四季常餐 (德輔道中)

营业中

休息中

中環區大眾化茶餐廳高質 中價 大份四季茄牛通常餐指定食物真係好大碗茄味好香濃酸酸甜甜好開胃通粉彈牙牛肉嫩滑完全唔似其他食肆牛肉又鞋又韌不過漂到有點白值得一試滑蛋又係好出色都係嫩滑 再加有蛋香配上厚切多士熱辣辣香脆口感滿足整份常餐每一個細節都處理得好好味道口感配合非常好明明唔太肚餓最後食曬成份

好耐無食過，見過開黎就特登入嚟食，叫咗四季茄牛通常餐。個茄牛通水準跌咗好多，好明顯睇到係通粉上而淋個似係工場一早整定/或者開出嚟嘅番茄湯，唔似用新鮮番茄整出嚟，上面啲牛肉就咁放上去，微溫🫣，其實唔難食嘅，但我唔會再叫黎食。印象中以前係成個番茄通同牛肉一齊煮，仲食得出係用新鮮蕃茄整，好濃味。個炒蛋係滑嘅，但係完全冇蛋味，似係食緊一堆鹹嘅黃色汁😅唯一可取係個多士，入面好軟熟。唔知係咪叫錯嘢食😅😅

中環嘅冰室來講呢間都算受歡迎🤣 環境乾淨企理都算係一大賣點👍🏻 食物質素方面不過不失 但係侍應黑口黑面 落單無禮貌真係無乜意欲再訪🌚非常需要改善⭐️ 四季茄牛通 🍅值得一讚既係賣相好企理🤩 面頭仲有香草添 🌿 蕃茄味OK新鮮夠濃郁🥳 唯一缺點係通粉比較淋😟⭐️ 炒蛋多士 🍳炒蛋滑度正常水準 💛入口Creamy 但係偏油少少⭐️ 熱奶茶 ☕️入口幼滑 奶同茶既平衡不錯🫖⭐️ 四季常餐 (中環)📍 中環德輔道中88號地舖

中午在中環找快平午餐真的不容易，一個人趕去下一場工作最好當然就是吃茶餐廳！！這間茶餐廳長期很多人，我最愛的常餐都有幾款選擇，雖然座位不算太舒適，但快食就沒關係～🔹四季茄牛通 $50常餐皇牌蕃茄湯牛肉通粉配炒蛋多士😍首先份量很ok，蕃茄湯底很足料甜度高而且很稠，每一口都好像喝得到蕃茄蓉般～牛肉不難咬也有牛肉味，如果可以薄一點會更好咬；值得加分是牛油多士烘過，牛油完美滲透在多士面層，鹹香滿滿又脆口，厚度亦很適中😋😋吃完會很飽肚。比較可惜是飲品方面沒有鴛鴦，而且我叫了凍奶茶少甜，茶底苦澀，加奶都不能平衡味道，最後我放棄了整杯飲品😨希望下次會喝到一杯正常的飲品...

中環嘅午市好繁忙，呢間門外嘅人龍打蛇餅，就知道佢平靚正。常餐$50午餐選擇不多，就四款。[] $60炒蛋略嫌熟左啲啲，不過整體係非常好味。呢到嘅秘製豉油汁鹹香味好正，配飯真係一流，叉少就瘦左少少但質素ok! 配埋炒蛋真係一啖接一啖。份量比較細，女仔都輕易食得哂。[]呢個就有少少失望了，原本以為湯底會好濃稠，可惜比較稀，蕃茄味微，但勝在無咩味精，酸酸地。牛肉比較乾柴，難咬開。厚多士配滑蛋就無得輸啦。

中環係我眼中食乜都貴，連最平民既常餐都變得不平民…….但居然有餐廳係中環區做到$50有找既常餐!!! 唔太肚餓既我同友人，當然要撐下啦!🤗星期五晚市時間，餐廳人流唔多，無需等位。晚餐選擇唔算多，6款飯同3款麵，友人表示好耐無食沙嗲牛肉，所以二話不說點左個特濃沙嗲牛肉公仔麵 $48湯底如其名，真係好濃沙嗲，我個人唔中意濃花生味既沙嗲，呢個正合我心意😋。公仔麵煮到偏硬，我中意。沙嗲牛肉亦比得慷慨。四季茄牛通 $48我一向都中意食羅宋湯通粉，本以為呢個茄通應該同平時食開嗰d大同小異之際，先現我諗多左😮。呢個湯偏酸，味道比較素，個人唔太中意個湯；牛肉口感ok，唔會好乾好鞋，可以接受。常餐包招牌炒蛋+多士老實講，個賣相真係呃得下人，燈黃色既炒蛋，配烘到少少燶既多士，根本就係我杯茶!! 😏可惜，多士已經放左一段時間，唔再脆口，而且仲有少少韌既口感；多士牛油味好濃，相信如果新鮮出爐，應該好正。🤔 至於招牌炒蛋，我同友人都認為唔好味😣，一黎完全無蛋香，二黎炒到幾碎，三黎幾鹹，個炒蛋食落有雞粉/味精味，個人覺得齋落鹽調味其實已經好夠，唔駛加咁多野。

在 Staycation 期間，返工前找地方食早餐！想到位於中環德輔道中對住電車路的新茶記 <四季常餐>； 當時，食客入座已經要戴口罩嘞！第一次幫襯，已嚐過這裡的蕃茄牛肉湯通粉早餐， 第二次預多些少時間，叫埋炒蛋多士更豐富飽肚！ 早餐 (8:00 ~ 11:30am) 四季茄牛通 $38 常餐 (8:00am ~ 9:30pm) 四季茄牛通 & 炒蛋多士 $48四季茄牛通 色澤鮮紅色的蕃茄湯，湯底濃郁，酸香醒胃！ 牛肉軟腍易入口，坑紋通粉軟硬適中又入味！令人回味無窮！炒蛋多士炒蛋仍有蛋汁，濕潤滑溜！蛋味香濃！多士香脆，與炒蛋同食，就是香脆版的炒蛋三文治，難以抗拒呢！熱檸檬水有3片檸檬，充滿檸檬果酸，含有維他命C又健康！以中環區地舖來講，略嫌有點貴，久不久食一餐也可以！