旺記冰室 (建利大廈)

营业中

休息中

睇餐廳openrice頭三位熱門食物都係叉燒滑蛋飯，咁一定要試下啦😂自家製叉燒日本滑蛋飯｜$55（配旺記秘製甜豉油）（午餐包一杯絲襪奶茶或忌廉即磨咖啡）Woowoo！個秘製甜豉油絕對係精粹！！！！！最正係佢份量落得好好，岩岩好俾我送晒成碟飯同蛋同叉燒。日本滑蛋係一個漩渦，嫩滑感十足，叉燒正正常常啦，再加埋啲蔥花，好食。即磨咖啡，都係唔錯既，呢個價位係灣仔食個lunch，咁既水準同份量，食得飽，絕對係正評。

有位來自新加坡嘅朋友同我提起，佢覺得黯然銷魂飯好好味，作為東道主，我就帶佢去食返餐黯然銷魂啦。之前喺網上見到旺記冰室入面叉燒滑蛋飯嘅相，覺得幾吸引，而親身見過實物，依然係好吸引。我地係星期日下午茶時間排隊，唔駛5分鐘就入座。啲滑蛋炒到笠住啲飯，而叉燒啲肉唔會太肥，整體嚟講賣相唔錯，蛋又滑叉燒肉質都唔錯。嗰日可能餐廳入面冷氣開得大，成碟飯俾冷氣吹到涼咗，食落去無咗道鍋氣，就差少少。不過平民美食嚟講，佢都算唔錯呀，新加坡朋友都話味道幾好。

一試佢出名嘅叉燒滑蛋飯🎖12PM 正去到幾分鐘就入到去 ✌🏻 12.15PM 就開始多人架啦！跟住就要等成個鐘。。雖然午餐選擇唔多，但係真係好食唔會厭 👌🏻 個人推薦午1-5. 今次介紹返叉燒滑蛋飯🎖叉燒唔乾 👍🏻 入味 👍🏻蛋真係次次做到滑蛋 👍🏻真係比起出面其他嘅好食啲 😋

在中區附近工作，經常去幾間冰室食叉燒炒蛋飯，中環好平嗰間已經關門，食評呢間可以話係當中數一數二好食。佢highlight 自己用日本蛋食材，食落又真係滑啲有蛋味啲。大家有無返去買啲日本蛋炒吓？我試過做唔到好似佢咁滑。另一樣要提的係自製甜豉油，令到個滑蛋飯好好食，同埋食過幾次啲豉油唔大多又唔太少啱啱好。朋友食的是濃湯番茄午餐肉通粉，朋友comment是番茄湯夠濃，午餐肉煎夠脆，餐包一般般，overall 都唔錯。要彈就彈位太少，等位太耐，大陸假期好多遊客黎食。

Lunch同同事黎試下依間新晉茶記，灣仔地舖吾算大，但門口已經有好多人攞籌等緊。旺記係繁忙時間有限用餐時間半個鐘，我地等左半個鐘有多先入到去。食乜好？我當然要食佢主打既叉燒滑蛋飯啦。午餐幾乎個個都食依個，落左單之後，出餐都出得好快，滑蛋既賣相好吸引，一大塊滑蛋同叉燒蓋住成碟飯，再加埋秘製甜豉油，味道恰到好處。聽講旺記係用日本新鮮既滑蛋，再加入牛奶將蛋炒到7至8成熟，所以蛋會比較香滑同埋流質。飯既份量對於女仔黎講岩岩好，吾會太飽但又食得晒。不過大排長龍又值唔值得呢？建議揀下午茶或非繁忙時間黎試，但吾算非吃不可，自己衡量啦

返學11點就黎到灣仔食呢間餐廳，平時聽人講就講得多，自己就真係第一次食。黎到都係11點零，唔洗排隊，店入面已經有幾台客人食緊。入到去夥計服務態度幾好。叫左個最多人食嘅叉燒滑蛋飯試下，加埋凍奶茶。黎到個飯賣相好吸引，好大碟。個蛋食落好嫩好滑，有蛋香味，應該唔係加蛋粉黎炒。叉燒偏瘦，適合我呢啲唔食肥肉嘅人啦而且份量都算多，一個人食絕對飽肚。下面啲飯有好多甜豉油汁，食落絕對唔會dry. 整體黎講係一個好好味嘅飯，價錢唔算貴，所以性價比較高。但係杯凍奶茶就比較平平無奇啦，可能係因為加得比較多冰，第一啖飲落幾香濃，但係越來越淡，我到後尾放棄左無飲到啦 食完嘅時候係打工仔lunch時間，所以舖頭外面有好多人排緊隊，所以就急急腳走左啦。得閒經過嘅朋友仔不妨可以試下，但係如果專門過黎排隊，就唔係咁抵食啦。

話說我上次就試左佢地既招牌叉燒滑蛋飯 所以今次就黎試埋個薑汁豬膶雞湯通粉🐣 相比起某深水埗老字號 旺記啲豬膶通唔夠粉又唔夠香 成碗野比無限條薑絲既味dominate左 不過如果純粹為果腹呢個$46既午餐有塊厚多士+牛奶炒蛋+通粉一大碗+餐飲就應該點都飽既😂 PS佢地連個lunch set既炒蛋都炒得好滑好靚架😍如果大家未去過既 我都係建議試番個叉蛋飯穩陣啲喇 👇🏻TIPS:如果情況許可 星一至五大約1:45去就可以避開所有番工放飯既人龍 而又唔驚賣哂叉蛋飯啦👋🏻

見《飲食男女》Facebook 介紹呢間冰室！咁巴敝，落雨都咁多人排隊，仲要限時食30分鐘，見今日得閒，一於走去試下！1:33到達，見到人龍，剛叫1號籌入座，我是11號籌，12分鐘後就有位了，點了推介的叉燒滑蛋飯配鹹檸7（+$4），蛋很香很滑，叉燒唔肥唔瘦，豉油汁少鹹帶甜，份量足夠，難怪會咁多人幫襯啦！