Orange Elephant Thai Restaurant (啟德道)

营业中

休息中

在九龍城想吃泰國菜除咗比較地道但舖位較細嘅泰國餐廳，如果想坐得舒適，除咗黃XX都有選擇兩個人叫左3個餸，抱住大肚腩走🥘咖喱海鮮脆包盅 會encore嘅item擺盤：有別於出邊嘅一大個包裝晒所有咖喱，將多咗嘅咖喱另外裝起，想食先自行添加唔會一次過將個脆包浸淋晒🥺味道：椰汁味好香，真係有如其名嗰包係好脆基本上用匙羹輕輕力一別開就分開到個包餡料亦都好多！有魷魚、蝦、青口、魚塊咖喱都佈滿蛋花🍳熱辣辣食就冇咁快滯🥥椰子海鮮焗飯 上枱時見到焗飯面有焦焦既已經好吸引份量多，四人分都可以每人分到一碗仔椰汁係甜又有海鮮，所以有鹹甜嘅感覺❤️餡料有魷魚，青口，蝦，魚粒，冬菇，腰果，椰子肉，提子乾，啖啖都有料配小食拼盤 可以一次試哂幾款🔍又抵啲我都推薦次序係：魚餅》蝦餅〉春卷》荷葉包雞中意泰式調味就推薦魚餅蝦餅春卷係正常好食荷葉雞比較乾就唔岩我口味正中間有酸瓜，食食下可以解膩

《CP值高泰國菜》今次同一班朋友去大㘭門放風箏🪁出返黎鑽石山呢個美食沙漠米樂提議搭多程車入九龍城食泰國菜😆🇹🇭Orange Elephant🐘咖喱海鮮脆包盅 $148賣相好靚 好岩打卡海鮮好足料 有蝦 魚 魷魚 青口等係椰汁咖哩 唔會好辣 幾惹味🤤用黎點麵包都好正少少不足嘅係麵包硬左啲😣椰青焗海鮮飯 $108米樂好鐘意呢個飯今次決定再encore ☺️成個椰殼上 份量好多 面頭淋左椰汁 好香🤩原來椰汁配炒飯係咁夾一啲都唔漏 一試難忘炭燒豬頸肉 $86簿切夠淋 容易入口😋燒得好入味 配泰式醬汁 好正雜錦串燒 （雞/牛/豬）半打 $83好入味夠juicy 配埋沙爹花生醬 好正而且每舊都夠大 好滿足😆米樂最鐘意牛肉串 肉碎生菜包 （豬）$76肉碎酸酸辣辣好過癮加埋生菜包住食 岩岩好份量好多 生菜用哂仲可以叫待應添黃咖哩雞因為係用一蚊加所以份量都相對細啲 咖哩好香 令人好想撈飯食Tip: 餐廳每日都有一蚊優惠價菜式 （尾圖）餐廳有電話訂位服務 咁就唔洗排隊等位😉Orange Elephant Thai Restaurant (啟德道) (九龍城)九龍城啟德道31-33號地舖Orange Ele

逢星期一就係出街食飯既日子，今次揀左間泰國菜黎食，仲要係位於九龍城，有曬去泰國既感覺。入到去，聽到熟悉既泰文已經覺得好有親切感同地道。我地嗌左一份泰式小食拼盤，海鮮脆包，一杯珍多冰，一個椰青，同當天星期一限定既$1蚊小食”明爐魚”。首先講下個明爐烏頭先，個爐好夠火力，用左大約15分鐘到已經煮到滾，熱辣辣好好味，而且入面既配料十足，有秀珍菇，椰菜，仲有好多泰國香料，湯底酸酸甜甜好開胃，而烏頭都好多肉， 點埋佢哋俾既泰式辣醬好好味😋。第二就係呢道泰式小食拼盤，有滿滿蝦肉既炸蝦餅，十分彈牙。充滿香味既香葉雞，好嫩滑。咖喱味既粉絲春卷，材料十足。同埋炸魚餅，好新鮮一啲都唔腥。最黎係呢個咖喱海鮮脆包盅，唔好睇佢細細個，入面既配料十足，有蝦，炸魚，炸魷魚，而且咖喱味好濃，有椰香味，就算唔食得辣既朋友都食到☺️我地分別嗌左椰汁珍多冰同椰青，椰青大大個，椰青水好甜，而且椰子肉好飽滿又滑，值得大家試吓！最後大家記得留意每日有咩唔同既$1食物推介，想食既話就記得個日去試啦，真係好抵食架！

食呢間嘅原因好大部分都係衝住「一蚊一條泰式明爐烏頭魚」而去！！！一蚊！係一蚊！一蚊一條！呢間餐廳星期一至五每日都有一樣一蚊嘅item~星期一係泰式明爐烏頭魚，其他日子有蝦餅、有炒菜、有啤酒～點睇都係一蚊一條泰式明爐烏頭魚最抵啦！🤣🤣講咗咁多次抵，就緊係要講吓味道如何啦！！！我哋5個女仔，叫咗：豬肉碎生菜包、咖喱海鮮脆包盅、馬拉盞炒通菜、泰式蝦球炒金邊粉、椰青焗海鮮飯、泰式明爐烏頭魚、原隻芒果椰汁糯米飯、泰式千層糕、一杯芒果冰特飲、兩杯椰汁冰、一杯青檸疏打、一杯椰汁珍多冰。（叫咗1X樣嘢，先每人$16X，會唔會太抵！！！！）咖喱海鮮脆包盅 --> 超好食！！！個包包外邊係脆脆的，入面浸咗咖喱好入味，包感係軟軟的，但又唔係一咬就散晒／腍滋滋唔知做咩咁！呢個脆包盅會再翻食！！！！！馬拉盞炒通菜 --> 好鍾意！去親食泰國嘢都會叫呢個，好鍾意食！泰式蝦球炒金邊炒 -->正！唔會炒到成碟油淋淋，但又冇炒到痴埋成碟咁，啱啱好，炒得乾身又好食！椰青焗海鮮飯 --> 覺得可以再加多啲椰汁！！！芒果糯米飯 --> 可唔可以叫多一碟畀我自己🤣點鮮個芒果可以咁甜又冇渣

想食泰國菜梗係要去九龍城啦！見到朋友介紹有$1菜式優惠咁抵，就帶屋企人去試吓！一入到去感覺唔會逼，坐得都好舒服，唔會人貼人。 啲服務員都nice，坐低好快有人嚟serve，上菜速度都快。食泰國嘢飲椰青，係定劣嚟㗎嘛！ 大大隻，勁甜又爆汁，正！真係估唔到！$1 嘅魚size 都咁大，佢仲有跟個醬汁，少少辣幾好味👍🏼蝦餅份量都唔少，彈牙香脆，值得推薦😋咖喱唔係辣嗰種，入面有青口、魚、蝦等等，用個包點啲咖喱啱晒！總括嚟講，菜式份量夠足，性價比極這，服務質素都好，會再去😆

九龍城係泰國之城，係眾多泰菜之中今日揀左一間環境靚啲又坐得舒服啲既橙象。相比其他係九龍城既泰菜佢望落高級啲，但睇一睇menu 佢既價錢相當親民，仲有每日$1菜式之選。今日係星期四，飛天通菜既特價，次次食泰菜都會叫通菜既我今次點少得叫返碟通菜。上菜一睇就知一定係岩岩炒起既，因為仲熱到冒緊煙的。飛天通菜最重要就係啲配料同味道，食落唔會太咸但夠曬馬拉盞香味，呢個菜比平時食到既偏辣少少所以非常惹味，唔食得辣既都接受到既不過要飲多兩啖野飲哈哈。咖哩海鮮脆包盅都係menu 到吸引到我地所以叫左黎試試。見到咖啡滿到就濟曬出黎就忍唔住即係食啦。估佢唔到一啲都唔辣，反而有好香既蛋香味，就係眼見既蛋花帶出黎既，而呢啲蛋花都令個咖哩更加香滑，係出面好少食到呢種咖哩。脆包皮脆但內裏鬆軟，唔會食到個口乾爭爭，加埋佢咁多咖哩汁真係岩曬。海鮮都係好足料架，款式多而且食極都仲有。食完呢一個海鮮包真係飽到上心口呀！平時好鍾意飲冬陰公既我地今次見到個椰汁雞湯決定試下新野。雖然仲好心思思想飲冬陰公，但飲完第一啖真係覺得無叫錯！因為呢個椰汁雞湯既味道就好飲冬陰公既重奶重椰汁版，但仍然帶有冬陰公既酸辣味。除左重椰汁味仲有啲好似

今日晏就喺九龍城有個活動，難得嚟到九龍城，咁就一定要試下泰國嘢食！朋友介紹咗我去Orange Elephant Thai Restaurant 到食晚餐，因為佢每日都有個$1優惠，星期一至日都有唔同唧嘢食㨂，星期一有泰式明爐烏頭魚，星期二有香茅炸豬排等等。六點半到嚟到，都唔洗排隊，去到七點出面就要開始排長龍，就知自己冇嚟錯餐廳喇！我哋兩個人食所以坐咗係門口位，個位都幾闊落張枱又大，如果多啲人食會安排入坐入面小小嘅位。嗰日係星期一，所以我哋以$1優惠買咗個泰式明爐烏頭魚一條魚一啲都唔多骨，肉币都好滑。配埋泰式辣醬都係好開胃！我哋都叫咗個咖喱海鮮脆包盅，會俾埋個鉸剪你去剪開個包，裏面主要有魷魚、蝦同埋魚塊，啲咖喱都好香，本身想叫多一籠包去點咖喱，但係已經好飽所以冇叫喇。亦都叫咗碟西蘭花炒鮮魷，唔會話太乾，鮮魷份量都好多。下次一定會再嚟，同埋試下佢嘅冬陰公！

九龍城這間Orange Elephant，環境都幾舒適，泰國菜式頗有特色，味道亦出色。泰式拼盤：蝦卷不錯，香料味道比較濃烈。柚子蝦沙律：柚子撈蝦一同食，酸酸甜甜，很清爽，作為一個頭盤都不錯。炭燒豬頸肉： 這一餐亮點之一，肉質鬆軟，味道很香甜。蛋網海鮮金邊粉：第二個亮點，金邊粉彈牙爽口，味道很甘甜。泰式燒雞：不懂得這碟正宗與否，鹹味剛剛好。一隻分兩碟上，份量不少。咖喱海鮮脆包盅：非常特別的食法，咖喱甜而不辣，配上香脆麵包一流，可惜海鮮份量少了點。香蒜軟殼蟹：軟殼蟹就一般，跟其他菜式有點比下去，但其實幾香口。粉絲什菜煲：比較起其他重香料的菜色，這一煲有中和作用。芋頭焗飯：飯有點立口，不是太回味。泰式明爐烏頭魚：魚肉配上清香蔥味的湯汁，趁熱食剛好，值得回味。原隻芒果椰汁糯米飯：一般，原來甜品不是這店的主打。這一餐很飽，very nice。

到九龍城揾食當然要食泰國野喇.. 行行下見到呢間都坐得幾舒適.. 咁就膽粗粗去試下喇.. 門面感覺似係西餐廳格局.. 但就食泰式Fusion菜咁.. 點左珍多冰同芒果冰兩杯特飲.. 我朋友強烈推薦珍多冰.. 椰汁味好夠.. 又足料.. 好好飲.. 而芒果冰飲落都好明顯係新鮮泰國芒果榨的.. 好甜好香.. 但就係太多芒果渣咯.. 可以改善下就perfect喇.. 飛天通菜炒得略嫌不夠辣.. 不過勝在菜夠新鮮及較平時啲泰式餐廳少油.. 最吸引當然係辣椒膏炒肉蟹.. 夠大隻啖啖肉.. 同埋個汁辣得好開胃.. 飯都應該可以食兩碗.. 我朋友唔食得辣都忍唔住食到津津有味.. 另外仲點左個咖喱海鮮脆包盅.. 哈哈.. 兩樣都係濃味菜.. 將脆包點兩個汁都一流.. 海鮮都有魷魚, 青口, 蝦同蜆仔.. 海鮮之夜.. 大滿足..

香港地遍地美食，港九新界出位餐店多的是，但食泰菜為何一定要去 九龍城呢？可能就是因為地道二字吧。地道者，可以是廚藝，可以是氣氛，而九龍城地道之處，就是那種風味，那裡泰菜林立，數數手指 十間八間都應該計少了，大都由泰國人自家主理，週遭都是泰籍人士 ，由裝修至菜式都跟在曼谷的小店很相近，忽爾尤如置身小曼谷一般，而味道是否一樣的地道，這就見仁見智了。較早前跟朋友泰菜癮發作，二話不說便相約去九龍城逛一轉，雖則對 筆者而言可能有點遠，但間中一次去感受一下氣氛還算不錯。是日大家都沒有特定目標，只道合眼缘便入去一試，就當行過啟德道之際， 眼前出現了一間門面簡約新潮，走新派路線的泰國餐廳，有別於其他 的傳統泰菜館裝潢，感覺新鮮，還見到有$1元推廣，遂屬意入去試 一趟。餐廳内的裝修一樣的時尚明亮，環境氣氛不錯，座位間隔比一般的泰菜寬闊，牆上掛滿了大象的掛畫和裝飾，較搶眼的是立體大象頭掛牆模型及不同的碟子排列成的掛牆裝飾，很有新派裝置藝術風格，加上 貫徹店名以橙色作主調，襯托著柔和的燈光，讓人感覺暖和舒適。細閱餐牌，款式跟一般泰菜的都差不多，而價錢大都由幾十元至百多元不等，加上每晚都有一款$1特價美食，價

腦細忽然話下星期一朝早要趕起份project俾客，所以急call我地星期日加班搞掂佢。好彩腦細都有人性，擺低錢請食晚飯補數，最正係佢唔會一齊食。但在公司附近咩都試過了，所以同事提議去九龍城食泰國菜。在公司行過去九龍城，都唔洗20分鐘，當餐前運動，等陣又可以食多D。行行下，我有個同事話見到有間小店要買D整麵包的材料，那我們便行前少少望下有冇餐廳，結果就俾我地發現這間餐廳!!在窗外望入去，見到餐廳裝修很新淨，格局寬敞，座位又看來很舒適，餐牌的選擇又多，所以直接進內了~~~既然腦細請，當然要大開食戒啦，盡情點~~~!!不過都係以愛護地球，不浪費食物為原則，先點第一輪，唔夠再加!!食泰國菜，冬蔭功當然唔少得冬蔭功- 小 ($78)點了個細份的，每人都可以分到最少1碗材料也很豐富呢~~~~隻蝦仲幾大隻添酸度及辣度適中，絕對開胃，又唔會飲到標汗的感覺女生們點餐，一定要點青菜的難得今天的$1 優惠是飛天通菜，我地都有錫住腦細的銀包0既雖然只需要$1，但難得通菜炒得夠惹味有同事想食蝦餅，我又想食魚餅，有人提議了一個最好的選擇：叫泰式拼盤叫拼盤就甚麼都可以試到啦~~泰式拼盤 ($138)蝦餅炸得香口，蝦

九龍城出名食泰國野，本人耐唔耐都會走黎食下野，今次揀既係開左無耐既Orange Elephant。餐廳正推出每日優惠，星期一至日都會有1款小食以$1 提供，星期一就有泰式明爐烏頭魚；星期二係泰式香茅炸豬扒；星期三係酸辣去骨鳳爪沙律；星期四係椰汁冰；星期五係泰式炸蝦餅；星期六係細支裝啤酒；而星期日就係飛天通菜。椰青+芒果冰特飲:飲品款式好多，包括傳統泰式珍多冰，椰汁冰，三色冰，龍眼冰之類。我地今次叫左既係椰青同芒果冰特飲，椰青水味道清甜解喝而且肉多厚厚，食辣時起左解辣作用。至於芒果冰特飲，芒果味好濃好解喝，相當唔錯。馬拉盞炒通菜: 通菜合時無根，炒煮時火候剛剛好，軟硬適中，馬拉盞味香，咸味無過火。泰式炸蝦餅: 炸蝦餅係我最欣賞既小食，一碟總共有六件，炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋D泰式辣醬食，真係好好味。泰式燒雞 (半):燒雞用左秘製泰式香料醃製而成，燒得非常香口，雞皮都好香脆，雞肉都好嫩滑。咖喱海鮮脆包盅: 呢個脆包盅有D似農夫包，麵包烘得非常鬆脆，外脆內軟，個包裡面就放滿左唔同既海鮮，有斑腩，，青口，魚柳，魷魚等等，再淋上了大量既黃咖喱汁，汁既