Gontran Cherrier (Restaurant) (已結業)

被華爾街日報評為巴黎最好食嘅牛角包Gontean Cherrier2019年係尖沙咀K11 Musea 開設香港第一間分店，GC係2010年法國開創首間分店之後係九年間已經係日本、首爾、新加坡、澳洲等地方迅速擴展，係全球開設超過 50 間分店，當中主打既牛角包一日銷售量可以賣到1,000個。今次呢間香港GC分做4個區域，分別係麵包店、餐廳、Coffee Corner同自設既開放式麵包工場，設有開放式廚房，邊排隊可以睇到師傅整麵包之餘，仲聞到新鮮出爐嘅麵包香味，而且可以睇準新鮮出爐時間即刻夾走新鮮既麵包。除咗有人氣口味之外，好似抹茶、亞麻籽、原味、芝士火腿、朱古力杏仁，仲有香港限定嘅蛋白霜紅桑苺牛角包。除咗麵包都有好多款法式甜品同咖啡，好似雲呢拿焦糖法式凍餅、開心果焦糖凍餅，而且仲有提供熱食同飲品嘅Cafe同餐廳。-排隊當日係星期日，下晝嚟到見到一條人龍大概有10個人，以為要排好耐好似bakehouse，但人龍去得好快，可能因為依間係大家揀好咗去俾錢，而bakehouse係去到先揀，所以排咗幾分鐘就去到cashier。另外一提GC有小小立食區既位置，如果想買完即刻食唔想去CAFE或者餐廳

Gontran Cherrier 嘅牛角包係街知巷聞嘅出名，佢嘅牛角包更加曾經被「華爾街日報」譽為全巴黎最佳。因為鍾意食牛角包，所以最先黎幫襯都係因為佢嘅牛角包 (呢句好廢😂)。咁事實上，佢嘅牛角包都係好好食嘅，牛油同麵包香並重，今次我就揀咗個杏仁牛角包，但其實呢個牛角包我覺得佢太多砂糖，略甜。而我喺GC最鐘意食嘅係佢個蘋果批。今次去買嘅時候，個蘋果批仲要係啱啱新鮮出爐，夾落去個盤嘅時候都仲係熱嘅，就算俾錢嘅人龍好長，到買咗，擺入口都仲係微溫，而放入口，外殼香脆、內層鬆軟，餡料嘅醬超有肉桂香，而個肉桂香就係每次都吸引我返黎買同食嘅原因😆🍎蘋果批Apple Turnover ($34)⭐️⭐️⭐️⭐️⭐️🥐杏仁牛角包Almond Croissant ($29)⭐️⭐️⭐️...#FoodieS #Foodie尖沙咀 #尖沙咀美食 #GortranCherrier #croissant #牛角包 #🥐

自從法國著名麵包店「Gontran Cherrier」 進駐 K11 Musea，地庫 Food Playground 經常出現人龍。 佢出品嘅牛角包被《華爾街日報》封為「巴黎最好味嘅牛角包」！麵包店設有開放式廚房，可以見到師傅在內整麵包，新鮮麵包香味撲鼻，十分吸引。除咗牛角包，店內供應不同種類麵包同糕點，例如法包、英式鬆餅、brownies、焦糖法式凍餅等。麵包全日不停出爐，唔洗怕空手而回。「Gontran Cherrier」亦設 Cafe，供應法式熱食、餐點，最啱同朋友聚一聚。主打牛角包十分熱門，有多款口味；當日新鮮出爐的款式有經典原味、抹茶、亞麻籽、芝士火腿。排隊埋單嘅人龍，每人手上最少一個。=========================原味牛角包＄24顏色金黃；切開後，酥皮層次分明；入口時，一層層酥皮喺口中散開；外層酥脆，內層鬆軟充滿牛油香，每一口混合著兩種截然不同嘅口感。抹茶牛角包＄28抹茶建基於原味牛角包， 面頭鋪上抹茶粉及糖霜，牛油香明顯冇原味咁重，帶淡淡抹茶味；不過口感同原味一樣有層次。開業一年多，人龍仍然長，埋單等候需時。 以當天來講， 我大概排咗五至八分鐘， 時

尖沙咀K11 Musea呢個food court，有一間經常都好多人排隊買嘅麵包店，佢地最出名嘅就係牛角包！除此之外，仲有唔同種類嘅pastries，包括我最鐘意食嘅Pain Au Chocolate。 ➡️ 原味牛角包 ($24) ⭐️⭐️⭐️⭐️我買嘅時候啱啱好新鮮出爐，觀察5分鐘之內就已經賣哂！成盤喺我眼前嗰陣真係好香，買完攞上手，感覺比平時嗰d脆同鬆化。咬入口食得出佢超多層嘅酥皮，牛油味好重！買咗個翻去比屋企人食，但同新鮮出爐好大分別，所以最好都係即買即食！ .............................. Gontran Cherrier 地址📍: 尖沙咀梳士巴利道18號Victoria Dockside K11 Musea B2樓B205-B207號舖 總評分: 8/10 .............................. 味道😋: ⭐️⭐️⭐️⭐️ 抵食💰: ⭐️⭐️⭐️⭐️

上星期路過K11見到好多人排隊買麵包，個個都買幾隻牛角包，一望價錢都幾貴，最平都20幾蚊，甚至40幾蚊一隻，即刻嚇親，一隻都冇買到。過幾日同朋友傾偈，佢話牛角包非常好食，一定要試吓，於是再次路過嘅時候，就買隻最普通最基本嘅牛角包試吓。牛角包大概一隻手掌大，包身比較硬，唔似有啲牛角包摸落去會軟淋淋。咬落去嘅時候，外面好鬆脆，裏面組織發得好靚，網狀，唔係空氣包。味道方面，甜甜地，唔會話好香牛油味，不過都好食，都有麵包香，但如果牛油味再香啲就更好食。總括而言， 20幾蚊一隻牛角包抵唔抵食，就要睇吓你嘅經濟能力。

山莓牛角包賣相多於味道因此不多評論🙈杏仁牛角酥這個牛角包是最令我驚喜的一個包，想像不到淡淡的杏仁味再加上香脆麵包皮 內裡 會有一種神秘蓉作為提升 牛角包層次的劍。單純與它過兩招，你根本不會知它的利害，當你吃到一半的時候，那種味道直接衝擊你味蕾，當回神的時候，牛角包已經消失了，而你亦會愛上這牛角包。喜歡麵包控的我又怎會不先試原味牛角包呢🙈鬆脆軟棉棉 ，由其是剛剛出爐那種牛角包香味，你就會明白為何經常排長龍了

每次經過k11 musea 行過food court都聞到好香既烘焙味見到Gontran Cherrier長期好多人拎住d牛角包排隊等俾錢，而麵包架上冇晒d包有一次行過終於俾我遇到佢岩岩出爐D包都唔需要上架就俾人清空當然要買返個原味黎試下聲稱”巴黎最好味既牛角包”試下佢值唔值廿幾蚊個包熱辣辣食又真係外層非常鬆脆，內裡質感軟熟，食落好香牛油味，但又唔會食左成口油，一分錢一分貨，又真係幾好味食左一個做下午茶已經好滿足建議買左要即刻食，否則外層會冇咁鬆脆絕對值得一試!!!!

/Gontran Cherrier🇭🇰/#sa尖沙咀篇 #sa麵包篇➖➖➖<K11 MUSEA part 2>▪️▪️▪️早排試左經常排長龍嘅牛角包佢哋牛角包口味都有幾多款抹茶、亞麻籽、杏仁、原味等等除咗牛角包都有pastries 唔知係咪少左好多人出街所以又唔算好多人排隊🤔就買左個抹茶同原味睇下點不過我就覺得兩款差不多杏仁/忌廉嗰隻睇落較吸引整體來講係要新鮮出爐食先好食即使我烘番熱第二日再食 都係差咁啲所以都係較鍾意bakehouse、八月堂、品穀🙊▪️▪️▪️🔸抹茶牛角包🔸 $26🔸原味牛角包🔸 $24▪️▪️▪️其實抹茶嗰個只係多左抹茶粉同原味無咩分別 抹茶味道唔算好突出感覺似食緊齋牛角包🥐不過食得出係有好多層酥皮 都幾酥脆但中間就較厚實 拎上手都有少少油我諗如果我即買即食會好好多依家隔日食唔多唔少影響口感～➖➖➖📍Gontran Cherrier尖沙咀梳士巴利道18號Victoria Dockside K11 Musea B2樓B205-B207號舖➖➖➖分數💛(10分為滿分) 食物質素: 6.5/10 (下次再試新鮮食)環境: 7/10 服務: 7.4/10 (店員幫你夾包)

📍 Gontron Cheerier被譽為全世界最好食嘅牛角包，次次去親k11 musea都俾佢嘅香味吸引到，但俾錢既人龍長到嚇親。今次終於的起心肝坐入去食，同埋等新鮮出爐既牛角包。-原味牛角包 $24新鮮出爐果然熱辣辣，外邊嗰層酥皮好脆。入面非常軟熟，唔會油膩，減少平時食牛角包嘅罪惡感 ，very nice-佢堂食有提供tea set優惠，$54包牛角包/是日蛋糕/是日批同一杯咖啡。都算幾抵。-巧克力酥 $26都幾大件，外層新鮮香脆但有d烤焦了的味道，朱古力醬幾濃，但份量好少，多d朱古力醬，有流心效果更佳。-cappuccino and caramel macchiato好大杯，但普普通通，咖啡味唔算香濃-地址： 尖沙咀梳士巴利道18號Victoria Dockside K11 Musea B2樓B205-B207號舖

Ok我知作為一個咁鍾意食牛角包既人，而家先去朝聖係遲左d，不過有心唔怕遲😎————————🔸原味牛角包 $24未到間鋪都已經聞到好香麵包味🤩去到牛角包岩岩出爐，個個都爭住要，唔洗幾分鐘都已經俾大家要哂！果然名不虛傳，牛油味真係好香，但一d都唔覺得膩，食落個面好脆，但入面就好鬆軟😍😍真係好好味！！好想即刻encore...我建議即刻食係最好味，因為入左袋焗住有蒸氣就會淋左dd，如果唔係就返去焗返熱佢，都好好味

1) 原味牛角包 ℍ𝕂𝔻 𝟚𝟜朋友推介我一定要黎試呢間既牛角包上網又睇過介紹，原來係被《華爾街日報》評為最佳牛角包，咁就更加要試下喇所以我就襯自己經過尖沙咀既時候，去K11 Musea 買喇上網睇佢要排好耐隊，但好彩既係，我個日係平日，又咁岩撞正佢牛角包岩岩出爐，所以就唔洗等🤭有新鮮出爐既牛角包食喇😋牛角包好香牛油味，亦都好鬆脆唔洗一陣，就已經被我同老公2個KO左lu🤣想再去買第2個都已經無晒喇🥺下次要再去試其他味😋..小pop會繼續不停食食食，所以如果想得到更多似食資訊，請like & follow～😋

期待左好耐, 食過嘅朋友都極力推薦嘅法國牛角包 🥐!! 之前聽講閑閑哋都要排成個鐘等佢新鮮出爐, 一出爐就賣晒 😅 今日趁有假期就過嚟開餐! 😋閒日係比較少人嘅, 至少冇門口長長嘅人龍, 但間鋪入邊仍然有好多人喺度搶購啱啱出爐嘅包, 廚房喺間鋪對面, 店員keep住拎新鮮出爐嘅麵包出嚟, 客人都會一擁而上, 店員都會好有禮貌咁主動幫客人用夾選購佢地想要嘅麵包~ 新鮮出爐原味牛角包, 熱辣辣, 外邊嗰層好脆, 新鮮麵包非常軟熟, 但又唔會食到成手油, 感覺上冇咁油膩, 減少平時食牛角包嘅罪惡感, very good!! 店舖嘅牛角包有幾款味道選擇, 有原味, 亞麻籽, 杏仁, 聽講仲有綠茶... 等等！難得嚟到當然會買啲手信返屋企, 呀妹鍾意食甜, 揀咗件 pain au chocolat 俾佢食~ 佢嘅評語係, 個朱古力好新鮮, 味道好高質~ 埋單, 買咗成$100麵包! 😜 值嘅! 🥰

呢間牛角包至K11 Musea開幕以來都超大名氣，次次黎親都排哂長龍。今日見條龍冇咁長終於的起心肝去排，排左15分鐘左右，同fd一路傾住一路排又唔覺排左好耐。原味：$24/pcs杏仁: $26/pcs我諗係出左爐一陣，唔係好熱好辣手，暖暖地咁，食落好香脆，有好多碎，好香牛油味。雖然有牛油香，但又唔會食到成咀油既感覺。比起杏仁味，我比較鐘意原味。感覺咸食會再夾D。$24呢個價錢我覺得物超所值，首先牛角包係真係唔易整架。要整到咁層層分明係要一定技術，唔係咁易整到，仲要工序繁複，真係識點整都未必想整。仲要整得好食，所以牛角包係值得比錢出去食。

尖沙咀新開商場K11，依個商場好有藝術🎨氣氛，Gontran Cherrier 門口特別多人去排隊，見到咁多人排隊於是上網查下，原來呢間係巴黎最好味牛角包🥐鋪頭，咁係咪一定好食呢？🤔若果買原味牛角包就要排隊等，隔離對面有個工場，見到師傅製作麵包嘅過程，新鮮出爐嘅牛角包要等15-30分鐘不等。見到前面人幾個幾個感買，又要再等下一輪。店員都算係清楚去指示邊個位置排隊，不過好快就有人打尖以及排錯隊，以至於下次原味牛角包新鮮出爐嘅時間店員就有講清楚嘅。除咗原味，仲有好多其他口味，不過大家都係為原味牛角包而嚟，於是我就淨係買咗兩個原味牛角包啦⋯⋯原味牛角包($24)，價錢上的確偏貴，不過係依個商場同埋巴黎最好味牛角包名譽下，係咁上下。新鮮出爐嘅牛角包，但係排隊嘅時候已經開始凍，好彩食上黎仲䁔䁔地，牛角包脆香而且見到一層層，美觀同普通牛角包差唔多，但食上黎絕對食得出師傅嘅心機同埋技巧。好脆又唔油，入面係蜂狀形，硬身牛角包唔似十蚊八蚊嘅軟身牛角包咁⋯⋯好多時候都有人係到排隊，大家預留時間排隊，下午茶係少啲人，巴黎最好味牛角包果然名不虛傳，對於本身唔係牛角包控嘅我就對牛角包改觀，不過亦無我想像中咁天堂

/ 原味牛角包 $24 /每次行去K11 Musea food playground，都總會見到一條長龍排牛角包，早幾日見到得好少人排，終於試到新鮮出爐嘅牛角包。原味嘅牛油味好突出，外皮夠酥脆，內層軟綿綿，味道同口感都非常討好。[ 8.5 / 10 ]建議大家一定要即買即食，放耐咗好影響口感。店內仲有其他款式嘅麵包，下次一定會再試。⁣📍 Gontran Cherrier (尖沙咀)尖沙咀梳士巴利道18號Victoria Dockside K11 Musea B2樓B205-B207號舖