黑布小巷

营业中

休息中

從前蒲葵廣，經常幫襯黑布小巷，今日就去咗億利搵返令人懷念嘅味道。一到達樓層，就見到小小嘅人龍，好彩唔算等太耐就有位，即刻坐低叫晒所有我最想食嘅嘢。台式嘅蛋餅真係好好味，今次就揀咗芝士火腿肉鬆蛋餅，雖然材料簡單，但係一拍即合。另外就揀咗慢烤雞腿芝士蛋吐司，餐廳仲會提供手套，可以放心大啖大啖咁食。厚厚嘅雞腿配上濃郁嘅芝士，麵包烘焙得剛剛好，每人半份開心share，就可以試多幾款菜式。手工滷肉蝦卷便當份量相當多，下次應該要叫小飯。滷肉肥瘦適中，煮得夠腍，充滿肉汁，撈飯一流。蝦卷總共有三條，滿滿嘅蝦肉非常彈牙。個人認為台式嘅花枝丸完勝港式墨魚丸，所以我每次必食，今次選擇咗淮鹽味，其實唔點都已經咁好食。呢度嘅台式飲品都係佢哋自家製，沿用台灣出品嘅材料炮製，當然要試番2杯。桂花雪梨羅漢果茶味道清甜，飲落夠晒滋陰。古早味冬瓜茶係我去台灣必飲嘅台式飲品，而呢度嘅冬瓜茶絕對有台灣嘅水準。最後嚟個甜品，芋頭椰汁三色芋圓係佢哋嘅必點招牌菜式，芋圓超大粒，又夠Q彈，配合椰汁味道都非常夾。

黎得呢間黑布小巷，你真係唔好諗住要注意什麼餐桌禮儀，因為佢啲三文治真係好吸引好邪惡，你無可能唔用手揸住黎食。今日入到去舖頭，唔算好多人。仲有窗口位可以坐下，而且算係好舒適，唔會好迫，仲有WI-FI提供，都預左比你HEA足全日。點餐方式可以用桌上QRcode點，今次我用八達通付款，所以都要行返出去"啫"，等左一陣，店員就會拎個餐過黎比你。賣相真係好吸引，啲蛋漿同芝士流晒出黎，就咁睇都流晒口水。個雞肉完全唔鞋口，一咬落去啲蛋漿BIT晒出黎，仲要啖啖肉，真係好好味。所以店員準備左一對手套比你，等你食得安心，唔怕整烏糟對手，好窩心呀！不過呢個冬瓜茶，就略唯有啲甜。

想食台灣嘢之前一直被俾佢個流心蛋吐司吸引🍞所以就趁放假去左荔枝角嘅黑布小巷店舖相對其他分店較寬敞, 裝修簡潔, 👍🏻入到去就咁scan QR 就可以落單同俾錢我地都分別叫左個主食+小食+冬瓜茶古早味手工滷肉飯係最有驚喜嘅面頭全部都係肥瘦適中嘅豬腩肉豬腩肉炆到好腍, 撈埋d飯每一啖除左滷水汁, 仲有肉同油脂香🤤不過份量都偏多, 2個人share 會好D至於吐司, 我地就揀左麻辣鬼椒肉蛋吐司除左有秘製既醬汁之外, 仲有拉絲嘅芝士喺度🙆‍♀️最重要既係, D蛋真係好流心😍辣度都算偏辣, 不過我就覺得好香口小食就揀左黑布台式香腸同花枝丸配准鹽花枝丸非常彈牙👍🏻台式香腸都夠唒香脆而冬瓜茶, 係店舖自家製嘅, 甜度啱啱好最後都叫桂圓杞子玫瑰三色圓作結糖水都好養生, 而且好清甜入面有齊自家製的三色圓, 份量都幾多, 而且非常煙靭整體來講, 食物都唔錯同埋個吐司真係世一🫶🏻

之前都聽過呢間黑布小巷，終於開咗喺荔枝角😍 呢度係用枱面嘅QR code自助下單，最欣賞係可以用手機支付俾埋錢，好方便！落單之後幾分鐘嘢食就送到，效率不錯👍🏻我本身每次食台灣嘢都會必點滷肉飯🤤 最簡單但亦都唔係間間都做得好食 去台灣嘢食叫一碗滷肉飯 一試便知龍與鳳😌而呢間嘅滷肉飯真係值得一讚👍🏻 係我最鍾意食最正宗嗰款😍 滷肉半肥瘦、亦都夠滷水汁撈飯～ （好怕有啲好孤寒得少少肉都唔夠餸飯）呢個份量就啱啱好啦🤤👍🏻 不過淨係食一碗滷肉飯+冬瓜茶都要HK$53，Lunch嚟講係算有少少貴嘅！所以想試嘅朋友自己衡量啦☺️

黑布小巷係一間台式外賣店🧋曾經係旺角黑布街設店葵廣分店都係只做外賣近排係荔枝角新開有堂食🪑為食嘅小編們緊係即刻試下😙🌟👼🏻慢烤雞腿芝士蛋吐司🐣🍞 $53雞肉係慢煮所以好嫩滑🤤仲有滿滿芝士🧀個自家制秘製醬汁同其他材料勁夾酸酸甜甜咁樣令人食唔停口😋好完美咁將所有材料連繫埋真係可以話係成個吐司嘅靈魂食嘅時候真係忍唔住嘩咗出聲🥹好想偷咗佢個食譜真係真係真係好好味！😫麵包因為烘過所以又增加咗多一種口感再加埋流心蛋嘅魔力🍳每一啖都勁滿足🫄🏻值得一讚由於會爆汁店舖有提供手套🧤👅味道: 9/10🙋🏻‍♂️推薦: 9/10🌟👼🏻古早味手工滷肉飯🍚 $48送到黎嘅時候見到飯面舖滿咗肥美嘅滷肉😍啲飯嘅表面全部都有一層油光☺️就知道真係好足料絕對唔hea所以食落真係好香而且好軟腍😙呢個飯絕對比得上喺台灣食嘅味道✈️係香港食過數一數二嘅滷肉飯👍👅味道: 8.5/10🙋🏻‍♂️推薦: 8.5/10👼🏻黑布台式香腸(跟餐+$28)食落都算幾香脆仲幾大條😛美中不足就係呢度無跟蒜同蔥🧐所以硬係差啲嘢咁😩呢度同普遍其他台式餐廳唔同台灣腸係冇預先切好🔪小編就比較鍾意切好再煎嗰種感覺惹味啲🤨👅味道: 7/10🙋🏻‍♂️推薦: 7/10