影片
附加资料
可以WhatsApp预约
营业时间
今日营业
12:00 - 16:00
18:00 - 22:00
星期一至日
12:00 - 16:00
18:00 - 22:00
以上资料只供参考，请与餐厅确认详情
影片
相片
北海道带子明太子意粉
黑松露烟三文鱼意大利粉
+3.5K
+222
食家推介
相关文章
呢日友人话要带我食间无敌海景嘅餐厅，我心谂一定荷包大出血啦🤑 点知佢都有为我著想嘅，呢间Cafe有靓景得嚟，价钱都好抵食，食物味道都唔错，好值得推介俾大家🤩北海道带子明太子意大利粉见到隔篱枱都系嗌呢个意粉，个卖相好靓呀🫢 配料方面除咗有一串嘅北海道带子之外，仲有蟹棒同埋蟹籽，几有日式风情。黑松露烟三文鱼意大利粉呢日嘅厨师发办意粉都好啱我哋口味，系黑松露烟三文鱼意大利粉🍝 一上碟已经好香，黑松露嘅香气扑鼻，仲会见到好多黑色点点嘅黑松露，真系好真材实料。配料方面有蘑菇同埋大大片嘅烟三文鱼🐟甜品♦️薄荷朱古力牛角窝夫系个卖相好靓嘅甜品，呢个甜品除咗有薄荷朱古力口味嘅雪糕球同埋底下香脆嘅Croffle之外🥐 中间仲有一件朱古力慕丝蛋糕，蛋糕嘅朱古力味真系好浓郁🍰系个好丰富嘅甜品呀。♦️乳酪杯呢个乳酪杯加咗少少蜜糖做调味，所以味道方面唔会太酸😗 面头就加咗一啲提子干同埋燕麦脆脆，捞埋一齐食，增加咗唔少口感。饮品♦️爆谷绿鸯呢个名好特别，面头有三粒爆谷，下面嘅饮品系绿茶同埋咖啡☕️ 味道方面又几夹㖞。♦️美式咖啡呢个系健健康康人士必点嘅饮品，低卡得嚟又好饮。呢餐食得好开心，一路望住个海景，一路食饭，性价比真系极之高啊😎
继续阅读
估吾到商厦入面可以有全海景楼上Cafe🌃✨位于铜锣湾宇宙商业大厦13楼，一出䢂步入餐厅就即刻见到一望无际嘅海景，令人震惊😍 餐厅环境唔算大，但灰系列的设计和摆设，文青得黎又带点舒服。蒲烧鳗鱼玉子烧意大利饭 ($158)非常邪恶嘅原条烧鳗鱼，油分充足又肥美，玉子烧熟度恰到好处又带点甜味，同意大利饭非常配合🥰蟹膏甲罗烧龙虾汁海鲜意粉 （$158）蟹膏味道非常浓郁，浓厚嘅龙虾汁配合丰富的蟹籽，八爪鱼、菌类等配料，口感非常丰富👍🏻(任何主食可+$28加配咖啡茶和乳酪杯/+$48升级至自选饮品和精选蛋糕)🍫自选饮品-缤纷乐榛子朱古力朱古力配合浓厚嘅cream，面头仲有一条缤纷乐，打卡一流🧡🍰精选蛋糕-柠檬慕丝蛋糕柠檬味非常突出，慕丝蛋糕软绵👍🏻🍦乳酪杯蜜糖味乳酪杯非常清新，食完饭之后食一杯真系解腻又舒服😌📍 Umi (铜锣湾)铜锣湾告士打道229-230号宇宙商业大厦13楼营业时间：12:00-1600,18:00-22:00@umi.cafedining_cwb #铜锣湾 #楼上cafe #日式料理 #日本菜 #fusion菜 #鳗鱼 #鳗鱼饭 #甲罗烧 #缤纷乐榛子朱古力 #蛋糕 #cwb #铜锣湾美食 #cafe #americano #chocolate #tiramisu #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfoodies #hkfoodblogger #hkfoodstagram #foodie #foodies
继续阅读
见到网上有好多好评就走咗去食，一定要WhatsApp book位先会有位！时段只有六至八同埋八至十，上到去海景系真系好靓，但坐海景位要先到先得！讲真每碟嘅卖相都非常之精美打卡一流，但系味道真系好难食😂唔明点解咁多好评？？嘢食净系靓就得？🍴M5和牛寿喜烧温泉蛋意大利饭 $148冇谂过落单5分钟之内会上晒菜😂整定好耐？唔系太食得出系和牛，口感系比较瘦同嚡口，个汁超级咸咸甜咸甜，个意大利饭系微温，食落去都系咸咸地唔够creamy????唔可以话难食只系称唔上好食。🍴 北海道带子明太子意大利粉 $148意粉可以系微温😅摆盘超级靓，食落去似沙律酱味超级油腻，带子细细粒普通，我要话系同明太子冇乜关系，似蟹籽沙律多啲😅🍴跟餐自选饮品+自选甜品 $88位🍵静冈抹茶豆乳无糖正常有抹茶味，食到少少豆腐花。提拉米苏卖相超级靓，个cream食落去都有少少芝士味，蛋糕就普普通通啦，除咗打卡之外呢旧嘢真系唔好食。宇治金时班戟系红豆雪糕加雪米糍再加班戟😨真系好有新意，红豆雪糕就似食紧雀巢豆豆乐，雪米糍再加蕃茄呢个组合系好新奇嘅，就系你打开包装食𠮶个味道，但呢三样嘢加埋一齐一啲都冇宇治金时嘅感觉仲要劲奇怪😅推荐指数: 0/10讲真好耐冇食过咁难食嘅Cafe，卖相好靓，味道可以系0分，啲主食全部都系冻冰冰唔系热食，点解可以咁多人推😂
继续阅读
🐮 慢煮M5和牛面颊配和风烧肉汁（$258）和牛面颊份量多，块块都有手掌咁长，牛味好重，而且肉质比较腍，烧汁味道咸甜适中，而且唔会盖过牛面颊嘅味道，至于意大利饭粒粒分明而且粒粒都挂汁🧑🏼🍳 厨师发板（$138）我个日嘅厨师发板系椰汁喇沙海鲜意粉配天妇罗炸虾；一上枱闻到颇香，海鲜方面主要系鱿鱼，食落口几有嚼劲，喇沙汁方面食到有椰汁同香辣嘅咖哩味，天妇罗炸虾炸得金黄香脆，而且炸浆好薄，味道比较淡但配搭埋浓味嘅喇沙意粉就啱啱好💚 爆谷绿鸯（$46）佢其实系抹茶咖啡，饮品面头放左爆谷做装饰，一饮落口系饮到抹茶味先，慢慢先饮到咖啡嘅口甘，饮落口唔太甜，啱哂钟意饮抹茶又钟意饮咖啡嘅朋友🍫 缤纷乐榛子朱古力（$42）饮品表面用左缤纷乐做装饰，仲闻到香嘅榛子味，饮落口朱古力味浓郁，而且好幼滑🍵 宇治金时班戟（$78）佢嘅份量比到惊喜我，比我想像中大份得多；上层有云呢拿雪糕糯米糍，然后有大大球红豆雪糕，抹茶红豆蛋糕，再嚟多球红豆雪糕，最底层先系班戟，仲淋有抹茶酱；呢道甜品绝对做到一次过满足多个愿望🫐 精选甜品是日精选甜品系蓝莓芝士蛋糕，用左血橙干同蜜糖脆米做装饰，芝士蛋糕食落口好细滑之余唔会死实实，蓝莓酱酸甜适中，食成件蛋糕都唔会滞✨ 所有主食（小食除外）都可以加$28/$48/$88升级做套餐，$28的话会包括1杯柠檬茶特饮/美式咖啡及乳酪杯，$48的话会包括1杯自选饮品及精选甜品，而$88则包括自选饮品及自选甜品🎃适逢Halloween ，餐厅会送每一枱客人一个南瓜灯小摆设俾大家增添节日气氛✨ 餐厅系工业风装潢，而且可以望到大大个维多利亚港海景
继续阅读
- 铜锣湾｜UMI -▪️蟹膏甲罗烧龙虾汁海鲜意粉🦀🦞🍝龙虾汁本身唔算好浓稠，但捞埋蟹膏就啱啱好，好挂汁，再配埋八爪鱼🐙、带子、蚬肉等海鲜，充满鲜味▪️自家手打和牛芝士汉堡配脆香薯条🐮🧀🍔🍟面包烘得微微松脆，中间夹住嘅自家手打和牛好厚身，咬开入面有肉汁，再配上芝士🧀、生菜🥬、蕃茄🍅，份量十足▪️大阪烧脆炸鸡翼🐔鸡翼炸得香脆，面头淋上沙律酱同大阪烧酱，再铺满大量木鱼碎同紫菜碎，好惹味▪️宇治金时班戟🥞最底系班戟，然后上面系红豆雪糕🫘🍨、抹茶红豆蛋糕🍵🫘🍰，最顶仲有粒云呢拿雪米糍，同埋洒咗啲谷物脆脆，口感非常丰富▪️静冈抹茶豆乳🍵🥛抹茶少少回甘，入面有啲豆花，好顺滑UMI📍铜锣湾告士打道229-230号宇宙商业大厦13楼
继续阅读