仝堂茶聚

营业中

休息中

其實呢間店都係第一次去食，坐得舒服，野食都好食，8點去到人流量唔多，傾計幾好，餐廳擺設都幾講究，下次會再食多次，茶芥九蚊一位，唔需要點飲品，服務員又有禮貌。<<乳鴿>> 46hkd乳鴿烤得金黃， 外皮酥脆， 咬落口感有啲似燒乳豬 ，適合1至2人份量， 幾好食，唔會太鹹。 平時街市都賣緊50 / 60蚊一隻，抵食<< 叉燒 >> 79hkd叉燒外邊嘅蜜汁，黏性非常高 ，食落有啲似麥芽糖質地 ，叉燒既肉質汁豐富， 價格同街市差唔多，但係堅正，半肥半瘦，一定要有白飯配搭埋去食，最好三人份量share。 <<黃金蟹炒銀針粉>>369hkd銀針粉冇添加任何調味料，主要靠鹽焗黃金蟹去調味， 黃金蟹好大隻，炸得乾身， 蟹嘅外周有好多蟹膏， 餐廳上枱嘅時候會畀埋手套我地，方便可以用手食，另外，蟹鉗好大，餐廳亦提供作開蟹鉗工具比我地去用， 食得蟹，就預咗要花時間，最後食咗半個鐘先食曬。<<白飯>> 18hkd白飯都幾大碗，一個女仔食應該食唔曬。加一後，一人二百幾。

之前見到門口好多人排隊，所以都唔想等。今次，終於可以早少少去到，唔使好耐就有得入去。見到隔離枱叫咗叉燒，個樣好似好好味好juicy，本身有好鍾意食叉燒所以就叫左試吓，又真係幾好味唔會乾，同埋個調味啱啱好。一份portion就好似例牌咁多，叫咗個飯，好快就食晒。仲有叫咗一啲小食，唔係好記得叫咩名，請睇相，都OK好味嘅。服務都係OK嘅。杯茶都幾特別，係焙茶...不過都係鍾意飲傳統普洱多啲。 不過整體來講，因為價錢偏貴，所以都未必會成日去食，因為如果話想食好味嘅叉燒，響香港都仲有好多選擇，而且可以物超所值。

間餐廳應該係新開，所以都唔係要等好耐位。餐廳主打懷舊中菜，金錢雞，呢啲都會有。一個月嚟咗兩次，質素保持到。叉燒我鍾意佢肥瘦適中，加埋適量嘅麥芽糖，簡簡單單已經可以送到一碗飯。炸兩唔記得佢叫咩名，但係佢入面嘅蝦好彈牙啊，都有鮮甜嘅味道。。。同埋外面做到好鬆脆。。。都值得叫炸豆腐睇呢碟小食你就會完全明白呢間餐廳嘅份量，坦白講，如果四個人食嘅話，每人都係3 、4 粒。瞓啦冇得同出面嘅一粵菜酒樓，但係又一城食飯，你就預咗食環境，同舒適。呢個粉量離奇地足，四個人，都可以分到兩碗。春卷正常流沙賴奶黃包，用黑金嚟包裝，外觀一流，食落正常，有流沙。