火鍋頭

营业中

休息中

有個住土瓜灣嘅朋友成日呻話無啖好食，其實附近嘅九龍城有好多好嘢食㗎！今次4個朋友一齊食飯，呢個人數最好就係去打邊爐喇，叫到成枱都係嘢食真係好正。番茄鮮蜆龍蝦鍋 $288 睇顏色都知超香濃！最正係入面有成隻龍蝦㗎！等緊湯底ready時，識食嘅梗係食住小食先。墨魚油炸鬼 $58 超好食！墨魚嘅鮮加埋油炸鬼嘅酥脆，點埋泰式辣醬好開胃。冰梅一字骨 $58 酸酸哋又唔係無肉食，好食又開胃。炸妙齡香蕉 $42 本身聽到「妙齡」好有遐想，朋友形容佢為炸香蕉糕，因為佢個texture同平時炸香蕉有啲唔同。九點海鮮牛肉盛 $850 呢個set落單嘅時候覺得有啲貴，但食嘅時候真就覺得點得好好！佢包括咗極上手切牛拼盤同埋海鮮盛。碟牛好高質，油花分布均勻，牛味又出，個人覺得最正係牛頸肩肉同埋牛胸爽，前者好香肉味，後者食落爽口，口感過癮。海鮮方面好新鮮，帶子都幾大隻，另外有瀨尿蝦食都幾驚喜。西班牙黑毛豬 $78 又係一睇就知靚，薄切厚度啱啱好，肥瘦適中，不過啲牛太正，有少少被比下去。手打粒粒墨魚丸、芝心蝦丸、鮮蝦韭菜餃、梅菜王豬肉丸 (雙拼) $88-98 啲丸全部都自家制，好值得叫嚟食，其中梅菜王豬肉丸味道好

A姐一聽到「寒冷天氣警告現正生效」，我就知道佢會話今晚去打邊爐，無他嘅滾下滾下，有幾暖粒粒㗎！今晚決定去九龍城火鍋頭，聽講佢個招牌豆腐木棉魚燉湯好正㗎！火鍋頭招牌豆腐木棉魚燉湯湯底永遠都係打邊爐嘅靈魂所在，招牌豆腐木棉魚湯底一啲都無令人失望。個湯底煲到乳白色，仲有陣陣好香嘅魚香味。寶物沉歸底，除咗粟米同雜菇之外，裏面原來仲有原條木棉魚，真材實料，一啲都唔馬虎。打邊爐前，飲返碗湯先，鮮味十足，配埋木棉魚食，無得彈！墨魚油炸鬼啲料未嚟到嘅時候，最啱食啲小食。墨魚油炸鬼新鮮炸起，一啲都唔油膩，墨魚膠鮮味彈牙，點埋泰式辣醬，好惹味！甜蜜麻辣雞翼雞翼表面有一層口口嘅蜜糖，甜得來又有一陣麻辣味，出奇咁夾，味道豐富，正！手切頂級安格斯牛小排安格斯牛小撬厚薄適中，雪花分佈平均，口感柔軟，牛味濃郁。海鮮拼盤哇呢個海鮮拼盤賣相非常吸引，有游水鮮甜花竹蝦、沙插活帶子、北海道野生元貝、游水瀨尿蝦同游水青龍蝦。全部海鮮都非常新鮮，花竹蝦嚟到嘅時候非常生猛，仲識郁㗎，所以肉質鮮甜美味。另外，瀨尿蝦都充滿驚喜，肉質結實。鮮蝦丸 + 梅菜王豬肉丸餐廳有10多款自家製火鍋料，我哋揀咗鮮蝦丸同梅菜王豬肉丸。鮮蝦丸非常彈牙

天氣開始轉涼，又係打邊爐既時候，約埋兩個朋友去九龍城火鍋頭，九龍城試過幾間火鍋，火鍋頭算係比較乾淨企理，食物質素好既火鍋店，搬左新鋪，大左，坐都坐得舒服D😌揀湯底先，原本朋友想叫冬瓜花膠雞，之前試過都好多份量，怕食唔到其他野，我又想食辣，最後叫左清湯牛腩同麻辣鴛鴦鍋先黎一個竹庶茅根水，唔太甜，飲完即時唔覺熱氣安格斯牛，又腍又滑，食完滿口油香冬瓜普通，冇咩味西洋菜好嫩鴨血同台灣個啲唔同，比較實，不過味道還可以餃同丸都可以雙拼，芥辣墨魚丸，食落好重wasabi味，墨魚都好足料，芝心牛丸芝味同牛味都唔太夠，韮菜餃必食，黑松露椰菜餃冇乜黑松露味，菜就好甜響鈴應該係即炸，又熱又脆墨魚油炸鬼，就咁食好油，淥一淥就好啲蠔我唔食，不過一放低就聞都好勁蠔味本地牛，好重肉味同咬口食完like埋佢個page，仲有雪糕送

舊鄰居請去食火鍋，放工趕去，反正以前大家家住九龍城，算係半個地胆🤩🤩。成條街，最奪目係呢間火鍋頭招牌舊區樓底高，完全無壓迫感，枱夠大張但又唔會彼此太貼近，環境算寛敞除了火鍋，另有刺身和鍋前一口小吃揀了油炸鬼釀墨魚膠， 鬆脆可口， 手打墨魚膠彈牙，點泰式酸甜醬， 好惹味好大鍋，奶白濃郁杏汁，大大件豬骨豬肺淆湯，伴有芹菜， 黃芽白，味鮮甜滋潤，先飲2碗嘆下先陳皮有益補氣，味道同牛肉最合襯，每一口都帶有陳皮清香味，肉滑爽口又有益， 打邊爐都要講養生之道呀牛立方好有嚼口感，越咬牛味越出， 牛胸爽切到好似紙薄， 一滾就可以食得，略嫌脂肪味重， 牛骨髓較少有，入口粉滑大大隻，脹卜卜， 皮薄滑溜韭菜多，好好食呀這個海鮮必吃， 每一樣都非常新鮮，而且洗得好乾淨，沒有一點沙 切記不可以太熟，否則肉質過硬便浪費了馬刀貝粒粒都好大隻， 熟咗之後冇乜縮水， 大件爽口好食最後叫了羽衣甘藍和唐蒿菜，這餐非常滿意，有機會要再食過