上海老家 (已結業)

親民正宗川滬菜@大角咀 上海老家的裝潢平實，就是做街坊生意那種小店，但食物做得正宗美味！由奧運行過來只需數分鐘，地點不算難找。 侍應事先詢問我們吃多辣，服務很周到，因為我朋友只吃到小辣啊，哈哈～ 餛飩肉餡豐富彈牙得很，餛飩皮既薄且滑。除了淋上辣度適中的紅油外，蔥花和蒜泥也是下得豪爽，非常惹味 素鵝鹅以腐皮包裹冬菇等材料製作，是傳統的上海名菜。腐皮摺疊後炸得酥脆香口卻輕盈不油膩，而且真的有燒鵝的口感，原來素菜可以如此精緻可口呢  擔擔麵的賣相看似簡單樸實，然而入口就知道味道一流，麻醬香濃濃稠佐以肉碎，麵條細滑有咬口

大角咀有間上海菜館，鋪頭唔算太大，不過有大圓枱好適合一家大細食下飯傾下計。酸菜魚🍲大大件魚塊啖啖肉冇得頂👍🏻👍🏻👍🏻最特別加左萵筍咬落好爽口，吸晒d湯好好味呀，湯底好濃好正，真心推介。蒜泥白切肉🥒肉切得薄薄一片夾埋蒜蓉一齊食好開胃，仲有青瓜吸晒d汁做小食一流。四川擔擔麵🍜湯底好香花生味加埋肉碎碗麵就正喇。真係要講下個甜品🥣桂花酒釀湯丸：桂花味好清香，一小盅有兩大粒湯丸，好香芝麻味，甜品迷必點的。

喺網上見到呢間餐廳近排好多好評，上個禮拜就專程去到大角咀試吓佢哋係咪真係咁好。估唔到晚上大概6:30鐘佢哋嘅場已經坐滿晒客人，我等左大概半個鐘頭先至入座！佢哋嘅員工知道我等得耐，係我入咗之後都有安撫我🥺同埋提醒我下次嚟之前預訂左先會比較好。 四川擔擔麵走辣之後，佢嘅湯底唔係咁濃稠，但飲起上嚟係好香嘅花生味，肉碎好多，食得出個麵係佢哋師傅自己搓，好好味！雖然冇食評講到咁浮誇，但佢哋嘅嘢食的確係真材實料，相對於其他上海菜館黎講係好食