魚事者 (威德閣)

营业中

休息中

去完staycation諗住食完嘢先返屋企經過見到呢間藍色裝修好搶眼 啲下午茶有幾抵食咁原來成間都係食魚！🎈炸魚狗腸叫左兩條炸魚狗腸一個和風紫菜味同埋蜜糖芥末味 腸仔都係用魚肉做 有啲似魚蛋咁嘅質地 和風紫菜味好好食好似食緊小丸子咁嘅味道🎈咩都有啲小食拼盤呢個小食拼盤都好有驚喜燒賣有分芫荽同埋原味店家注明左冇豬肉 啱晒啲唔鍾意食魚肉燒賣入面有豬肉嘅朋友燒賣炸到脆，卜卜點埋佢中間嗰個辣醬好好味講到最緊要就係佢嗰個炸薯條入面真係炸魚薯條 🍟 一啲都唔覺得厚粉，我哋兩個仲爭住食添仲要好抵食 $58🎈港式-芝士汁吉列豬扒魚麵撈吉列豬扒，唔會好乾身 本身好驚太熱氣，但係見到佢揸出嚟又唔係燶 呢個麵有啲似嗰啲西式fusion菜 仲配咗少少蕃茄好開胃👍🏻🎈我要自由點 佢好似車仔麵咁樣，可以自己加餸我叫咗紅卜卜麻辣湯做湯底芫荽魚麵＋ 墨魚丸＋蝦卷由於我哋係芫荽控 所以一見到芫荽兩個字就已經唔使諗 可能係魚麵嘅關係，好彈牙食得出有芫荽味 可以encore🍽️🎈Fish-chos・扮墨西哥魚皮最後呢個真係眼前一亮 佢用咗魚皮去代替平時嗰啲墨西哥薯片 得閒外賣都可以叫黎送酒👍🏻

接受唔到魚嘅腥味、怕鯁骨嘅我一向都好少食魚🐟不過，對於炸魚、粟米斑塊等唔會遇到以上問題嘅食物我可是來者不抗於是，見到魚事者呢間主打創意魚料理嘅食店我就即刻要去啦😍！如是者，今次特意搵咗個好鍾意食魚嘅朋友同行見到有得食魚，佢當然好興奮只係佢估唔到，呢度冇得食最傳統嘅蒸魚🤣所以我覺得，食店嘅目標客群話唔定係好少食、甚至唔鍾意食魚嘅人😆Menu入面好多菜式都好特別所以我哋就決定嗌多幾嘢嚟試下🤤🤤黑蒜油木魚湯沾魚麵🍜 配熱朱古力（$73） 呢個我超級鍾意😍😍強烈推介！第一次食魚麵，比其他麵食落爽口彈牙 黑蒜油木魚湯非常惹味，加埋一齊食太正啦😋川式-麻辣鴨絲魚麵撈🍜 配熱蜂蜜柚子茶☕加配魚湯翡翠苗（$86）相比之下，嗜辣嘅朋友就鍾意食呢個麵多啲話佢嘅麻辣能令人一口接一口食過不停而辣度亦相對溫和，唔太食得辣嘅人都可以一試咩都有啲小食拼盤 （$71）有口感爽口嘅炸魚條有香口嘅炸燒賣同炸芫荽燒賣 仲有脆口嘅雞軟骨😍我哋額外加咗鋪頭特製嘅手工魚辣醬（唔使加錢）發現比隨盤附上嘅酸甜醬更適合佐菜🤣Fish-chos. 扮墨西哥魚皮 （$33）平時魚皮食得多 配墨西哥牛油果醬你又試過未？鍾意食墨西哥菜嘅朋友

比起一般嘅麵，個人比較鍾意食彈口嘅魚麵，可惜唔係好多地方有，同通常都比一般麵再貴D。所以屋企附近有呢間專門食魚麵，價錢又非常合理嘅魚專門店，的確係好正！呢到嘅魚麵非常有創意，fusion左唔同菜式嘅味道，有咖哩、冬陰功、四川麻辣、卡邦尼等，好有特色！🌟Double扒魚麵撈$90- 真係好豐富，同時有雞扒同豬扒，2塊都大大塊，煎得香脆肉質juicy，包保食到超滿足- 配上咖哩魚麵，魚麵本身好彈口多魚肉香，咖哩比較辣香，啖啖惹味。🌟Don't陰功魚麵2.0 $90- 都幾特別嘅配搭，冬陰功湯底本身好辣，配埋芫茜魚麵真係double刺激味蕾。配料都幾多，有魚片、魚皮餃等。🌟咩都有啲小食拼盤（秘製炸魚無薯條、炸燒賣、炸芫荽燒賣、雞軟骨）$58-呢個拼盤真係好抵好豐富，個人最鍾意秘製炸魚無薯條夠特別，薯條嘅外表，入面係啖啖魚肉，感覺健康！- 另外燒賣都炸到好香脆，仲有粒粒雞軟骨，食到好滋味。個人覺得如果想食最natural嘅魚麵，可以考慮點湯類，不過創意fusion款式都幾特別有新意！

成日經過見到依間 就係無行入去 再望一望佢食評 零負評喎 一定要試下啦 鋪頭光猛寬敞 連器皿都好有兒童感 令人好舒服嘅一間店嚟啊真係絕大部份都係魚嘅作品 戴定頭盔 我係好鍾意食魚 今次揀咗 黃金魚彈彈+羅定魚腐 蒜油香雞翼魚麵撈咩都有啲小食拼盤炸魚狗腸（他他醬）我最鍾意條腸 其實佢係一舊炸魚餅 扮成炸熱狗嘅樣 配埋個他他醬 非常夾 佢唔係用粉炸 而係成舊餅直接扔落油炸 炸起嚟咪似新鮮炸魚蛋咁款 所以表皮脆脆而魚味好濃魚肉又彈牙 滿分好想佢就咁開一間小食店 賣佢喱款嘢配唔同醬應該都好好生意啊 最重要係魚肉應該健康過腸吧小食 佢包含咗四樣嘢雞軟骨 炸魚條 兩款炸魚肉燒賣（一款原味一款芫荽） 不過我覺得燒賣同雞軟骨無乜特別 炸燒賣嘅芫荽味係無芫荽味嘅當然佢哋都係成舊魚肉燒賣嚟 都係彈牙有魚味 不過無必要分開兩款囉 基本上兩個味係同味架係炸魚條吸引啲 佢個名叫炸魚無薯條 係將魚條炸成薯條咁樣 口感好特別 佢將薯條嘅粉感換成魚肉嘅彈牙 都炸得好好味 仲有泰式甜酸醬你點 可以叫佢俾埋辣椒油 佢有得買現成一樽樽 但我唔覺得有咩咁特別啦支辣油雞翼好入味 而魚麵條就用蔥油撈過 但我自己就麻麻地依一款