有層次既變化。係個碗上菜太樣衰，又唔抹碗邊，影響影相既機會。泰式豬頸肉撈金邊粉 4/5呢個就上菜令啦，食之前倒調味料落去再撈起佢，豬頸肉燒得夠香，金邊粉掛上風味醬汁真係好食。芒果糯米飯 4/5呢間都係因為好多芒果甜品好食所以出名，去唔到泰國都可以照食芒果糯米飯，軟糯香暖既飯粒，唔乾又唔會過濕，芒果夠甜，加上椰漿滲透落去飯粒同果肉之間，食得樂而忘返。地點:喺商場門口係要搭扶手樓梯落去一層先到個個地下商場，唔熟路就會好難搵到個門口。環境:寬鬆既坐位，泰式既格調，唔會太迫，保持舒服既距離。價錢:合理，100蚊食到泰國風味仲有甜品，係要奢侈一下食個午餐。服務:識得主動比甜品碟，飲冬蔭功既碗，自助落單，睇唔到特別野。

泰國菜餐廳橙象【Orange Elephant Thai Restaurant】2015在九龍城開業，由擁有20年經驗的泰籍廚師主理，口味正宗富創意，加上價格親民，座位經常爆滿。至今於大角咀及北角均設分店。餐廳最近推出超抵優惠，食客只需惠顧主餐牌內的2個項目，就可以$1加配是日特價菜式，包括泰式明爐烏頭魚、泰式香茅炸豬扒、酸辣去骨鳳爪沙津、飛天通菜、泰式炸蝦餅、細支裝啤酒及黃咖哩雞。泰式明爐烏頭魚 (原價$169 星期一特價$1)星期一的$1菜式是"泰式明爐烏頭魚"，元朗鮮烏頭新鮮肥美。魚湯加入香茅、南薑、辣椒、芫荽、青檸等泰國原產香料，味道酸辣鮮甜，會愈滾愈入味。配料有大量肉碎、椰菜、紅蘿蔔及菇類，口感與食味都很豐富。原個菠蘿海鮮焗飯 ($104)炒飯配上蝦仁、鮮魷、青口、魚肉、臘腸，頂層放上大量腰果和肉鬆，用料十足。海鮮吸收了鳳梨的酸香，甜美醒胃。炒飯乾濕度剛好，香口不油膩。泰式炸蝦餅 ($75)三大塊切成6件，即點即炸外皮金黃酥香、內餡紮實飽滿，厚度是一般蝦餅的3倍。蘸些泰式甜辣醬同吃，令人胃口大開。特選椰青 ($42)椰青雪得冰凍，水分充足，喝下甘甜解渴，椰肉嫩口有嚼勁。番石榴

今日約左朋友食飯，見到呢到而家做緊每日唔同優惠，於是就決定黎食泰國菜。我地叫左泰式拼盤($149)、爆炸大頭蝦($148)、飛天通菜($64)、泰式香茅炸豬扒(原價$68，優惠價$1)、黃咖哩牛腩煲($88)、原個菠蘿海鮮焗飯($104)，特選椰青($42)、番石榴冰($28)特選椰青：原隻椰青雪到凍一凍，飲落夠涼又清甜飲完仲可以起埋椰青肉黎食番石榴冰：D沙冰打得夠碎，飲落好滑，番石榴味夠晒FRESH泰式香茅炸豬扒：呢個認真抵食，今日星期二做緊優惠價$1就食到，豬扒切件上，點埋秘製醬汁甜甜辣辣幾好味飛天通菜：炒得夠鑊氣，味道唔會過鹹，少少辣辣地幾惹味黃咖哩牛腩煲：黃咖哩幾香濃，食落有D椰香味，唔會過辣啱啱好牛腩夠多同埋大件，肉質煮得夠腍之餘咖哩味亦入晒去，食落幾正，送白飯都可以食幾碗泰式拼盤：即係有蝦餅、春卷、魚餅、香葉包雞各2件，中間仲有D漬物可以食黎中和清新下。最正當然係我至愛嘅蝦餅，大大件蝦肉食落好彈牙，點埋個甜酸醬黎食真係一流D小食唔會太油膩，同埋味道真係似喺泰國食嗰隻味爆炸大頭蝦：見個名咁特別咁吸引當然要叫黎試下，MENU有寫係2隻大頭蝦，不過佢D蝦真係好大隻，佢將蝦頭開邊同

呢間泰國人主理ge餐廳聽聞九龍城總店經常爆滿，今晚黎到年頭新開ge北角分店試下，裝修幾似泰國當地新派餐廳，寬敞開揚，幾舒服。每晚都有$1優惠，星期二晚我地用$1叫左原價$68 ge泰式香茅炸豬扒，豬扒香脆可口，肥瘦適中。炸物真係難以抗拒，樣樣都想食，叫泰式拼盤就唔洗煩，全部都大大件，熱辣辣，值得一提ge係蝦餅蝦味幾濃同好彈牙。炸開就唔好停，爆炸大頭蝦賣相十分爆炸，兩隻大頭蝦切開八件，連埋胡椒、辣椒、香茅、檸檬葉一齊炸，未食已經香噴噴，蝦肉幾爽口，如果再炸透d，連埋殼食都仲得。牛腩夠腍同入味，黃咖喱較溫和唔算辣，撈埋炒飯一齊食幾正。通菜爽口夠鑊氣，唔會過鹹。菠蘿炒飯食得多，呢個仲要焗過，炒飯盡吸海鮮香氣同菠蘿甜味，幾乾身。椰青水冰涼清潤，椰青肉嫩滑。泰式奶茶叫左少甜，唔會甜到蓋過茶味，香滑醇厚。