詠藜園四川擔擔麵

营业中

休息中

詠蔡園起黃埔美食坊真係老字號黎由細食到大 舖頭完全冇變餐牌食物都差唔多叫咗每人一個麵 加四碟餸 兩個小食1️⃣清湯麵🍜份量啱一個人食 仲嚴佢細咗少少湯底真係清 不過又好香雞湯味佢仲放咗啲蒽 食落香啲啲麵都有咬口 唔係淋晒爛晒嗰啲 不過個人覺得普通 亦比較鍾意啲彈牙囗感嘅麵2️⃣花雕醉雞 係涼菜黎 份量比想像中大啲味道一般 覺得佢唔夠香油味比較似普通油雞 雖然好滑 但係唔夠多肉 好多骨3️⃣咕嚕肉 ($83)個咕嚕肉就好食 肉比例多 幾抵叫有菠蘿 三色椒做配菜啲肉應該係梅頭肉 超級腍又厚肉 外層又夠脆唔會好似外面有啲酒樓咁 整到好似食麵粉咁而且醬汁比例啱啱好 一啲都唔酸澀👍🏻4️⃣上湯炒通菜 ($63）個菜相對清淡 通菜好新鲜 咬落爽口上湯夠味 唔錯5️⃣糟溜魚片 ($118)🐟依碟真係好好食 估佢唔到勁大碟 然後好多魚片 抵食啲魚片亦唔似雪藏魚片 肉質鮮嫩厚實 唔易散味道食得出酒味 所以魚完全唔腥 仲好香配上黑木耳 添加質感 依碟餸飯一流😋6️⃣一口鍋貼 ($38)🥟一碟5隻 即叫即煎起香脆 同時又唔太油外皮厚度啱啱好 底部比較脆 煎到金黃色入面料係肉同韮菜 好喏味 仲要有肉汁 唔乾💕-食物水準保持到 好勁

中午兩點幾先食午飯，嚟到唔使等直接入座。由於太肚餓，點咗好多嘢食。擔擔麵保持一貫水準，花生香麵質爽口彈牙。紅油抄手好抵食，大大粒饀又多。咕嚕肉用靚豬整嘅（肉質似豬扒梅頭肉？），肉嫩仲有肉汁肉味，掛滿咕嚕皮衣脆脆的，好出色。黃魚鮮甜唔腥，少少咸香，得。蔥油酥餅酥香唔油。其他仲有炒年榚、肴肉都保持到水準。樂見老店食物品質依然如一，但未見如以前的人頭湧湧情況。希望只是因為我們來時已過午市時間吧。老店買少見少，希望詠藜園可以一直做落去，讓食客可嘗嘗老舖的古祖味。

一直都有幫襯詠藜園，睇報紙知道詠藜園今年仲升埋呢做「車胎人」食肆，果然名不虛傳。眼見佢地密密耕耘，從來都唔會大鑼大鼓將報紙雜誌貼滿店舖，就知老闆明白，留住食客個胃就係最好嘅宣傳。  招牌擔擔麵今日再到詠藜園，點都要食番碗招牌擔擔麵，湯頭濃郁味道依然，配料充足麵質爽口。原味擔擔麵帶出花生醬味道，辣味擔擔麵則香辣十足惹味非常，各有特色。 咕嚕肉詠藜園咕嚕肉用左腩排嚟炸，肥瘦肉相間，入口肉質嫩滑，加埋簿簿炸漿，停唔到口。 小籠包唔駛多講，皮簿餡靚兼多汁，性價比高。

由於搬屋仲有大量雜物未執好，放假都要叫埋男友幫手，當然要同佢去食番d好野，慰勞下佢啦 ~~ 是日我地去左「詠藜園」食馳名擔擔麵! 擔擔麵 : 我食唔辣，男友食辣，兩隻味都食晒, 正!! 招牌擔擔麵花生香濃肉鬆惹味，麵條爽口，果然係正宗手打麵。而辣既擔擔麵味道更搶口，岩晒無辣不歡既男友。 小籠包 : 一睇就知皮勁簿，筷子夾大力d都流晒d湯汁，肉汁鮮甜，每人兩個都唔夠喉呀 ~~ 火腿娃娃菜 : 火腿甘香，唔會一味得鹹味，娃娃菜夠晒甜，岩晒我地呢d OL。咕嚕肉 : 甜酸汁味道岩岩好，咕嚕炸到外脆內嫩，咬落仲係JUICY。咕嚕肉用左腩肉黎做，肥瘦肉相間完全無骨，岩晒我呢個懶鬼。 豆沙鍋餅 : 都話女仔有兩個胃，雖然已經飽飽地，但都要叫埋個甜品先叫畫上完滿既句號。豆沙鍋餅熱辣辣送到，豆沙餡料夠多，就算角落果四件都爆晒豆沙，豆沙唔太甜，連我男友都幫手食左幾件。