大丈夫食堂

营业中

休息中

如果好味程度有10，我會比100（利申非打手，只係覺得太太太surprise) 炸粉唔係平時食硬崩崩實的的炸粉，佢係由賣相色水已經好靚仔，炸粉食落好似消失左咁，好神奇😝豬扒juicy 軟熟，食完一舊會想再食第二舊， 啡色的豬扒汁好夾仲有仲有，係佢成個餐份量太唔合理啦，我諗一個男仔都未必食得哂上枱仲好熱，好似即點即整，非常好🤩另外一提，茶碗蒸都好好味🤤蛋好滑， 入面有豆有菇有蟹柳餐廳環境闊落，冷氣舒服，可以慢慢坐低食飯傾計，我一定會再幫襯！！

這間長沙灣的平民日式食堂一直深得民心❤️近年更被不少foodie拍片推薦，可見食物質素有一定水準😎本人亦曾光顧數次，認為它的CP值的確頗高👍🏻但最近一次光顧卻令我有點失望😮‍💨———————————————————————吉列海鮮定食有兩件炸蝦，一件炸蠔和一件炸魚。每件炸物size都很巨大，炸粉漿比例算是合理，未有過厚👍🏻炸蠔味道鮮甜，肉質結實新鮮☺️炸魚亦有魚味，肉質實淨不會鬆散😁但炸蝦鮮味欠奉，亦未夠爽彈，本人認為不合格😓至於炸物旁的椰菜絲質感爽脆，有水分💦但蔬菜本身清甜味不足，與高級日式餐廳的椰菜絲仍有一定距離🧐定食還配有白飯，味增湯，茶碗蒸和醃菜，全都味道正常，不過不失🙂———————————————————————另外還點了吉列豬扒定食。豬扒份量正常，炸粉亦十分鬆脆👍🏻豬扒肥瘦得宜，有肉汁，但今次這塊豬扒比較多筋，即使肉質鬆軟亦令人難以咬開🫠另外當我一夾起豬扒，豬肉便與炸粉分離，令我吃得有點狼狽😥———————————————————————這次的食物水準明顯比之前差，要過一段時間再光顧，才能知道這是碰巧的失準，還是真的退步🫣

原來是一間日式餐廳🤭主打日式定食及丼飯🍱而招牌吉列豬扒是最受歡迎的🤩每當吃飯時段都高朋滿座環境寬敞座位坐得舒適😌食物質素很好👍價錢親民🤑吉列豬扒定食🐷🍱吉列豬扒🐷切開成𝟞小件，炸粉厚薄適中，外層酥脆內裡鬆軟，蘸上專用豬扒醬油使味道更上一層次😋，可惜其中有𝟙件豬扒筋部位置有少許韌較為遜色，椰菜絲口感清爽脆甜配芝麻醬一起吃更滋味，亦可減低炸物的油膩感，日式蒸蛋入口嫩滑，而珍珠米質感軟熟，份量十足很有飽足感🫄🏻燒鯖魚定食🐟🍱鯖魚🐟燒至微微焦香，肉質結實加入檸檬汁提升鮮味，搭配醬汁非常開胃😋，鯖魚進食時要小心吃以免魚刺卡喉嚨，定食有日式蒸蛋、漬物、麵豉湯、沙律和白飯燒魷魚🦑燒魷魚一上枱已聞到香氣撲鼻，肉質鮮嫩彈牙，再配上蛋黃醬令人回味無窮，真的忍不住一口接一口，超愛吃😍

依間餐廳人氣高企，堪稱區內食堂🥇，有唔少街坊和打工仔支持💪🏻近年更搬新鋪，地方大咗、座位多咗，但人龍依然不絕‼️.✨ 大丈夫食堂餐廳主打日本菜，即叫即炸嘅吉列豬扒更係招牌名物💯以價錢親民的日式定食和丼飯而大受歡迎。.✨ 定食套餐所有定食都會有沙律（椰菜）🥗、日式蒸蛋🥚、漬物、麵豉湯🫕，而且沙律、飯量各有3個份量可以自己選擇，或者+$15 白飯轉烏冬。一個價錢包曬前沙律、小食、主食、餐湯😜🥢 吉列豬扒定食 $115豬扒份量好足料好大塊😱而且炸到金黃色，非常吸引😍炸炒粉唔算多，所以炸皮非常酥脆，而且炸得好乾身！豬扒幾厚身，但咬落鬆軟唔會太韌😋試完原味，可以蘸下啲調味醬料，有日式炸豬扒汁同埋芝麻醬，豬扒汁酸酸地幾開胃又解膩👍🏻🥢 南蠻炸雞定食 $75一樣炸到金黃色🤤炸雞外脆內軟，食落一啲都唔乾，仲有肉汁流出嚟，十分Juicy💦 依個價錢嚟講，份量好足夠、好抵食👍🏻🥢 火灸玉子手卷 $16玉子食落鬆軟綿密，中規中距。🥢 牛油果三文魚手卷 $18牛油果口感香滑順口🥑配埋三文魚同埋蟹籽，口感十分豐富🥰.🥢 蔥粒吞拿魚腩手卷 $24吞拿魚蓉好creamy😋軟綿綿嘅口感，加埋魚油香，每一啖都好幸福😝🥢

「大丈夫食堂」係一間位於長沙灣嘅日式餐廳，當中最出名嘅應該就係佢哋嘅吉列豬扒🤩 我第一次食嘅時候係同事帶我嚟，而且都係推介我食吉列豬扒，的確幾出色，雖然價錢都唔平，但性價比都算高，包你食得飽！😆 因為定食包埋白飯、椰菜、日式蒸蛋、漬物、麵豉湯，而且白飯同椰菜都各有3個份量可以揀，白飯最多有成300g，差不多等於成個碟頭飯嘅份量🫢今次我就帶咗朋友嚟呢到食dinner，夜晚原來都幾多人🫢~ •🥢 吉列豬扒定食 $115 吉列豬扒好大塊，而且一睇就知好鬆脆！炸衣算薄，一啲都唔油，入面嘅豬扒都厚身，有少少乾，但唔算嚡，都幾易咬嘅～ 加埋個甜甜味嘅日式炸豬扒汁同埋檸檬汁，幾夾～旁邊嘅胡麻醬係配椰菜絲嘅，我揀咗多菜，所以變咗個椰菜山🤣 啲椰菜唔苦，可以解一解炸豬扒嘅油膩～ 整體嚟講，呢到嘅炸豬扒都幾出色，而且好大份，我揀咗少飯都好飽！抵食！ •🥢 特上塩燒牛舌定食 $118朋友見好多人推薦特上燒牛舌，佢本身又鍾意食牛舌就試咗呢個餐～一份有9-10片牛舌，牛舌偏向薄身，但又未至於薄到透光🤣 牛舌係有落咗啲鹽同芝麻醃過，加上個爐夠熱，燒完都幾香口，口感少少腍又帶少少爽彈，點埋燒肉汁就更加正😛 整體唔錯

呢間長沙灣日本定食店已經唔係第一次黎幫襯，因為真係好好味🤤所以又突登搭車去食👍星期五晚6點幾黎到已經要等位，等左都大約20分鐘先入座。呢個吉列豬扒定食次次黎都會叫，因為佢既豬扒炸得好好，脆卜卜，其實佢其他炸野都好好食。定食仲會包埋沙律菜、茶碗蒸（茶碗蒸都好好味👍）、麵豉湯、同一碟小前菜。另外佢既牛舌又係必食，佢分左普通同特上，建議大家一定要揀特上，因為真係好食好多🥹有幾次晚市黎食，佢既特上牛舌已經賣哂，所以真係人氣之選！仲叫左個牛油果三文魚手卷，賣相幾好，味道不錯，不過可惜塊紫菜係淋既🥲

已經想試呢間大丈夫食堂好耐，今次終於搵左日lunch time去食😄佢地搬左新舖之後位置都好闊落，而且枱都幾大張幾夠空間～定食每份都有好多唔同野食配搭，檯面既位置充足有餘，食落感覺好舒服～ 1⃣️吉列豬扒定食（$105） 黎到一定要試下佢地既招牌吉列豬扒！定食有飯、椰菜、茶碗蒸、漬物同埋麵豉湯。吉列豬扒好脆好大份，厚肉，而且食落juicy，點埋酸酸地既豬扒醬食落味道更加豐富～茶碗蒸滑一滑，入面仲有冬菇、蟹柳、豆。成個set食落好豐富好滿足！而且呢個價錢食到呢個質素既吉列豬扒真係好抵！  

花魚一夜乾定食： 皮煎得唔夠香但肉幾滑， 定食有麵豉湯， 沙律菜，香滑茶碗蒸， 小碟醃物， 組合都幾豐富。吉列豬扒定食： 豬扒外脆內軟， 口感有d 口唔似整塊豬扒， 似免治肉扒。 配沙律醬/燒汁（ 似章魚燒汁，酸酸點帶苦澀味）。三文魚刺身(5件)： 厚切, 性價比幾高，$55/5pcs 牛油果三文魚手卷: 似倒轉嘅手握壽司，份量唔大，牛油果經調味唔夠鮮味。

通常有質素嘅吉列豬扒定食，閒閒地都$2xx，普通日式餐廳幾十蚊嘅吉列豬扒質素一般，而位於長沙灣的大丈夫食堂的吉列豬扒定食可以話係性價比最高之選。🥩 吉列豬扒定食 ($115) 👅: 91.43 分 外皮非常酥脆，豬扒厚身，鍾意佢個肥瘦比例，食落好有口感同充滿肉汁，略嫌有些位置比較難咬。配上酸甜醬汁同芝麻醬，可減低油膩感。不過還是建議share食，無咁飽濟。定食會附上珍珠白飯，茶碗蒸，味噌湯，沙律椰菜，漬物。椰菜絲同白飯可以添加。🐠 鰻魚定食（$105) 👅：80.27 分 正常發揮，鰻魚算肥美，有足夠鰻魚汁拌飯。環境: 👍👍 👍回頭率: 👍👍👍 訂座: ❎ 㩒飛等候等候位置時間: 平日1點到，等大概15分鐘。

本來約了去食飯， 但慘被人甩底， 白行一趟，只好去這間一試。因為有位， 平時人多可能要約， 這間餐廳樓底好高， 通爽乾淨， 座位舒適。吉列豬扒定食$115炸蝦（3隻）$32鰻魚定食 $105另要加一服務有樣好， 飯同沙律菜任食， 沙律菜我要了三碗，好味健康， 飯好食， 鰻魚肥美， 仲有蒸蛋， 炸蝦吉列豬扒怕怕， 所以一舊都冇食。朋友話好味。

上次晚餐來過之後已經覺得回頭率高今次再來食Lunch水準依然咁好星期六妟晝都唔多人 唔使拎飛直接入呢個吉豬定食想叫好耐 岩岩上枱見到係出煙熱辣辣架～建議等一陣先再食一咬落去炸漿唔厚唔硬 仲非常鬆化 豬扒肉仲好厚好juicy點埋個炸汁酸酸甜甜咁好夾仲可以落檸檬汁無咁熱氣來食既人吉豬必點！今次食牛油果三文魚飯本身自己好怕食生既牛油果但發現佢既成熟度適中唔硬又唔會淋到一patpat仲帶點鮮甜同三文魚非常之配合而且三文魚每舊都好厚 唔好睇落好少 其實食落好滿足今次二次幫襯 二次滿足燉蛋同麵豉湯都好好味平時少食沙律既我都會食埋價錢物超所值

大丈夫食堂(30/4) 星期六 下午1點左右特式：呢間舖既吉列豬扒一向好食，我由佢近荔枝角個邊舊舖地舖已經開始食，佢而家搬左新舖大間左好多，但等位都係一定架喇，因為佢係區內都頗有名氣。食物：吉列豬扒定食 - 一至五同星期六日唔同價錢，但都係100蚊左右，以呢個價錢食一個日本定食set唔算平，但計埋佢個質數就真係平靚正了，佢個吉列豬扒值得讚既地方都唔少，唔油膩，吉列鬆脆，豬扒嫩滑，真係無比我挑剔到嘅地方。跟餐仲可以加錢將飯轉烏冬，本身仲包埋麵豉湯/茶碗蒸/椰菜絲/沙律，仲邊有挑剔既地方？鹽燒牛舌定食 - 唔記得幾錢，不過應該120蚊左右，又咁多塊牛舌，都唔算薄，又有得自己燒下，味道又唔算，跟餐都係包埋麵豉湯/茶碗蒸/椰菜絲/沙律，都係無挑剔既地方掛？南蠻炸雞 - 另外叫咗個南蠻炸雞小食，都係好出色。環境：餐廳環境比舊舖已經好好多，鬆動闊落左好多，當日假期午市係爆場既，起碼等左一個鐘先有位。服務：服務態度正常。價錢：人均大約120左右。總結：鍾意食吉列豬扒既朋友，我推介點都應該去試一次，我唔夠膽講佢超好食，但計埋晒性價比，真係超班。

兩份唔迆又飽嘅定食加埋唔駛$200邊度搵😳？由舊店已經好想食 bookmark到搬大舖終於食到🍱🥩Deep Fried Breaded Pork Loin Cutlet💰HKD100（Rating: 8/10）幾好食！豬扒唔算厚切但大塊 炸得剛好 入口酥脆薄粉唔乾硬 肉唔會太肥 keep到有肉汁 仍帶點粉嫩 附上帶酸甜醬汁好夾 定食仲有跟蒸蛋 湯 沙律 小菜 夠晒飽🐷🐟Grilled ATKA Mackerel💰HKD98 (Rating: 7/10)燒花魚一夜干 超大條魚😂絕對唔差 但就係比較平凡 似家常蒸魚味道 帶輕微醬油香 食食下會容易悶 我哋有少少後悔冇叫鰻魚飯💭不過呢個一定健康啲😎可揀多飯少飯 甚至添飯 沙律菜椰菜都可免費追加👍後記：當日門口收銀帶位都得一位店員 見佢忙到踢晒腳 於是叫佢唔駛急慢慢收完錢先 （雖然我後面有成堆人）之後帶位佢特登俾張4人卡位我😆好心有好報嘻

由舊鋪時期已經有幫襯因為唔係住附近都係久唔久先去一次每次都係吉列豬排同天婦羅丼二揀一（其實吉列海膽都好juicy,好好味😋）依家轉咗新鋪大咗好多唔駛等足成個鐘食物質素完全冇下降保持到以住水準呢排去多咗長沙灣食嘅次數多咗上次試咗炸軟殼蟹又係好好食佢所有炸物都唔會覺得好油炸得好乾爽真心好食過日本過江龍價錢仲要平一半都有湯，飯，沙律都全加每次都飽飽好滿足🥰必食list上面又多一個真係食完肥咗都係值得嘅

這間以「吉列豬扒」聞名的小店由她在荔枝角原址時，已經想一試，可惜當時該舖位太小，長期排長龍，位置又不太方便，所以一直未有機會一試。如今她已搬遷到舖面較大，而且地理位置方便的新店（長沙灣港鐵站附近）新店地方寬躺，座位也闊落，也改了由電子落單（用QR code自行 點食物）鹽燒牛舌定食$94 燒牛舌定食的牛舌大概有10片薄切的牛舌肉質夠肥美，也有牛味店家會提石燒板讓客人自行燒所以可以自由控制熟的程度吉列豬扒定食$115吉列豬扒大塊厚切，放在日式的網架上，所以不會令炸好豬扒的麵包糠變淋麵包糠也不會很厚，金黃表面薄薄地包裹住豬扒， 而且炸得鬆脆乾爽不介口；不會有「皮肉分離」的情況，也不太油膩略嫌麵包糠有點太粗大豬扒肉質厚實，非常肥美鬆軟嫩滑而且帶點肉汁，沒有炸得很乾很嚡肥美的豬扒沒有豬羶味，也不會一堆堆肥膏在豬扒外邊另外配上一個酸酸的沾汁，可減膩豬扒旁的椰菜，原意應該想讓客人可以用椰菜來減減油膩感，但是椰菜絲非常粗糙，太乾，大大減低食慾每個定食餐都配有茶碗蒸，小漬物，麵豉湯和白飯茶碗蒸的蛋很滑，有淡淡日本高湯味，材料有枝豆和蟹柳粒小漬物真的很小，短短的一至兩粒菜，也不知吃了甚麼，甚麼味道麵豉湯