湯•米 (已結業)

之前食過一次湯•米， 位於將軍澳唐賢街23號帝景灣商場1樓40號舖。 餐廳是一間台式鍋物專門店， 還記得上次食招牌臭臭鍋味道不錯😊， 今次就食其他款式🥢，泰式海鮮鍋$103、 韓國泡菜鍋$98、 台灣夜市小香腸$32、 涼拌小青瓜$32、 台灣滷肉飯$23、 滿杯紅柚子$36、芝士茶王8號$36。 🔸泰式海鮮鍋🫕 ～ 有鮮蝦、青口、蕃茄、娃娃菜、雪耳、金針菇、鮮冬菇、豆腐、粟米、炸薯仔、炸支竹、鳴門卷和香菜， 可以選跟飯或粉絲，兩個鍋底都是跟粉絲，因為粉絲比較吸湯汁的味道。 泰式鍋的味道酸酸辣辣， 食落比較開胃， 鮮蝦又夠爽口。🔸韓國泡菜鍋🫕 ～ 豚肉、王子餃、韓國泡菜、公仔麵、年糕、娃娃菜、雪耳、金針菇丨鮮冬菇 、豆腐、粟米、炸薯仔、炸支竹和鳴門卷， 湯底有輕微辛辣味， 有點似部隊鍋， 跟公仔麵煙煙韌韌幾好味。( 兩款湯底都不用配任何醬料，已經好夠味) 🔸台灣夜市小香腸🫔 ～ 台灣小香腸口感紮實又煙韌， 甜甜的，小食之選。 🔸涼拌小青瓜🥒 ～ 涼拌青瓜好爽口， 清新美味。 🔸台灣滷肉飯🍚 ～ 肥瘦肉均勻，滷汁非常的下飯。🔸芝士茶王8號🧋 ～ 香濃順滑的奶蓋， 配上茶王真係幾好飲。 🔸

自己喺將軍澳住左咁耐，今日先知原來有個帝景灣商場，而最近女友想食一人鍋，帝景灣商場入面嘅湯米正正可以滿足女朋友嘅願望😍- 藥膳豚肉鍋藥材味一開始比較啖，之後慢慢變得濃烈，所以冇沾任何醬汁。豚肉大片兼肉質鬆軟。配料應有盡有，包括薯粉、腸仔、雞髀菇、豆腐、薯仔片、午餐肉、腐竹、粟米等等。粉絲亦好索汁，非常惹味。- 沙茶牛肉鍋入面配料一樣非常豐富，但個人認為湯底唔夠濃味，牛肉份量都好多，粉絲索晒汁好惹味。- 鹽酥雞扒雞扒炸得金黃香脆，入面依然保持Juicy。- 台灣夜市小香腸台灣香腸一向口感紮實，而湯米嘅台灣香腸特別煙韌多汁，味道香甜。飲品方面餐廳都好多選擇，我哋揀咗爆檸四季春同蜂蜜綠妍，兩杯都好大杯。原來一人鍋都可以食得咁盡興，一人鍋材料好多，令人好滿足，其他小食都唔錯。

天氣轉涼又想圍埋打邊爐， 只限二人聚餐就只有簡單一人一鍋過吓火鍋癮都好～去了《湯·米》， 地點有少少隱蔽。 地鐵站行過去嗰邊沿途都是高尚住宅， 感覺休閒。大約有9款鍋物， 各有特色， 還有各款台式小食，鍋物配料， 台式特飲～每款鍋物也配飯或粉絲一碗。巴蜀烤魚鍋$98屋企人唔食得辣，一人獨享😋 麻辣出色，接受到刺激惹味。 鯇魚超大件，先炸過，一路滾都沒有散開！ 魚肉雪白嫩滑， 配合其他豐富材料： 椰菜，雲耳，金針菇，鮮冬菇， 炸薯仔，支竹，粟米，豆腐，鳴門卷，香菜， 湯底越滾越辣～ 超正！芝士四季茶$32芝士奶層唔算濃厚，茶味算甘濃， 整體唔會太甜 配濃味嘅火鍋也很合適。招牌臭臭鍋$98材料好豐富，獨有嘅『臭』味好吸引。『主菜』 是牛肉片，份量好多！ 臭豆腐味嘅湯底也散發沙嗲香， 材料眾多每樣一，二件： 鴨血，鹵大腸，台灣貢丸， 娃娃菜，椰菜，雲耳，金針菇， 豆腐，粟米，炸薯仔，炸支竹和鳴門卷～台灣夜市小香腸腸衣極脆口👍 肉香帶点肥， 仲有少少酒香少少甜味， 絕對係台灣夜市裏食到嘅味道～

陪屋企人喺將軍澳嗰邊取智能身份證， 之前經過有一間好似食台式火鍋的餐廳， 今晚可以一試了。餐廳坐落於帝景灣商場， 將軍澳嘅豪宅區～～ 周圍都好有度假feel～餐廳兩邊也有落地玻璃， 雖然只係一樓但係感覺一啲都唔侷促，好開揚。 而且佢嘅燈光好柔和舒服， 心情放鬆地吃週末晚餐。餐廳主要提供台式火鍋小食和飲品。 揀咗《台式臭臭鍋》$96鍋裏面勁多料， 又有一陣臭豆腐嘅味道， 點咗微辣非常刺激食慾。 樣樣都有啲 ：贡丸，臭豆腐 ，肥牛，支竹，木耳，粟米，娃娃菜，金針菇，南瓜片，豬大腸， 薯仔，米血糕 。。 等等材料非常豐富，夠曬惹味！😋😍揀咗跟白飯， 唔錯呀。 仲加咗金菇（$29），鵪鶉蛋（$17）和公仔麵 （$17）～ 一路加湯一路追加，劲爽！揀咗這杯《滿杯红柚子》$35， 味道清新，好香嘅柚子味又唔會苦澀， 仲有不少红柚子果肉， 非常推介！！❤️😋《荔枝紅肉》$27， 茶味夠， 荔枝味唔算濃。《台式芋香珍珠奶茶》 珍珠軟腍腍夠煙韌， 唔算太甜，有芋香， 但奶茶味唔夠香濃。台灣夜市小香腸$29香腸皮夠曬脆， 甜甜地仲有酒香， 这就是台灣腸的風味～

今日天氣涼涼地，突然好想烚下烚下，咁啱比我搵到呢度有一人一鍋，openrice 訂位仲有折。雖然位置比較隔汲，但估唔到都有唔少人搵到黎食。✨火鍋配料可以追加，仲有小食， 飲品。✨芝士四季春（$33/左）：超大杯，面頭芝士質感好滑好輕盈，咸香得黎唔會覺得膩。茶味好清香，叫左半糖走冰，甜度啱啱好。✨芝士茶茶八號（$34/右）： 對比之下，呢個茶味更加香，必叫👍🏻✨佢個豉油係甜既，幾好味，加埋蒜蓉同沙茶醬勁香同勁惹味✨台灣夜市小香腸（$29): 係台灣既味道，個腸好juicy, 外皮又帶小小脆，好食。✨日式味噌鍋（$91): 唔食辣，所以同男友叫左相同款，唔使爭xD 第一次用味噌湯打邊爐都唔錯，佢仲跟白飯/粉絲。✨豚肉有成4,5塊超大塊，點埋醬汁好好食。仲有滑豆腐，鮮東菇，金菇，蜆，雞蛋，南瓜，枝竹，粟米，雲耳，豆角。✨娃娃菜超多，仲有好耐未食過既鵪鶉蛋。✨不過如果要我追加，我覺得呢個炸薯仔係幾特別。✨男友既粉絲睇落好似好少，但發脹左都幾多，仲好入味。最後杯茶都飲唔晒，實在係太大杯，超飽超滿足。

突如其來的情緒低落，唯有以美食療癒。放工就在家附近吃個便飯。這家餐廳裝潢簡潔，店主也很年輕。餐廳不算很大，但座位不少。餐牌所見，這裏有不少特色的一人一鍋，例如沙茶牛肉鍋、藥膳豚肉鍋等，還可以免費配粉絲或米飯。一旁有調味料可以自行調配。⭐️咖喱奶蓋鍋$94配料很多，有牛肉、魚蛋、娃娃菜、椰菜、雲耳、金針菇、鮮冬菇、豆腐、豆角、粟米、炸魚皮、炸薯仔、炸枝竹、鵪鶉蛋、鳴門卷等。湯底味道很不錯，淡淡的咖喱味，牛肉份量很足夠，入口有咖喱香味。⭐️台灣夜市小香腸$29終於吃到台灣的小香腸，跟台灣的味道一樣。下次還是跟朋友一起來吃，一個人太孤單啦，哈哈！