揚食屋

营业中

休息中

🍛 吉列豬扒五目蛋包飯（$76）醬汁方面可以選擇日式咖哩或者北海道忌廉汁，今次係選擇咗後者，好creamy；吉列豬扒因為係即炸嘅關係，食落去好脆，而且個粉漿好薄👍🏻；蛋用左日本卵，好香蛋味；而五目飯用咗日本米，口感軟糯，而且佢加埋菇、甘荀同鰹魚湯一齊炒，連埋汁撈埋一齊食就味道啱啱好；餐牌上都寫住推介加芝士，今次我用左$10加芝士，加完之後又唔會食落好漏👍🏻；跟飯送埋甜品，仲要係日式麻薯，食落好煙韌，一餐飯有甜品令餐飯變得圓滿🥰

上次介紹完廿一堂 ，一於講埋開係佢隔離嘅揚食屋😤點餐模式一樣都係先俾錢再入座，唔同嘅係揚食屋有送餐服務😂餐廳環境好似日本嘅家庭餐廳🍽類似薩莉亞嘅果種裝修風格~豬扒肉質緊實 炸粉唔會好厚，只係略嫌炸得硬咗啲 唔夠酥脆🧐蛋就生熟程度啱啱好 非常嫩滑🍳咖喱汁就偏日式咖哩，唔辣而且帶甜味🍛值得讚嘅係裡面嘅飯係連埋野菌一齊炒🍄口感更加豐富 有驚喜到😳不過小編果次試就覺得個飯唔夠熱，扣少少分🤥跟餐送大福同一杯嘢飲而且有幾款可以揀 算係有啲選擇，小編就揀咗蘋果汁🍎個人覺得味道太甜。以中環地段食蛋包飯，呢個價錢算可以接受👌🏻無時間慢慢嘆cafe但又唔想食太頹嘅話可以試下，但係論性價比就及唔上隔離廿一堂啦🤔🌟 吉列豬扒五目蛋包飯 ($74)味道：🌕🌕🌕🌗🌑環境：🌕🌕🌕🌑🌑價錢：🌕🌕🌕🌗🌑