麵屋 元祖達摩 (已結業)

今日喺粉嶺遲左收工，近近地黎到大埔食好野，喺太和站行10分鐘多啲就到。呢度有好幾款拉麵揀，味道好多元化，連喇沙味都有！我朋友試左雞骨醬油拉麵，湯味濃啲同咸啲，朋友呢碗有好多葱，好羨慕我呢碗係豚骨拉麵，我揀左豚角煮，所以一大塊腩肉上，好厚身！其實我都揀左要葱，不過我就2碗拉麵寫埋同一張單度，所以可能睇唔到，惟有叫朋友分啲葱俾我我呢款嘅湯係清甜啲，我仲可以連埋湯咁食，正呀！下次食都要記得要分開一碗麵一張單咁落單好啲有好多唔同口味俾你揀，而且都好岩香港人嘅口味，我同朋友有選擇困難症都諗左好耐。我地傻左，叫左墨汁餃子又再叫多左隻溏心蛋，但其實食落好飽，差啲食唔晒。餃子黑媽媽，但好好味！

大埔最近開咗間新拉麵，叫達摩拉麵，大埔終於有間特色拉麵啦。一入門口好多好多招財貓，好有仙氣feel呀~ 裝修簡單但裝飾搭夠主要賣五款拉麵，三款小食，款式唔多不過都夠揀嘅，落單紙都印咗鋪頭logo，堅持！連餐具，紙巾盒都好detail，老闆係有heart嘅叫咗個期間限定海老拉麵(左邊)，寫到明話用日本原材料，係堅喎！嘩~見到真係嘩咗聲，好豐富好足料呀！啡啡地色嘅湯底味濃不咸，有4+2=6塊肉，肥瘦均勻，啲肉好嫩好好味，原隻糖心蛋點解可以做到咁滑，仲有菇菇，粟米，芽菜，竹筍，紫菜...數唔晒，好多配料，最緊要係有勁多櫻花蝦。媽呀~點解98蚊食到咁多野特上豚骨拉麵-鈴川配料，豚肉份量同期間限定一樣，但個湯就唔同，我試左啖湯，好香豬骨味，對比起嚟個湯會淡dd，鐘意豬骨就唔洗諗，叫依個啦墨汁餃子，黑色嘅肉餡，好好味真係黑色唔係呃你芝麻雞翼，炸到好脆好香，放左一陣先食都係keep住脆，係咪有獨門炸野秘技?拉麵店有凍水，所以我冇叫飲品，而佢啲飲品都係招財貓樣，好搞笑