Cafe 1950歐陸餐廳 (已結業)

我自己好鍾意 “蒲” café， café 同一般既餐廳俾我既感覺好唔同，餐廳好似只係一個offer食野既地方，而café就比較人性化。除左食仲可以玩，一邊食一邊閒聊，既優閒又更有gathering 既感覺！所以我同朋友仔一得閒就去周圍試唔同既café！今次特別d，我地去左間係屋村既café，佢叫cafe1950，順便pre-Christmas party！一般既café都係食西式野多，呢間就主打德國食物，仲有酒精飲品叫，夠哂特別！次次講起德國菜，就會即時聯想起豬手同埋腸拼盤！我地好似很有默契咁一開始點菜就叫了呢兩樣：德國式燒啤酒豬手配酸菜最欣賞它係切碎上，唔使自己切到死下死下！而且皮脆肉嫰、外脆內軟，好好食！肉腸拼盤酸菜呢個好抵食，唔使$100就可以食到6款腸啦！我最鍾意那波子腸，肥嘟嘟咁好得意！不得不提既係呢款招牌菜 – 啤酒雞見它的賣相已好特別，是用啤酒承著隻雞上菜的 XD真係名副其實用整罐啤酒來醃製！所以食落真係有點點既酒味，感覺特別！  來到CAFÉ，無理由唔食CHEESE CAKE架，所以我地就叫左3款唔同的CHEESE CAKE來試下 (根本是自己想食……HAHAHHAH

去Café而家好似係一種文化咁, 以前café未興起前, 好多時約朋友都係隨便吃一餐, 之後先會搵間bar 又或者食糖水再hea下, 不過而家有café, 好多時都combine左hea 加食的時間, 而我自己都比較喜歡這種模式既飲食態度! 所以近年都會周圍搵下d新既café試, 今次就來到屯門呢間café 1950啦!由於朋友仔都比較愛吃香口野, 今次都揀左d比較濃味及煎炸野多!前菜我地叫左好幾款, 比較深印象的是石鍋蔥花一口牛、蜜糖芥醬雞軟骨同軟穀蟹紙米卷。一口牛我覺得好有鮮味, 蔥花既味亦好夾, 咬落去好有肉汁好鮮味! 雞軟骨就炸得好香口, 夾埋個芥辣醬, 咬下去雞肉與脆皮的比例好好, 唔會皮厚肉少! 而我最最最愛的就係軟穀蟹紙米卷啦! 外面的紙米好煙韌, 內裡的軟穀蟹同生菜就好爽脆, 外軟內脆加埋個沙津汁, 成個感覺好有口感同好fresh! 至於主菜我就深情推介豬手及個啤酒雞! 首先是豬手, 我唔睇價錢就咁食真係有中上環一d德國餐廳的水準, 不過價錢卻$100都唔使, 真心覺得好抵食! 而啤酒雞就拎晒造型獎! 一上台朋友仔已 “哇” 左一聲! 我辛辛苦苦成功搶了雞脾一枚 (笑)