天龍軒

营业中

休息中

本身同朋友去隔離嘅W hotel staycationPackage包左$2000 dining credits見佢可以喺ritz carlton用就嚟左試呢間米芝連中菜😆位於102樓嘅天龍軒我哋Reserve左窗邊位望住昂船州大橋、荔枝角、深水埗一帶嘅景可能唔係對住維港其實冇想像中咁靚🤭我哋2個人 用盡晒$2000 credits 計埋加一 超咗$76叫咗5樣嘢、2客茶、1杯酒整體嚟講就覺得不過不失未至於好好食 但一定比一般嘅中菜廳超水準1. 前菜 呢個係送嘅鵪鶉髀 + 另一舊好似食齋個啲麵筋嘅嘢 不過不失啦唔會好驚艷2. 蝦多士 好脆好香點埋佢個酸甜汁更佳另外佢仲有個豆瓣醬點個個都唔錯 3. 叉燒叉燒係咁多樣嘢最出色雖然佢比一般叉燒大舊好多但啲肉係超淋完全唔係平時個啲乾爭爭4. 扁皮鴨唔知係咪食完叉燒再食呢個嘅關係食咗2舊就覺得好飽好濟但佢個包個塊皮好好食碟鴨皮都香脆整體嚟講都不錯5. 炸蟹蓋咁多樣嘢之中最唔好食入面冇錯的確為食到啖啖蟹肉但佢溝埋左啲洋蔥 仲有啲類似沙律醬嘅汁成件事好漏好漏好漏6. 荷葉飯比較淡口但因為先前食得太多重味嘅嘢所以最後食呢個又覺得幾唔錯

weekend 黎飲茶， 要一個月之前book. 仲要分兩個時段, 一點三黎到要響lobby 等到一點半先可以入去坐...是日空氣質素奇差。望出去一篇白濛濛。冇景。座位一如預料闊落兼舒服，有櫈仔專擺嘢。叉燒：要24小時前預訂。幾大碟。切得好大舊。肉質淋而不爛(之前卅二公館嘅叉燒肉太爛). 唔肥唔會太油. 不過個人唔係特別鐘意咁淋嘅叉燒，加上偏甜，可能有個飯會好味啲。蝦多士：幾好。炸得好靚，真金黃色。蝦膠多得黎唔會死實。唔會太油。酸甜汁杰度同甜度都剛好。蟹蓋：非常好味。蟹肉多唔在講，蟹味濃。醬剛好，唔會太杰。一睇以為旁邊嘅係炸蟹腳肉，原來係天婦羅酸薑！估唔到炸酸薑又幾得意。金壕煎糯米：唔明食緊乜。糯米量好少，感覺似食隻炸腐皮蠔多啲。龍鳳燒賣：食完發覺豬肉燒賣襯蝦係有佢嘅原因的，襯帶子真係冇鮮味。佢豬肉唔香呢個失望。斑球魚肉燒賣：呢個好正。斑球做真係好味好多🤣 彈牙魚味夠。呢個如果點埋参拾士多個芫茜豉油應該會勁好味。送嘅曲奇及糯米糍：曲奇得個甜字，唔算鬆唔算脆咁。糯米糍OK, 餡嘅醬香唔太甜，煙韌度剛好，細細粒啱食。總結：埋單每人五百蚊。唔係樣樣好味。唔值。但要食嘅可試：叉燒，蟹蓋，班球魚

好耐沒有來天龍軒大哥們都說這裏很OK今天大夥兒過來飲茶蝦多士- 好吃有驚喜花膠酸辣羹- 很重料，酸辣味道剛好叉燒 - 我喜歡的類型但偏肥三文魚子餃- 冇乜嘢囉星洲炒米 - 苦的，我們退了鱈魚腸粉 - 幾得意原來味道幾夾魚肉燒賣 - not recommended蝦滑 - 不吃沒損失雲吞 - 好少雲吞乾上，沒有什麼特別味道帶子餃 - 冇乜嘢風景100%，因為我們坐房，除了大廳的風景洗手間也有啲景， 令你心情大好的風景⋯⋯服務- 唔知係咪生意太好好像一個人要serve兩間房。Conclusion : 因為價錢唔平所以有更多其他選擇，但如果想帶客食景食外表又唔太難食，這是一個選擇。

特別的日子，搵間特別的餐廳，食Ｄ普通但特別的食物～點解又普通但特別呢，因為我地食只是普通的叉燒，不過就特別在佢係西班牙黎據師傅講，此叉燒成本十分高，有一次師傅發現來貨的質素差，一次過弄晒佢，難怪一向係米芝連常客～叉燒厚身，肥瘦比例剛好，食果時肉汁四濺，如果用質素同份量計算，我本人覺得幾抵食ＴＩＭ其他食物都有不錯味道，呀，不能不提，他們的服務很細心，他們不知道用什麼方法，知道我是個左撇子，把餐具放在左邊