江湖小棧

营业中

休息中

呢間煲仔飯好出名，所以專程黎試吓。黎到見到咁多人都心知不妙，不過太想食煲仔飯嘅關係，我等！最後等左2個半鐘。。之後先知原來有得打電話拎飛先😑😑😑————————❦ 臘腸潤腸滑雞煲仔飯 $80豬油係好肥，但淋完真係好香！臘腸潤腸既味落哂d飯到，同埋d雞煲完都係咁滑！加埋飯焦冇得輸，脆而唔燶，岩岩好！不過臘腸潤腸得幾塊就少左d🥺評分：🌕🌕🌕🌕🌘-❦ 土魷肉餅煲仔飯 $80肉餅好嫩滑，土魷都多，不過肉餅整體份量較少，但個煲仔飯都係好出色！評分：🌕🌕🌕🌕🌘-❦ 豉椒炒鵝腸 $98好好食！超夠味，鵝腸爽口唔韌，但$98黎講份量太少。評分：🌕🌕🌕🌖🌑-❦ 燒原條茄子 $50超大條，落左蒜蓉同炸蒜落去燒，都夠味👍🏻評分：🌕🌕🌕🌗🌑-值得再食但我下次一定會打電話拎飛先😂😂

天氣終於轉涼，凍冰冰就最岩去食香港特色煲仔飯啦！本來想去油麻地，但係一睇發現食開果間差左好多，惟有再search下邊度好啦！見到呢間江湖小棧有豬油煲仔飯，好吸引！星期六七點幾去到已經有一堆人係門口等緊，要等差唔多30分鐘先入得。仲差一個的時候會問定你食咩飯，煲定等你唔洗等咁耐！呢度的煲仔飯有好多選擇，有普通的又有自選三餸。我地揀左土魷煲仔飯同臘味滑雞，仲叫左一個馬拉棧燒通菜。可能我地一落完order就好快有位，所以坐左一陣先有得食！呢度地方都幾逼，我地係坐係走廊加的摺枱，坐得唔算舒服。煲仔飯會連埋豬油同豉油一齊上，落完豬油焗一陣，食的時候再落埋豉油！煲仔飯有豬油香，有甜甜的豉油，土魷的鮮味，臘味的咸香，仲有大大塊的飯焦呀！🤤🤤🤤呢度d煲仔飯係真係幾好食！可以encore! 不過提提大家，食臘味飯的朋友唔好落大多豬油，因為臘味本身都油，落得太多成個飯就會太油喇！仲有馬拉棧燒通菜，通菜新鮮有甜味，煮得岩岩好，不過係油左d！同埋煲仔飯好好食，變左我地成日掛住食飯，忘記左個通菜，下次可能淨食飯算喇！🙊🙊🙊

上年冬天呢間野賣廣告賣得好行，屋企人又鐘意食煲仔飯於是慕名而來，食過好幾次，終於忍唔住要寫個食評讚下了。襯天氣涼涼地，又約屋企人去開餐喇。我地7點鐘到，要等一張檯。可能食飯時間，而且鋪頭唔算大，都差唔多等左15分鐘到...為左快啲有得食，我地係出面已經諗定食咩，一坐低就落單今次叫左個煲仔小菜紫菜粉絲蝦腐煲（$88）係最先黎..諗住叫個清清地既送，但味道都幾重，平時食開淡味野應該會覺得好咸，值得一讚既係個蝦腐好食，好彈牙。平時食開魚腐覺得口感淋bat bat，呢個有驚喜，成個煲都有好多舊跟住就我們的最愛砵酒焗魚腸（$78）呢間野最值得反桌其實係焗魚腸，啲腸真係好大條好肥好多，最緊要係唔會有臭味！再灑啲糊椒粉，撈埋啲蛋非常yummy，一定要試！咁餐廳招牌係煲仔飯，我地都叫左兩個，佢啲配搭都幾特別，而且可以百搭。今次就一個特別一個傳統...欖角排骨土尤肉餅（$73@）佢出名就出名在除左豉油調味，仲有豬油俾你落！個汁好似有慶過黎，同煲仔飯拎過黎果時都仲係熱熱地，可能怕凝固....啲油鐘意落幾多就幾多，講健康既就落少啲，但一定要落下，個飯真係香好多！落完再焗多陣，飯焦都多幾舊講下個餸啦，其實都冇