Amplifier Restaurant (花園街) (已結業)

百物騰貴, 好多餐廳嘅菜式都縮咗少少水！ Amplifier 我第一次嚟, 所以唔知道嘅以前菜式嘅size係點！凱撒沙律真係覺得有啲細（我唔記得影相😭📷）有啲似跟餐嗰個沙律咁上下大！ 不過味道係好嘅,啲菜又新鮮！西班牙脆皮乳豬做得非常出色, 塊豬皮脆到好似薯片咁, 下面嘅芥辣非常惹味, 上面細細塊無花果減去油膩！四式芝士手工薄餅唔知點解會有 Pepperoni, 但係茄醬同芝士味道恰到好處, 唔會覺得油膩, 只可惜餅底比較厚同硬！12安士碳烤肉眼扒有少少貴（$420）, 唔太覺佢有炭燒味（如果可以放大啲炭燒味就一流）, 同埋廚師冇仔細改好份扒, 都有幾多多餘嘅脂肪同筋膜； 牛扒本身多汁、肉質嫩滑, 牛味偏淡； 伴碟薯菜同焗蒜頭做得非常好👍！佢哋嘅非傳統卡邦尼亞意粉, 個汁非常濃厚而且好好味, 雖然啲煙肉冇炸到脆卜卜, 但都好香😋而且賣相一流！Mocktail 晚餐時段買二送一, 我哋啱啱好三個人, 有一杯免費！我叫咗杯 Dr Hulk, 諗住啲顏色應該好似變形俠醫咁核突🤢, 實際上綠色非常淡；理論上佢係用牛油果同香蕉加奶打成, 我真係唔係好飲到牛油果味（如果可以放大啲牛油果未就好啦）,

環境係工業風裝修，而且都幾闊落，有買live Music冇乜人所以都幾chill，佢哋嘅手工pizza🍕味道濃郁，好有質感而且好足料，牛柳熟成度啱啱好，口感細嫩酥皮外脆內軟，口感好特別，雖然小編本身唔太喜歡黑松露味，但係都幾Creamy唔會好膩，另外每條薯條都被孜然粉包裹着，味道濃郁，Earl Grey Chocolate濃郁嘅朱古力🍫味又Creamy又香滑，但Hot Latte Coconut味道正常發揮，但係椰子味偏重

今次呢間主打精緻西餐 鋪頭用紅磚做鋪墊 滿滿既西洋風 ʕ•ᴥ•ʔ 脆皮乳豬夾係無花果同薯片中間 好特別既口感 皮脆而不膩令人想一啖接一個咁食🐖 龍蝦汁意粉掛汁而煙靭 海鮮彈牙好食🦐水牛城雞翼入味 不過我略嫌有少少唔夠辣 ⁄(⁄ ⁄•⁄ω⁄•⁄ ⁄)⁄ 芝士pizza好好食 有輕輕拉絲 批邊夠脆而薄批冇咁飽 可以食多幾塊🍕用焦糖燉蛋作結 糖皮配上唔會過甜既燉蛋 好味(๑˃̵ᴗ˂̵)و值得一讚係員工態度都好唔錯會留意我哋需要不停幫我哋斟水又係適當嘅時候比到啱嘅介紹我哋

紅磚牆美式風格裝修，昏暗有情調，環境大座位多。✨味道72分，環境75分，服務72分。.🔸燒西班牙脆皮乳豬($188)⭐️擺盤靚，乳豬好脆口，肉嫩，香脆，微酸辣調味，乳豬切成一小件，上面放無花果，下面一層酸酸辣辣既醬，底下再痴住塊chips。.🔸四式芝士手工薄餅($168)分別有水牛芝士，車打芝士，瑞士芝士，羊奶芝士，當然芝士味非常豐富，好濃厚，口感仲好煙韌。上面仲擺咗少少意式辣肉腸，另外有落番茄醬調味，微酸，中和芝士既滯膩感。.🔸招牌M5和牛漢堡($148)好厚好大份，洋蔥醬幾香，配埋蕃茄菜，咬落口感豐富，漢堡煎至粉紅色，不過入口有啲鞋同乾，少失望。轉餐(+$40)包是日精選湯，薯菜，是日精選甜品，飲品。-蕃茄忌廉湯，有好濃蕃茄味，幾酸。-薯菜可選擇薯條或沙律菜，薯條夠脆夠熱。-甜品係香蕉蛋糕，上面有吉士，有新鮮雜果，擺盤好靚，仲用朱古力醬畫咗朵花🌻-飲品都係咖啡或茶，凍飲+$3。