Umi

营业中

休息中

同朋友都好一段時間無約見面，見到呢間新開無耐餐廳，人均around $200就可以食到兼有無敵大海景view，真心好正！❣️黃昏時段去最正，可以睇到magic hour 海景❣️食物質素都幾好，又唔會趕人走，絕對係隱世cafe🦀️炸軟殼蟹咖喱蛋包意大利飯$158- 賣相好吸引，risotto整到夠淋香，仲有拉絲芝士，配上都幾多肉同膏嘅脆口軟殼蟹，味道唔錯- 咖哩甜甜地🍛原條蒲燒鰻魚玉子燒蛋包意大利飯$158- 鰻魚真係好大條，仲要幾厚肉，撈埋厚身蛋來食，吸睛之餘每口都幾滋味。🌟主食加$28 有乳酪 + special lemon tea🌟▶️ 乳酪甜度適中，撈上脆脆同乾果，口感味道都幾好▶️special lemon tea 果然撈勻後幾特別，酸酸甜甜好清香人均$200左右有呢個view🌃真心唔錯👍🏼

話說我比呢間餐廳既全維港景吸引左，叫老公陪我過黎食飯享受下。我地到達既時候岩岩好係日落時間，隻咸蛋黃開始落山，成個天都金黃色咁好靚。餐廳裝修簡單且闊落，張凳都坐到人好舒服，望住呢個景食飯真係一流，食物價錢又唔貴，性價比極高！▫️炸軟殼蟹咖喱蛋包意大利飯 ($158)+$28 檸檬茶特飲+乳酪杯炸軟殼蟹水準之作，不但只係原隻而且好大一隻，炸得金黃色外脆內嫩，仲食到蟹肉架！蛋包飯表面撒上飯素增加風味，蛋好滑好嫩，包住入面好creamy既意大利飯，啲飯煮得熟度剛好，食落帶點嚼勁，沾上日式甜咖喱，同時食到日式意式兩種風格。檸檬茶看似普通但加上一片乾檸檬即刻升級哂。乳酪杯加上穀物脆同乾果增加口感，乳酪較流質，質地香滑且味道微甜。▫️原條蒲燒鰻魚玉子燒蛋包意大利飯 ($158)+$48 靜岡抹茶豆乳 + 藍莓芝士蛋糕鰻魚本身肉質嫩，吸收哂醬汁精華，味道濃郁甜甜地，食落口感軟糯，而且原條大大條，食得好滿足。鰻魚配蛋包飯好perfect，蛋夠滑夠嫩，意大利飯亦煮得剛好，質地好creamy，但食落唔漏，仲有配料車厘茄、秀珍菇、木魚，好豐富。靜岡抹茶豆乳幾特別，除左有抹茶甘，亦有甜甜豆乳味，仲食到滑捋捋既豆腐