味道樂居酒屋 (河內道)

营业中

休息中

今次輪到我負責食lunch 嘅地方, 同事話想食日本菜, 咁我就即刻上網揀吓先! 我好快就揀咗呢間居酒屋, 入到店內見到牆上掛了很多舊式玩具, 超人面具等裝飾物, 但人太多, 我就沒拍照了午餐價格由幾十元至二百元都有, 選擇都算多我自己就食~人氣武士丼$108 赤蝦刺身大大隻, 蝦肉厚身爽口彈牙厚切三文魚同帆立貝夠晒新鮮啖啖肉同事食嘅滿滿幸福海膽丼$198 相當吸引 , 海膽鮮甜可口仲有同事不停推介嘅原條炭火燒鰻魚飯$128 , 賣相確係贏咗, 魚身厚厚啖啖肉, 味道亦很好味整體來說, 除了餐廳有啲熱外, 其他的確係很不錯我的有下次系列又多一個選擇了。

味道樂居酒屋在k11對面，地點非常方便， 餐廳門面真旳好日本居酒屋，入到裡面完全好似置身日劇場景一樣，枱櫈既擺設，牆上掛住既海報同裝飾，完全係日本風格，未食都已經覺得一定好正宗。打開餐牌，好多選擇，樣樣都好想試。店員推介左一D新鮮返既刺身俾我地，咁我地就試下個帆立貝刺身。刺身推介餐牌既原板海膽好吸引，海膽控一定忍唔住，再叫了一份赤貝，一份火炙北海道帆立貝蟹膏卷。熟食方面就叫了人人都推介既原條成田醬炭火燒鰻魚飯，蟹膏醬燒虎蝦，鐵板牛油黑松露帆立貝，明太子雞翼。帆立貝同赤貝刺身的擺盤好靚，見到已經好想食。帆立貝一開二，中間夾雜左一d花瓣，食落去好鮮甜，果然真係同北海道既一樣甜，但佢更勝一籌既地方就係中間既花瓣令帆立貝除左本身既鮮甜仲帶一d花香，呢個食法我都係第一次試。赤貝都好爽甜，脆口。原板海膽堆左整座山出黎，真係好大板，而且隻隻都咁大隻，甜到入心入肺，響香港已經好耐無食過咁鮮甜既海膽。跟海膽仲配一細碗白飯同紫菜，夾住食又得，空口食又得，都係咁好味。帆立貝蟹膏卷既賣相好靚，帆立貝本身已經好鮮細，但蟹膏既甜完全蓋過佢，呢個卷除左有帆立貝彈牙既口感，仲有蟹既鮮味。原條鰻魚又係一座山，上枱既時條

今日放假就比男友拉左出黎話要去海港城睇新開既玩具店，點知原來唔係睇咁簡單仲要買埋走。一早起身出黎咩都未食，買完玩具已經超級肚餓，一路行行到去河內道見到呢間味道樂居酒屋。男友又比裡面日式玩具擺設吸引到入左去，餐廳以木系顏色做主題更突出日系感覺。由於餐廳剛剛開門，立即捉緊時機影下入面環境啦。窗邊有超人機械人擺設。牆身更掛有日本特攝超人面具，可惜冇一個我係識。分別同男友點咗2個唔同既午市套餐。每份套餐都會跟一份 沙律、日式蒸蛋、味噌湯味噌湯 – 湯中有豆腐，而且味道不會太鹹。沙律日式蒸蛋 – 值得一讚係日式蒸蛋蒸得幾滑，而且食到底會有其他餡料，幾好味!原條炭火燒鰻魚飯鰻魚真係好大條，個形狀就好似一件巨型鰻魚壽司咁，面上仲有切碎蛋條。燒汁味道剛剛好，鰻魚肉厚身加上飯一齊入口，只可以講超滿足。北海道特上魚生飯丼飯有多種不同剌身，分別有蝦、海膽、三文魚、鯛魚等等。刺身擺滿係醋飯上，份量幾多，而且整體魚生都幾新鮮，味道鮮甜，蝦就夠哂大條又爽口。珍珠米飯夠飽滿，入口黏糯，醋味亦剛剛好，呢個價錢食到咁多魚生係區內黎講已經算係超值!餐廳食物質素高，特別係招牌午市鰻魚飯! 果然尖沙咀都係我美食地帶第一位。

鄰近K11 附近，開咗間新的居酒屋，決定過去試吓午餐如何。午餐定食餐牌，用上一塊厚膠印製，感覺相當乾淨衞生定食足足有20個可供選擇。入到來居酒屋，梗係研究吓Sake List 啦每個定食有沙律和燉蛋燉蛋剛剛蒸起，熱騰騰到辣咀，好吸引蒜容汁美國肉眼扒:有肉味，味道唔錯，奈何燒得過火岩鹽北海道花魚，以這價錢，個人覺得略貴原條炭燒鰻魚飯，咁大”兜” ，一上抬，大家都嘩了一聲，最欣賞是那條魚和飯都做得熱辣辣香葱吞拿魚容丼，不過不失，奈何份量太少今餐驚喜的是大大兜鰻魚飯，確實吸引

以木為主既日式餐廳而家新張期，所以假日先仲有set，即係有沙律、日式蒸蛋、味噌湯，大家要把握機會蒸蛋入面有菇、鳴門卷、雞肉、蟹柳，蛋就蒸到滑一滑，由於太滑既關係，就滑左落我喉嚨，所以大家要小心沙律有栗米、沙律菜、甜蕃薯、車厘茄我至愛既鰻魚黎啦佢係大塊過一隻匙羹，下面就係飯，可以索哂d鰻魚汁鰻魚又大又厚身我都不禁要幫佢做大特寫估唔到呢度都有牛扒食，一大塊既牛塊切開一小塊，放係一板木板上，仲配埋一碗白飯添

星期日同朋友試呢間新開既日本餐廳，下午兩點唔算多人，岩岩有位坐，裡面環境唔算好大，但都坐得幾舒服，唔會話好嘈好迫，可以傾到計既地方牆上面掛左好多日本既懷舊玩具，海報做裝飾，幾得意。午餐選擇都幾多，多到有選擇困難既我都諗左好耐。。終於。點左呢個出餐既速度好快，一上呢個鰻魚飯真係嚇一跳，因為我同朋友都無認真search過呢間餐廳有咩食，只係見新開，試下新野。呢個鰻魚飯真係令我同朋友都好驚喜有成條筷子咁長鰻魚我最怕係腥，好彩呢條又大又唔算貴既鰻魚一d都唔腥，重燒得好香，加埋d汁，好正唯一係骨多左少少，但其實咁大條有骨都正常。另外呢個丼,賣相同味道都好好甜蝦蓉係賣點，真係好甜同有鮮味，甜蝦成日有，但蓉就第一次食海膽都好新鮮，唔會有苦味，而魚籽都入口彈牙蒸蛋入面有魚片同蟹柳，滑而足料另外跟餐重有埋沙律同湯，而唔係二選一。整體黎講，一個餐百幾蚊連埋加一，兩個餐三百蚊有找，我覺得都幾抵食，尤其個鰻魚飯真心好睇好食，但一個人食太大，兩個人share 兩個餐食perfect