影片
港铁铜锣湾站 A 出口, 步行约4分钟
继续阅读
电话号码
92758618 (WhatsApp/ Signal)
开饭介绍
由尖沙咀搬迁到铜锣湾的café，装修简约，适合朋友聚会。供应薄饼、意粉、汉堡及沙律等西式美食。
继续阅读
营业时间
今日营业
12:00 - 22:00
星期一至日
12:00 - 22:00
公众假期
12:00 - 22:00
以上资料只供参考，请与餐厅确认详情
-
网上订座服务暂停
「Layback Cafe & Bar」位于铜锣湾百乐中心，好耐无黎，曾经嘅食街，原来已经不复往日，一幢百乐中心只余下八间餐厅，相信强者才能生存。Layback于菜式及Cocktail加入不同创意，大玩Fusion，的确系有啲特色。Mango Sticky Rice Cocktail ($108): 以椰子水做底，加入浸泡过糯米饭嘅Rum酒、斑兰，以及芒果泡沫调制，的确系几浓芒果糯米饭嘅味道，并不突兀，味道亦甜甜地，带少少Rum酒香，算系好饮。Pistachi-Yo! Cocktail ($108): 同样以椰子水做底，加入椰子利口酒、Rum酒，以及开心果奶盖调制而成，开心果奶盖超级浓厚香甜，出色，Base嘅椰子味突出，带点Rum酒味，味道比上一杯更甜，亦系好好饮。芝士拼盘 ($128): 拼盘分别有蓝芝士、布里芝士、无花果、杏仁、意式榄橄味饼干，由于蓝芝士于制造时故意加入霉菌使芝士发霉，所以有种独特而浓郁嘅风味，钟意食嘅会好钟意，唔钟意嘅话亦未必顶得顺佢嘅气味，味道较重咸香，适合配饼干食；布里芝士味道较清淡，口感较奶滑，基本上都系大众喜欢嘅味道。法式芥末子蜜糖烤羊架 ($328): 一客共有四件羊架，每件连住一大片脂肪，煎至非常香口，油香味重，肉质亦非常嫩滑且富肉汁，羊膻味唔重，仲配有露荀、小番茄，份量颇多。生拆蟹肉蟹粉拌韩国年糕配蒜蓉酸种面包 ($298): 如图所示，蟹肉份量相当多，绝对对得住佢嘅价钱，酱汁带有浓郁鲜甜嘅蟹粉蟹肉味道，内含韩国年糕，口感烟韧。酸种面包加入蒜蓉粒，焗至边位微微脆香，而面包本体松软，质素唔错。斑兰椰香芒果巴斯克芝士蛋糕 ($78): 市面上一系开心果，一系原味芝士巴斯克，斑兰味都系第一次食，斑兰味道较mild，唔会太浓，芝士味适中，质感亦几滑，加埋椰香及芒果酱，整体几清甜唔会太腻，几有泰式风味。
继续阅读
今晚同朋友庆祝生日, 特别找到一间充满气氛, 又可以轻松地畅谈, 仲可以坐上好几个钟头的西餐厅, 感觉又系Cafe, 但又有酒饮的餐厅, 当然食物质素都非常重要, Layback Cafe 确系好选择！！~<日本和牛粒配喜马拉雅山岩盐>和牛肉粒非常高质素, 烤得好香, 外焦内嫩, 牛肉味好出, 并带有肉汁, 岩盐同黑胡椒令到肉粒更加惹味。<龙虾扁意粉>龙虾汁做得非常香浓美味, 配上龙虾肉、蕃茄肉及意粉, 入口非常creamy好食。<法式芥末蜜糖烤羊架>羊架用上香草蜜糖等配料来烤, 烤得好香好惹味, 带有少少脂肪, 又嫩又香口。<Pandan Mango Basque Cheesecake>呢个班兰椰香芒果巴斯克芝士蛋糕, 带有淡淡的班兰香, 椰子奶香与芒果的结合, 令整件Cheesecake 味道更加丰富, 更加有层次。<Govida Espresso Martini>呢个cocktail 带有好浓厚的Godiva 巧克力味道, 同时Martini的酒味依然保持得到, 感觉好似饮紧一杯好浓嘅朱古力酒, 酒味好香而容易入口, 感觉好sweet。<The Dai of Life>绿茶味比较重, 酒的味道较轻, 并带有椰子水的清甜, 同样容易入口。今晚全场满座, 有好几枱客人都是和朋友来这里庆祝生日, 餐厅的服务员, 还会为客人唱生日歌, 令现场更加热闹, 我们今晚特别来庆祝生日食晚饭, 感觉更加有气氛。
继续阅读
约咗医生在铜锣湾洗牙⋯⋯晴天霹雳自己嘅牙齿要补九只⋯⋯唔系烂牙系刷牙太大力蚀咗🙈⋯⋯大出血洗咗一万多元😩⋯⋯洗完牙行咗一阵决定要饮杯Cocktail 平息吓自己嘅心情⋯⋯横掂都系梗系要拣间质素高啲嘅餐厅🍴⋯⋯开餐啦⋯⋯这间餐厅布置得，非常有feel⋯⋯去到见到我嘅偶像哥哥张国荣⋯⋯非常怀念佢⋯⋯Godiva Espresso Martini 🍸 超香浓嘅Godiva嘅朱古力⋯⋯每一口都口里便爆发朱古力香气⋯⋯加埋Vodka、浓缩咖啡⋯⋯Cocktail非常吸睛⋯⋯店员点火好似烧烟花咁好靓⋯⋯Mango Sticky Rice呢杯Cocktail非常清爽⋯⋯每一口都充满芒果糯米饭嘅香气⋯⋯加咗Rum和椰子水⋯⋯又香又甜，非常消暑⋯⋯西班牙风干火腿片3个月配季节蜜瓜蜜瓜超香甜⋯⋯西班牙火腿肉质香浓⋯⋯鲜嫩又不失结实嘅口感⋯⋯配以香甜嘅蜜瓜超正⋯⋯又甜又咸⋯⋯ Yummy⋯⋯生拆蟹粉拌韩国年糕配蒜蓉酸种面包蟹粉配年糕呢个新奇嘅食法，我都系第一次食⋯⋯但系出奇咁夹㖞⋯⋯店员喷上女儿红增添咗唔少风味⋯⋯顶层铺满的蟹肉⋯⋯香脆嘅酸种蒜蓉面包⋯⋯呢个fusion菜式一定要食⋯⋯北海道海胆帆立贝幼蛋面带子刚刚熟带有刺身嘅口感非常鲜甜丶新鲜⋯⋯蛋面吸收了金黄色嘅酱汁！特别好味！加咗海胆捞埋啲意粉😋好鲜味！Strawberry Matcha BasqueCheesecake抹茶芝士蛋糕非常浓郁！又绵密⋯⋯入口即化⋯⋯抹茶带有少少嘅苦涩味，加埋顶层嘅士多啤梨cream！口感超丰富！美食的确可以抛开烦恼！
继续阅读
朋友上网揾到呢间餐厅, 一入到嚟见到好多唱碟, 环境舒适气氛休闲, 我哋就坐咗喺窗边越夜越多人, 大家都三五知己, 一路食, 一路畅所欲谈我哋全部人都赞成order 生拆蟹粉拌北京拉面一上枱, 职员好细心问需唔需要落𠮶个酒.见到个拉面已经布满蟹粉同蟹子, 估唔到仲有extra一碗蟹粉, 真系份量十足😆大家都赞不绝口, 淡淡蟹粉！仲有估唔到配北京拉面十分match!韩国辣鸡卡邦尼配五花肉呢个睇落唔系话好花巧, 但系入口unexpect 超浓卡邦尼味之余, 带点辣辣地, 味道有几个层次, 真系超出预期 ！原条龙虾尾窝夫龙虾扁意粉北海道海胆帆立贝幼蛋面呢三个都见到食材好吸引，见到都垂涎欲滴！而味道各有特色！龙虾尾同龙虾肉啖啖肉, 肉质爽弹. 白雪雪嘅帆立贝肉质鲜甜. 海胆鲜美. 整体嚟讲, 无论份量同埋食材都小食我哋order咗风干火腿蜜瓜、蜜糖蒜香鸡翼、日本和牛粒蜜瓜又甜又juicy, 同风干火腿 perfect match. 鸡翼多肉, 炸得好脆口, 蜜糖甜甜蜜蜜好滋味. 和牛粒肉质软淋, 重牛滋味！饮品各人 order 咗四杯唔同Gin-Yum 正常味道, alcohol 同带草本味好balance.Strawberry Triple Chocolate 同Oreo三重朱古都系以朱古力维基础, 朱古力味浓, 而且有士多啤梨果肉, 认真唔唔错！都唔会太甜！开心果 Latte, 见到开心果嘅青bb已经好钟意, 而且面头满晒开心果粒, 入口果然好味！唔会大甜！甜品 我哋order 咗三件share黑芝麻及开心果巴斯克芝士蛋糕巴斯克芝士蛋糕入口流心软滑, 黑芝麻味十分浓郁, 会食到成口黑蚊蚊我太饱冇食到 Tiramisu, 仲有好饱都话好好味, 无论口感同埋湿润到都做得好好！
继续阅读
为食花太郎 Fafafoodblog Layback Cafe & Bar 🍴COcktail 108蚊mango sticky rice , coconut water , stickt rice infused rum, pandan, mango foam芒果糯米味好出 好有creamy口感 加埋椰子既香甜味 正🍴Cocktail 108 蚊Matcha yizu tonic . Clarified yuzu gin, matcha, tonic water 抹茶味香 带少少gin酒味同tonic既汽水口感 🍴韩辣鸡卡邦尼配五花肉198 蚊🐥🐖卡邦尼好香芝士味 好香浓 五花肉切得幼身入口弹牙 而且佢辣鸡汁辣得黎惹味 同芝士好match 🍴生拆蟹粉拌北京拉面 298 蚊🦐北京拉面好爽口 个设计好好， d汁有一半放左喺中式碗入面 蟹子好足料 蟹肉好新鲜 连埋黑醋捞埋一齐好爽滑 🍴日本和牛粒配喜马拉雅岩盐 128 蚊牛肉粒好弹牙 肉味够浓 点d盐同黑椒就好好味 🍴开心果巴士克芝士蛋糕78 蚊🧀🍰巴克芝士蛋糕好够口感 芝士味好香 个开心果味好香浓#巴克蛋糕 #芝士 #西餐 #和牛 #蟹粉 #拉面 #卡邦尼 #鸡尾酒 Score 平均分< 8/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻👍🏻Value for $ 性价比：👍🏻👍🏻👍🏻👍🏻Service 服务：👍🏻👍🏻👍🏻👍🏻~~~~~~~~~~~~~#laybackcafe&bar铜锣湾耀华街3 号百乐中心17 楼02 至03 铺~~~~~~~~~#fafafoodblog #为食花太郎 #fafafoodblog铜锣湾 ====================
继续阅读