品香樓中西風味餐廳

营业中

休息中

品香樓除左係附近大學生嘅聚腳點，仲有超多屋邨住客捧場，開業多年仍然人氣不減，有多款港式鑊氣小炒，啱哂成班人聚會夠哂熱鬧！—— 風沙雞 (半隻) $155必叫！炸得超靚金黃色，外皮好酥脆，雞皮真係好好好好食，啲脂肪炸到出哂油，濃郁鹹香，大量炸蒜灑上去一齊食，超正！—— 火焰蜜椒牛柳粒 $123上枱仲著緊火，好keep到熱辣辣🔥牛柳粒軟腍，有大量三色椒同薯仔，醬汁甜中帶辣，黑椒味出哂黎，好食！—— 啫啫通菜煲 $98份量十足！通菜炒得鮮嫩唔黃，口感清脆，好惹味！—— 七味椒鹽豆腐 $88豆腐好滑好柔軟，外皮炸得乾身香脆，完美包裹每舊豆腐，仲要大大粒，普通椒鹽調味已經食到停唔到口😂—— 回鍋豬頸肉 $88濕炒薄片豬頸肉，香辣辛香，嫩滑入味，不過食到後面略為有啲油膩—— 凍朱古力 $28名物之一！幾乎每枱必點！朱古力味濃郁，加埋忌廉更滑，唔會太甜🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 品香樓中西風味餐廳 (石硤尾)南山村南山商場平台204-5及210-13號舖

十年前老公介紹我嚟食過兩次，當時我讀緊大學，覺得老公好識食。早幾日老公心血來潮，想食Book咗位。餐廳環境同食物水準真係十年如一日，仲係咁好食，同地方幾整潔。十年前去學校接我落堂嚟食晚飯，咁啱今日公司Course，都係嚟接我落堂。我哋唔再係十八廿二，唔敢挑戰頗具名氣嘅凍朱，太邪惡了開胃小食：鹽香花生，好脆無油溢味。南乳炸豬手，炸得好香脆入味，咸度啱啱好，外皮脆口肉質嫩滑，本身好夠醬油味，唔點南乳，淨食已經好好味。一份大約5-6件，每一件都好多肉。啫啫通菜煲，通菜好新鮮翠綠，上枱後即刻倒醬汁「咋」~ 熱辣辣！醬汁帶有蝦醬同腐乳味，同通菜簡直係絕配。香蒜黃金蝦，略為遜色，因為唔夠味，蝦肉彈牙新鮮又大隻，但唔入味。值得大讚嘅位係滿佈咸蛋黃，而唔係溝淡咗咸蛋黃醬！每隻蝦外殼都食到咸蛋黃嘅咸香，和沙沙的口感，食到最後下面仲有大把咸蛋黃粒老公一路食一路話味道keep得到水準，清曬枱面所有餸，食到好飽好滿足。我哋仲講返十年前拍拖嘅開心事，結婚生BB之後，頭幾年無曬二人世界，唔再係男女朋友，用另一個身份再來食回憶別有一番滋味。

《City人必食品香樓👍🏻》-品香樓 - 讀得city嘅冇可能唔識‼️ 大份夾抵食👍🏻🥰我哋都食過幾次🤚🏻所以今次就當回顧，介紹俾冇食過嘅人🫶🏻就入嚟嘅freshman bb可以做定功課先📚-🔹火焰蜜椒牛柳粒🔥🐮 $118 (必點‼️）依個唔講得笑，我俾滿分💯牛柳係入口即溶，我呀婆都食到😂👵🏻完全冇用過力咬，佢啲薯仔仲要係脆邊🥔唔會令人淨係focus喺牛到話明火焰就當然有火啦🔥正正因為佢點住火reheat，食到尾啲牛都係熱嘅👍🏻👍🏻🔹啫啫通菜煲🥬 $88上菜個陣會另外俾一個鑊仔你🍲喺廚房炒完，會再喺你面前落鑊我初頭以為都係gimmick嘢😂 但原來佢本身都好夠啫啫味 （即係落鑊啲炸炒聲😂）鑊氣好夠👍🏻✨送飯一流不過食完身上面會有味😂如果怕嘅就唔好嗌啦🔹風沙雞🐔 （一隻） $268炸外脆內嫩👍🏻加埋面頭嘅蒜粒更加惹味🧄不過覺得有啲偏咸🤏🏻🔹港式脆煎蠔餅🦪 $88炸得幾鬆脆✅蠔仔唔腥👍🏻但因為落得太多油，所以先咁脆，同埋size嚟講有啲細🤏🏻不過都已經係數一數二好食😋🔹菠蘿咕嚕肉🍍 $98今次有啲唔掂👎🏻啲肉偏韌，外皮炸得唔夠爽脆 一咬落去太實，做唔到外脆內軟😾🔹七味椒鹽豆腐✨ $8

💭品香樓，唔知你讀U 個陣有無黎食過飯reu 呢😎食既唔係話有幾好味，而係同朋友相聚既回憶！依家慢慢大左，由以前十幾人既reu 到依家可能小貓三四隻既reu☺️黎品香樓食飯既味道都係一樣架😝🌸啫啫通菜煲🌟🌟🌟🌟jarrrrr jarrrrr 聲既通菜煲，好油，但好食！好有鍋氣的感覺！熱辣辣既通菜煲真係好正！🌸沙拉骨🌟🌟🌟沙拉骨就係要有好多沙律醬+ 罐頭蜜桃先好食！ 味道絕對係記憶中的沙拉骨的味道🤗但唔知點解上菜既時候碟沙拉骨已經凍凍地😰所以無熱辣辣入口時個種滿足🌸生炒糯米飯🌟🌟🌟生炒糯米飯雖然好un 胃，但每次有得叫我都會叫黎食😎涼涼地食糯米飯真係會特別暖😎🌸凍朱🌟🌟🌟🌟🌟黎得品香樓，相信每檯客都會有人點凍朱😎邪惡既cream 加上甜甜既朱古力，好肥！ 不過呢杯野絕對係讀大學時既回憶！

啫啫通菜煲$68好食又唔貴！味道唔錯，上到黎滋滋聲㗎！蜜桃沙拉骨$85，味道ok，係沙律醬少左d！椒鹽九肚魚$88，九肚魚好大條，炸得好靚！好鬆，一d都唔柴！白飯$13一碗，有d貴！仲以為$10 兩個人3個餸+2個白飯，食唔晒，打包加$1。盛惠$268

以前喺city讀書，好多時都會嚟到呢間餐廳食飯。呢間可以話係city人嘅飯堂。點解？因為學校行過嚟都只係10分鐘倒，仲要又平又好食呀。不過我會建議大家夜晚來食的，因為如果黎晏晝嘅話，係普通茶餐廳菜式。夜晚嚟嘅話，啲小菜正好多嫁。呢日晚市嚟到，一入嚟，循例探下體溫就坐低了。職員都好快比左餐具我哋，仲有呢碟前菜菠蘿。識飲一定係飲凍朱古力，有cream 嗰杯就係了。隔離嗰杯係凍阿華田。一到晚市，佢地ge凍朱古力上面就會加層cream 都叫有d 新意。我會將啲cream撈左入啲凍朱古力入邊一齊飲，甜d啲邪惡啲。不過呢一日朱古力嘅味就唔係好濃。阿華田都係，溝得太多水同冰，搞到有啲淡，如果重返少少味會好啲。啫啫通菜煲，呢個餸真係好香。職員會分拎住個好熱ge 煲同菜出黎，係你面前炒呢個餸。 一路炒，個煲一路發出啫啫聲，重會聞到好香蒜頭味同埋菜味。未食都覺得吸引。菜嘅配料唔多，都係就咁用蒜炒。可以食番通菜本身ge 味。通菜莖唔會炒得好林，食落口感會爽的。想食林d 就食菜葉喇。我會夾啲菜上飯度，等d 飯可以撈埋d 菜油一齊食。南乳雞翼，呢個餸真係好出色。雞翼醃得好好，連d 肉都有好香南乳味，外皮金黃香脆

【品香樓中西風味餐廳】『香港篇-深水埗區』大排檔黎講，相信各位識食既鍊金術士心裡面總有一兩間情宜結，同班兄弟姊妹暢所欲言有咩就飲杯先講。而品香樓亦係我地一間由中學到大食到大既大排檔之選。同樣地，今日約左中學同學打波，當然要去番舊時既大排檔啤啤佢，吹吹水啦!!今次黎講我地人小小得兩個人，所以要食緊係食精選野。大排檔真係唔洗諗，肉是必須的，養生既中佬一定係要食菜，再加上品香樓必叫朱古力，最後就試試大排檔新寵兒 – 黃金魚皮啦。肉黎講，我地就揀左品香樓既招牌菜 – 風沙雞(半隻)。風沙雞既意思就係炸子雞再加炸蒜撈埋一齊黎做(唔係瀨尿牛丸) 。今鋪就真係失望，上台算係幾快既，可惜D皮就只有一半係脆既都唔緊要。咁就試D肉啦，估唔到D肉竟然未熟透，咬到去骨位竟然仲有血流出黎。相比以前既質素黎講真係失望，多人食忙既話都唔怪佢。可惜當日都只有幾台客，依然係咁既質素，唔知係咪想趕走D捧場舊客呢。講下個菜啦，啫啫通菜煲菜反而唔錯。一位有特殊問題既員工細心服侍我地，燒紅左既鑊再加上岩岩炒起既通菜，果然挽回番小小分。不過就略嫌鹹左小小，可以接受既，加番D誠意分啦。最後就講下大排檔新寵兒 – 黃金魚皮，呢道菜都