Layback Cafe & Bar

营业中

休息中

又係百樂中心呀，好多好味的食店雲集於此，試下依間又確係唔錯喎。食件薄餅摸下酒杯底傾下計，可以選擇依間。 四川黑糖單骨雞翼 $118雞翼炸得香脆，撈上花椒和黑糖，辣中帶甜頗有新意和好味。 西班牙火腿水牛芝士薄餅 $158厚批餅底香脆塗滿茄汁，火腿滿佈味道唔算好咸，有火牛芝士做夾心，咬落去芝味滿足。 大澳虎蝦乾配北海道帆立貝龍蝦汁意大利飯 $168意大利飯味道濃郁好多汁，帆立貝軟滑，配埋虎蝦乾帶出咸香味，整體味道唔錯。 宇治抹茶草莓鮮奶 $68色澤鮮豔賣相討好，抹茶的苦澀過遇上草莓的甜，來得正好啱我口味。 Signature Deluxe Chocolate w/Oreo Oreo餅插於沙冰中，內有朱古力碎，好有朱古力味，甜度適中好飲。

如果想過一個寧靜既週末中午耀華街既樓上café都係一個好選擇，餐廳感覺幾cozy。不過座位同座位之間太貼，我想影食物相一啲都唔容易。同埋留意用餐時間，我當日12:45到，佢要求14:00交枱，不過香港生意難做，唯有體諒四川黑糖單骨雞翼🍖單骨雞翼外皮炸至金黃，外皮焦脆，唔好俾四川兩個字嚇到，只係微辣，花椒味好香，加上煮過既黑糖，微辣中帶甜蟹膏蟹肉卡邦尼🦀蟹子、蟹膏同蟹肉從來係絕佳配搭，意粉上面鋪滿蟹肉，將所有野撈埋一齊食，感覺好滿足八爪魚伴薯蓉薯蓉濕潤綿滑又creamy，有牛油香，八爪魚有咬口，兩者都幾match

如果唔係閨蜜帶我嚟，都唔知原來百樂中心樓上有間咁靚嘅Cafe，Cafe一旁有成排窗，透入自然光，環境舒適；仲有榻榻米，同唔少充滿心思嘅佈置，影相打卡一流！✨四川黑糖單骨雞翼 $118菜式好創新好fusion，有黑糖嘅香甜，同時食到麻椒嘅四川風味；雞翼外層脆口，內裡保持嫩滑，最正係單骨食起上嚟超方便！✨霹靂霹靂烤法國春雞 $188春雞外皮烤得微微焦香，脆脆地，皮薄兼且冇咩皮下脂肪，連皮食一啲都唔罪過。內裡肉質非常細嫩，每啖都好滑溜，而且幾入味。值得一提嘅係，伴碟嘅蔬菜同樣好味，吸收咗春雞嘅精華，入口雞油香氣四溢！✨大澳虎蝦乾配北海道帆立貝龍蝦汁意大利飯 $168吉列虎蝦乾都係第一次食，蝦乾味比鮮蝦更有嚼勁，而且蝦味更濃郁。帆立貝鮮甜，嫩滑，同蝦乾形成鮮明對比，兩種風味各有特色；意大利飯煙煙韌韌，龍蝦汁鮮味creamy，整體唔錯！✨Rose Latte $46玫瑰幽香，配埋香滑latte，啱哂我心水。✨Matcha Latte $48茶味奶味平衡，入口奶香十足同時帶有抹茶嘅甘香。