素年 (福隆大廈)

营业中

休息中

終於夾好時間等12點左右開舖就去，避開繁忙時間排隊人潮。地點恰好是玩具街（福榮街）姐妹街福華街尾，往長沙灣方向，旺中帶靜位置。舖面小巧淡雅，枱小但不過份逼迫。首當其衝的印象是侍應完全「食腦」下單，沒手寫沒裝置下單沒覆述情況下，單靠我僅說一次吃麼喝麼就已牢記，連飲品少冰也是分毫不差，大概該美女的聆聽考試也考得不俗。主食份量如是說：偏巨。部分少吃或慣七分飽之素友下單時可預先告知「扣底」。濃味愛好首推「四川麻辣意大利粉」，一小撮藏紅花鋪面好省會風味，辣大過麻，辣度約小辣，切絲豆斗輕易入味，無可否認不喜辣也對此愛不釋手。用雞脾菇莖造成的模擬「帶子」幾可亂真，有沁甜感，本身已很童趣的紅酸模葉呈落葉姿態隨便散落，濃厚黑松露白汁當中再有切角粒的雞脾菇身影，碟大，飯量也足有三碗。還在疑惑薑黃福花（椰菜花同鄉）怎做乳酪甜點時，試一口時覺得可歸類沙律，乳酪是牛乳味但淡的，除了表面的藍莓外，難為鹹甜定分界，就是用了食物本身最原始的味道作結。已指示少冰，真正做到，帶點淡淡薄荷香的伯爵茶來是就三四小顆冰塊，杯子大，份量比一杯凍飲多四分一，走糖，正合意。並且自動「走塑」，預設沒飲管。下次再來，希望不用數年⋯⋯

响open rice揾嘢食， 咁啱會去深水埗買嘢，咁就搵下深水埗有乜嘢食啦～最後搵咗呢間素年入咗去。當時冇為意呢間素年係食素嘅，入到去睇到餐牌先知，叫咗個自己鍾意嘅有辣味嘅意粉，老公就嗌咗個咖哩飯， 雖然等耐咗少少時間，但係一食發覺原來啲嘢食好好食呀。坐位坐得不太舒服 ，但係嘢食絕對值回票價。跟住見到隔離兩怡都嗌咗兩碟綠色嘅飯 ，真係好好奇係乜嘢飯，下次一定會再去食。

因為朋友係素食主義者，所以想試吓呢間餐廳。見佢性價比較高，而聽其他人講又好似幾好食，就選擇去試吓啦！見到個餐廳都幾滿座， Waiters雖然唔算太多，但係覺得佢哋都冇因為有太多人，而怠慢。見到餐牌睇落啲嘢都幾好食，本來入到嚟想要個定食，但係我諗嚟諗去最後揀咗個四川麻辣意大利粉我個意粉好快就到咗，但係朋友個日本定食就等咗一段時間。可能佢係因為想等多啲order落到嚟先至一齊煮。其實本身我唔係好鍾意fusion意粉嘅，因為好多時候都覺得啲人整得唔夠 Al dente。呢個食落口嘅意粉，雖然冇平時嘅咁煙靭，但係佢嘅煙人程度同啲味道好match。如果唔食得太過辣嘅人食呢個可能比較辛苦，我自己就不斷喺度飲水，但係辣得好爽。 呢個面配埋玄米茶都真係好唔錯，可以消到滯。總括嚟講係一間好好食嘅餐廳，下次會再帶啲屋企人嚟食！