金鶴拉麵 (荷李活道) (已結業)

早喺幾年前已經試過佐敦嘅分店，當時對呢間拉麵店嘅印象非常好，今日就去咗中環店。而家出咗套餐，可以選1人、2人或4人餐，包拉麵、小食同埋汽水，仲有串燒一人餐。今次揀左金鶴雞白湯拉麵 + 唐揚炸雞 + 汽水 （$128）唐揚炸雞 雞肉外脆內嫩多汁，上菜時熱辣辣，應該係即炸，點完都要等10-15分鐘先有得食。金鶴雞白湯拉麵湯底係用赤雞熬製6小時而成，呈奶白色，質感少少稠身，口感濃而不膩，口感順滑，好似飲緊新鮮嘅雞忌廉湯咁，飲後不會有口乾或黏口的感覺，好鍾意呢個湯底，食完碗麵之後真係飲晒全碗湯。麵質略帶粗身，份量都算多，不過麵煮得過淋。另外配有糖心蛋、2大件慢煮雞胸肉、1片薄薄的慢煮叉燒和炸牛蒡做點綴。雞胸肉同叉燒非常滑和軟嫩，吾鞋口；牛蒡炸得非常脆和呈金黃色，口感香脆，配菜都整得唔馬虎。

沒有晚市堂食的日子，外賣便成了家常便飯假日鬆一鬆少不了小酌一杯串燒當然就是最好的良伴了！叫了好幾款串燒，在家吃吃喝喝，一樂也！！鰻魚挺厚身的，燒汁夠入味肉腸加上醬汁，更為Juicy黑豚肉更是啖啖肉，很是惹味！魷魚筒很大條，一人食的話已足夠飽肚！加上燒汁很滋味炸雞有淡淡的檸檬味，不但不油膩，甚至還挺清新的溏心蛋夠溏心，一口咬開就爆心！

尋晚去左試呢間拉麵。同平時啲拉麵店唔同嘅係，呢間啲檯同檯之間嘅距離好遠，可以坐得好舒服，唔洗逼住曬咁坐。每人都叫左一個一人套餐 $128，可以揀一款主食、一款小食同埋一款飲品。🍜金鶴雞白湯拉麵呢款視乎係呢間拉麵店嘅招牌。雖然我走蔥走筍，但碗拉麵上檯嗰陣望落都仲係好靚。雖然唔係揀極濃湯底，但其實呢個已經好濃，飲多幾啖都已經會覺得好飽。拉麵上面有一條條好似係牛蒡絲嘅野，浸湯幾秒咁食，脆脆地甜甜地，幾好食。但朋友話佢嗰碗啲牛蒡絲有啲苦，可能碗碗唔同。仲有兩塊雞胸肉同埋一大片叉燒。雞胸肉完全唔鞋，仲好有雞味，好好食。叉燒好大片，食落都幾香，幾好食。🐥唐揚炸雞張單寫三件，我以為會係三粒炸雞咁，點知原來每件炸雞都好大件！好抵！炸雞新鮮炸起熱辣辣，雞肉嫩滑。隔離仲有啲好似柚子鹽咁嘅粉可以點，點完好香好好食。推薦！🍢燒黑豚串有兩串，每串有三舊。燒得好香，好食。肥瘦相間，一啖食一舊個口感同味道好豐富。總括而言，我覺得呢間嘅雞胸肉同小食都好出色。湯底都幾好。如果下次再黎，可能會試多少少串燒同埋小食。

今次第二次黎都係叫佐黑蒜油拉麵，拉麵上檯嗰陣好香會覺得個麵應該好正好好食但食落去.... 其實一般，可能因為湯底唔夠濃雞肉依舊好滑，雞胸做到甘，實在難得！叉燒都幾香既！係麵一般另一碗叫佐鹽味拉麵我無食，不過我問食嗰位咩評價, 我問係唔係無乜味。。佢答...’唔可以甘講！甘鹽味拉麵嘛！係甘架喎！咪鹽味拉麵甘既味囉？’😑都明既！其實鹽味拉麵又可以有乜特別味呢？所以應該評為做得恰當🤣個人鍾意濃味，所以同鹽味拉麵無緣唐揚炸雞上次食覺得好好食！今次我覺得一般個粉係好特別既！不過唔知係唔係第二次食，無佐驚喜甘！順帶一帶，呢間感覺唔太夠冷氣，食完流哂汗甘🥵

2019年6月22日 星期六今日難得地得閒，最後決定自己一個出街周圍行吓，係中環既行人電梯行到咁上下覺得肚餓，就諗住喺附近搵啲嘢食，見到有間食拉麵就入左去裏面既裝修好有風格，好似日式高級西餐廳咁，寧靜得來又有格調店員好細心同我介紹咗有啲乜嘢推介食物，其中蒲燒鰻魚飯好吸引我，雖然呢間主打係拉麵，不過都決定要試一試呢個鰻魚飯。另外仲叫咗炸雞同塘心蛋先黎既係炸雞，每一舊都好大件，碟嘅旁邊仲有柚子鹽俾我去再調味。咬落去外皮好脆，d肉汁即刻流晒出黎，裡面既肉質仲係好嫩滑，完全無炸過龍跟住有塘心蛋，中間蛋黃既部分真係煮得岩岩好，有少少凝固但唔係全熟，點埋頭先炸雞既柚子鹽一齊食就更加滋味最後黎既係蒲燒鰻魚飯，一黎到都有少少嚇親，因為好大份每一舊鰻魚都勁厚，仲厚過叉燒，而且咬落好惹味，每一個部分都有醬汁，魚肉又好有咬口，一個人根本唔會食得晒！！最少要兩個人share，但係咁好味既鰻魚我咪會浪費丫，就算飽到食唔落晚飯都要食埋佢飽到咁，仲要係中環地段同咁靚既環境，呢個價錢絕對唔過份~

別老是吃豚骨、蝦湯、魚介、味噌湯拉麵雞白湯也跟拉麵很搭配。此金鶴位置易找，餐廳人不多，很快有位置點了招牌的雞白湯拉麵店員主動推介濃厚版的雞白湯拉麵首次來吃，先試普通的吧拉麵在5分鐘內便端上了拉麵賣相吸引配菜有炸牛蒡絲、叉燒、慢煮雞肉、溏心蛋先嚐湯頭。喝下清甜，不是很濃厚，也許是為跟濃厚版作強烈對比。牛蒡絲炸至乾身，沒有油膩感。叉燒散發炭烤味，肉質有點老。雞肉，薄薄的，偏爽的口感。小食唐揚炸雞雞肉與雞皮一起炸，肉質不會過乾，沾上檸檬鹽，酸酸咸咸的。